Tigidali Nai Gagalama Nigali Side 29:13 - Godigo dwagi yai po buku

¹³ Labango te aga abego wai asali po odama, tama aga udulama, aga bidibo madi pai. Labango Jekop aga pagea selama, tama aga nono nenama, tama aga beba odasa pali. Tialima, Jekopgo agade yali sę po tigidali pusali.

Tigidali Nai Gagalama Nigali Side 29:13 Referans Kwoze

Tigidali Nai Gagalama Nigali Side 24:29

Tama Laban, te Rebekago abe, agai te ring gol me, te golgo nigai nogo mo si me, te aga gunide walali me, te nogode holali suali. Tama agai odali, te bidigo yali sę po tigidali Rebekago pusali. Tama aga udayu, te bedu buluba teda solama, tama aga te Abrahamgo sę bidi me bididubo madi saboligi pai, aga te aga kamel dabe dali te ulu wę tubo pąde dolaludai.

Polgo Po Pas Rom Dabeba Asęani 16:16

Te Godigo we bidi dago ebo kolesaga te tiwai eyu, tama abagi homu eyu, duga hasi dage tigidali deli deligo te ama dede augwali pageiąo. Te Kraisgo po odobo hani tigidali augwaligo siade da po dagebolo ola tolobao.

Godigo Sęba Tagala Palai Bidigo Po 20:37

Tama augwali tigidali sisinama, Pol pagea selama, sebedi usu eyu, gela wali.

Dwagi Yai Gesi Po Lukgo Asęani 7:45

Nago beba ena asobadi, dwagi yai homu elama, nago ena nono nabe. Tiali goli, e wego da, ena asobode gagalama eno sągąde nono nabo togobeo.

2 Samuel 19:39

Tialima, king me aga hani we bidi dabe te wę Jordan nogelama, u badu tugi pali. Tama kingo te Barsilaiba te gesabidi nono nenama, tama Godiba hanalu, te Barsilai wiegi yai ilimainu yali. Tama Barsilai te aga buluba ma geasa palio.

Ma Dobola Sali 18:7

Tama Mosesgo te po odama, tama agai Jetro tiąba tųdu pai. Tama Mosesgo mage basi gulama, tama nosali agai aga sebedi usai. Tama augwa si bidabo po dabe olama, tama nosali augwali Mosesgo ugwa be tomoba pai.

Ma Dobola Sali 4:27

Tama Genuai Bidigo Aronbolo te po wai, “Nage te masigi sane yai buluba pelama, Moses dali tede sisinaibao.” Tialima, aga pelama, Moses te Godigo bulu dude sisinama, gesabidi suyu, tama dwagi yai homu eyu, augwa si gesabidide nono nai.

Tigidali Nai Gagalama Nigali Side 45:15

Tama Josepgo aga ama solo tigidali nono neyu, tama gela dali wai. Tama nosali augwaligo aga dali po miani.

Kolosi 4:5

Dage te Godigo obo tomoba asisąwai we bidi dali bidibadi, dagego homugo kone palama tama bugagia bilao, subigila meni. Augwalibolo Godigo po pusubo sunumi dabaso da, teda augwalibolo pusao.

Tigidali Nai Gagalama Nigali Side 24:31

Tama Labango te po wali, “Abagio, Yawego te wiegi yai sę te nage dali yalio. Magi baso nage te bulude dolaludubawe? Da si beba pinao. Eno nage bidabo pesage dodolalio. Tama te kamel dabe me bidabo pesage usu yai elalubao,” wali.

Tigidali Nai Gagalama Nigali Side 33:4

Tiali goli, Iso udada aselama, tama aga ama pagea sagaselama, tama aga dali nono nai. Tama aga si talua si gela wali.

Tigidali Nai Gagalama Nigali Side 24:32

Tialima, te sę bidi aga dali pelama, te be tomoba pai. Tama Labango po aga sę bidibolo obaso, augwaligo te kamel dabego tudide munasa asali walu dabe sela munama, tama augwaligo te nosai me nai te augwali mani. Tama augwaligo wę te Abrahamgo sę bidi aga hani dali teba selasa pelama, te augwali sągą wę telamainu yalio.