Tigidali Nai Gagalama Nigali Side 29:3 - Godigo dwagi yai po buku

³ Tama te tigidali kibu sipsip hani sisinagasa silai madi, tama te kibu tonalubo bidi dabego te ulu wę panialuali genuai masigi dagala sąnama, tama augwaligo te sipsip dabe wę mayu yai. Tama te kibu sipsip dabego wę tula silibo si, tama te kibu sipsip tonalubo bidi dabego te wę ulu palibo madi teba ma paliyu yai.

Tigidali Nai Gagalama Nigali Side 29:3 Referans Kwoze

Tigidali Nai Gagalama Nigali Side 29:2

Aga doligi pelama, tonono bilibadi, tama te nosai elalubo moni tǫde agai te kibu sipsip hani sela te wę ulu me deli tubo madi pąde pila mubo hania suali. Te sipsip kibu hani augwaligo te ulu wę tubo da, tama te ulu wę dedage palibo genuai masigi elaluali.

Tigidali Nai Gagalama Nigali Side 29:4

Te Jekopgo augwalibolo hanalu wali, “Abagi dede, dage mena badu bidi dabe dawe?” Tama augwaligo te po wai, “Da te Haran bulu bidi dabe dao,” wali.

Ma Dobola Sali 2:17

Tama tialima, gasa sipsip tonalubo bidi hani aselama, tama augwaligo te bidigo wegimani ąį tuagasu asobadi, augwali sela sąnama, “Pao,” wai. Tama Moses agai te wegi dabe tau siyu, tama te bidi dabe augwali sela sąwai. Tama nosali Moses agai te wegi dabego kibu sipsip meme dabe ąį mawai.

Te Israel Tobolu Bidi Dabe 5:11

Odiąo! Te wę uluba sisinama, te po hauwa miani we bidi hani augwaligo te Genuai Bidigo nogi ugwanu sali po pusao, augwaligo te Israel bidi dabego ugaba ela holali po pusao wali! Tama te Genuai Bidigo we bidi augwaligo te hanu tagalama, tama augwali aiyaba dulai.

Solomon 4:12

Eno we, nage eno hobolu du mu da. Nage te obo baguai gi me deli tiwai elalubao, tama te tomoba niwai bidi me pisąwani. Nage te ulu wę me deli tiwai te gi tomode elalubao.

Tigidali Nai Gagalama Nigali Side 29:8

Tama kibu tonalubo bidi dabego te po wai, “Menio. Dago tama me tegobeo. Te tigidali sipsip hani sisiniyu bolo elama, tama nosali dago te wę ulu dedage paliali masigi dagala munama, tama te sipsip dabe wę mabo dao.”