Tigidali Nai Gagalama Nigali Side 28:20 - Godigo dwagi yai po buku

²⁰ Tama Jekopgo te tiwai po God dali dąų wali, “Te nage ena dali bidiyu, tama nago ena e bobobage sunumidu pobadi tonaluyu, tama nago ena te nai me, ugwa me menama,

Tigidali Nai Gagalama Nigali Side 28:20 Referans Kwoze

2 Timoti 6:8

Tama tibaso, dago tubo nai me ugwa me elalubaso da, teda dago dwagi yai homu pemene idu te homu yao, “Te naigo ena usu ilali. Ena dwagi yai homu pemene ebo dao,” te homu yao.

2 Samuel 15:8

Magi baso meni, te ena te Gesur te Siria tǫ pedaide bidali sogo, eno te tama bomai po Genuai Bidiba dąų walali, te Genuai Bidigo ena te Jerusalemba ma odasa pabo sogo da, teda eno te agaba lotu waibao po wai,” Apsalomgo te po wali.

Dwagi Yai Gesi Po Jongo Asęani 1:16

Aga te olo tau sabo sę hauwa mu ebo dao. Tama dabolo agai ma eyu, ma eyu idu gebo dao.

Godigo Nogi Ugwaba Sabo Tęąbi Po Wabo Buku Dabe 66:13

Polobadu te sęgę enaba pedalubaso, tama eno nageba po dąų weyu, te siaba tigidali ulama, domainu ebo ofa mawaiba po wai. Eno te dąų walali po me konealuyu, tama tialima, eno te ofa dabe nageba selasa asaibao. Te eno nago tempel beba te hasa dabe sela aselama, te siaba ulumainu yaibao.

Tigidali Nai Gagalama Nigali Side 31:13

Te God nageba te Betel buluba pedelali, te ena tama dao. Te Betel bulude nago te homu hodolubo masigi me deli dodolali, tama te wel ugwadu daiba gelali. Tama nago bomo yai dąų wali po me deli ena dali dąų walai. Tialima, megi da, te nago doado bage sisi ilao, tama nago te bulu taga peyu, tama naga page buluba ma pagameo,’ agai enabolo te po wali,” Jekopgo aga we sibolo te po wai.

Godigo Sęba Tagala Palai Bidigo Po 18:18

Te bidi Pol aga te Jisasgo po wali pabo hani dali hauwa sogo bidali, te Korin be nanide. Tama nosali agai augwali taga soali. Agai te Prisila dali, Akwila dali augwali sela te Siria tǫba pabo gagalali. Tama Senkria be naniba tǫdu sabolama, tede Pol agai Godibolo bodolu mawai. Aga tobolu nisi poayali, te bodolu mani po dąų omainu yai.

Godigo Nogi Ugwaba Sabo Tęąbi Po Wabo Buku Dabe 132:2

Te Israelgo Bomai God, nago te Devitgo nageba te dąų walali po meba koneao.

Godigo Nogi Ugwaba Sabo Tęąbi Po Wabo Buku Dabe 119:106

Eno po dąų weyu, te eno nago doloba pai po tigidali wali paibao po walio. Tialima, eno te tiwai tama yaibao. Eno tibo po me wagobeo.

Godigo Nogi Ugwaba Sabo Tęąbi Po Wabo Buku Dabe 116:18

Polobadu eno po nageba dąų walali, tama megi da, eno te sę nago we bidi tigidali gedude yaibao.

Godigo Nogi Ugwaba Sabo Tęąbi Po Wabo Buku Dabe 116:14

Te aga we bidi tigidali sisinibo madi te eno po dąų wali gilama te tama tiwai yaibao.

Godigo Nogi Ugwaba Sabo Tęąbi Po Wabo Buku Dabe 76:11

Nago te naga Genuai Bidi Godiba te bomai po dąų walali, teda nago te dąų walali po wali pao. Nago tibo po me wagio. Dago te Genuai Bidide wi elama, tama tiyu, te tigidali we bidigo te agaba wiegi yai olo maiyabo nai dabe selasa pao.

Godigo Nogi Ugwaba Sabo Tęąbi Po Wabo Buku Dabe 61:8

Nago tama tibaso da, teda te tigidali side te eno polobadu te po nageba dąų walali po, te eno wali peyu, tama eno nago nogi ugwaba sabo tęąbi po te sesemane bidada pabo sogo udaibao.

Godigo Nogi Ugwaba Sabo Tęąbi Po Wabo Buku Dabe 61:5

God, te tigidali naide eno nageba te po dąų walali, te nago odalio. Tama nago te nai dabe enabolo mawai, te nago nogi ugwaba sabo we bidi augwaliba mabo tiwai gilama yalio.

Godigo Nogi Ugwaba Sabo Tęąbi Po Wabo Buku Dabe 56:12

God, te polobadu eno yaiba olama po dąų wali sę, te sę eno yaibao wali. Nago ena ma dobola saligo tama, ena me isibeo. Nago ena tau saligo te boi bidi dabego ena me aiyaba elalubeo. Tama tialima, God, ena te nage dali sesemane sogo bilibao, tama ena te nago ulade bilidubadi, te ena isiboba usu naibao. Tama eno nageba usu da mu weyu, tama eno te usu da wali po dąį iliyu, te eno ofa me deli yaibao.

Aisaia 19:21

Tama Genuai Bidigo te Isip dabego aga deli naga te Genuai Bidi dao olama, konemainu tagalaibao. Tama agai tama tibo sogo da, te Isip dabego bugagia mu koneama, agaba lotu po weyu, agaba ofa nai dabe sela peyu yaibao. Tama augwaligo agaba bomo yai pogo dąų olama, tama augwaligo yaibao wali sę dolo tama augwaligo yaibao.

Godigo Nogi Ugwaba Sabo Tęąbi Po Wabo Buku Dabe 22:25

Te lotu wainu sisinibo genuai pesagede te eno nago nogi deli naga ugwaba saibao, te nago ebo sę tigidalide te tama tiaibao. Te polobadu eno yaibao po dąų wali ofa, te eno te nagede wi ebo we bidi gedude yaibao wali.

1 Samuel 14:24

Te hwįani sogode Solgo bomai po te Israel dabeba wali. Agai te tiwai po wai, “Megi naga eno te boi bidi dabeba te dwai sę yali wei ponama, tama augwaliba dene mu mawainu ebao. Tama tiyu, dage tigidali bidi te nai me deli tusiąma, te giliga dega sigiluboba usu nao. Te bidi mego nai tuali da, teda eno homugo te Godigo aga dolomainu yaibao,” wali. Tama tibaso, te bidi mego nai me tusiąma, tama te Israel dabe tigidali te nasi dwai mu elama, tama bomo mu meni yani.

1 Samuel 1:28

Tama tibaso, megi eno aga te Genuai Bidiba mawainu ebao. Tama agai te Genuai Bidigo sę sesemane sogo yaibao.” Idago te po ola silibo si, teda Samuelgo gesabidi Genuai Bidiba basi gulama, agabolo lotu po wali.

1 Samuel 1:11

Tama Hanago bomai po me deli te Genuai Bidiba dąų weyu, te tiwai po wai, “Genuai Bidio, nago tigidali bomo elalubo. Eno homugo nago ena sumainu homu ebao, nago sę ebo we dao. Eno te elalubo homu sęgę ebo sulama, tama ena homu kone palao. Te nago ena homu kone palobo te munu me tagalamuo. Te nago ena te wai ogwa me deli mobaso da, teda eno aga te nageba mayu, te aga nago sę bidi bididubadi, te aga isiboba usu nigi paibao. Tama te dąį nigiliyu, te augwaligo aga tobolu nisi munu me togogobeo,” tama po wali.

Tigidali Nai Gagalama Nigali Side 28:15

Odiąo. Ena nage dali bidiyu, tama nage paboba te tigidali habu te eno tonalua bilaibao. Tama nage eno e tǫba ma odasa asaibao. Tama eno nage munu me tagalisiąbadi, te eno nagebolo po wabo sę tigidali usu nama, pedela silaibao,” Yawego te po wai.

Tigidali Nai Gagalama Nigali Side 35:3

“Te dago te bulu taga peyu, te da Betel teba holoyu, tama paibao. Tama eno te Godibolo te alta me deli nigaibao. Agai ena te sęgę elalubo sogo tau sali, tama ena menaba pali, teba aga ena dali bidali,” wali.

Tuni Bidi Dabego Po Elalubo Buku Deli 4:10

Me sogo deli Jabesgo te Israelgo Godiba gedu haluasa po te tiwai wali, “God, eno homugo nago ena tǫ hauwa mao. Te eno homugo nage ena dali bidama ena tau sao, te nago ena bugagia tonaluao, te dwai nai dabego enabolo dene maidalio,” wali. Tialima Godigo agai gedu haluasa po wabo odama, tama Jabesgo agaba hanalu wali sę po tiwai sę yai dao.