Tigidali Nai Gagalama Nigali Side 29:23 - Godigo dwagi yai po buku

²³ Tiali goli, te sogo hulide Labango te wegi Resel mawainu yali hasegelama, te Jekopbolo Lea menama, tama Jekopgo te konesiąbaso, te Lea aga dali piai.

Tigidali Nai Gagalama Nigali Side 29:23 Referans Kwoze

Maika 7:5

Awe, te sogo te ogwa dabego te augwa aya dabeba posobo po dwai weyu, te wegi dabego augwa ida dabego po sela sąyu yaibao. Te bidigo sali we dabego te augwa auwa dabe dali konila po weyu yaibao. Te bidi aga we wai dali te boi bidi pedelaibao. Tibaso, nago te naga abagigo wabo po me, hai namugo po me, te osola suao, dua dao. Tama nago te naga we dali wabo po tigidali me, te bugagia tonalu te yao.

Tigidali Nai Gagalama Nigali Side 24:65

Tama agai te Abrahamgo sę bidibolo hanalu wai, “Te mena bidi da tiąba asobawe?” Tama sę bidigo te po wai, “Te eno genuai bidi dao.” Tama tibaso, Rebeka aga tobolude elaluali ugwa namego te aga gesabidi au palia sai.

Tigidali Nai Gagalama Nigali Side 29:22

Tialima, Labango te genuai nai te wegi sabo sogode ulainu, tama agai te bulude bidalubo tigidali we bidi dabe i olama, tama augwali te nai tuagasali.

Tigidali Nai Gagalama Nigali Side 29:24

Tama Labango te Leabolo sę ebo we me deli mawai dao, te aga nogi Silpa.

Tigidali Nai Gagalama Nigali Side 31:15

Tama ayago da si te digibulu we si pedalumainu ilali. Agai da side nai polo sai dao. Tiali goli, agai te nai tigidali dobola silai dao.