Tigidali Nai Gagalama Nigali Side 28:19 - Godigo dwagi yai po buku

¹⁹ Agai te bulu nogi te Betel nogi poai. Polobadu te bidi dabego te bulu pąde elalubo hanu nogi Lus nogi yai.

Tigidali Nai Gagalama Nigali Side 28:19 Referans Kwoze

Tigidali Nai Gagalama Nigali Side 48:3

Josep sabalubosi, tama Jekopgo agabolo te po wali, “God te Tigidali Bomo Elalubo te enaba te hanu Lusde te Kenande pedelali, tama agai ena wiegi yai mobo menama,

Tigidali Nai Gagalama Nigali Side 35:1

Tama nosali Godigo Jekopbolo te po wai, “Nage hogodama, tama nage te Betelba pelama, tama nage teba osogo bidigi pao,” wali. “Tama nago te Godibolo ofa yabo te alta sai me deli nigao, te God nageba pedelali, te naga ama Iso dali wi ebaso soali sogo, te God nageba pedelai,” wali.

Hosea 4:15

“Dage Israel we bidi te penani we tiwai elama, tama dagego ena tagalalio. Tiali goli, tiyu dage te Juda we bidigo te tobage kolesaga tiwai igimio. Dage munu me te tibo lotu te Gilgalba ma te Betelba me wagi pelamuo. Dagego te tebo kolesagago te Betel te dwai pesage pedalubo tiwai ebao. Tama teyu, te eno be tiwai ąǫ me egobeo. Tama te bulu pesage side, dagego te po dąų walobo po te eno nogide me wagio, ‘Genuai Bidi te sesemane bidada pabo dao.’

Te Israel me Juda Hani Sigo Tuni Bidigo Po Elalubo Buku Deli 12:29

Tama tialima, agai te tibo god noma dabe nigali te me deli te taun Betel buluba mugi pali, tama me te taun Dan buluba mugi pali.

Tigidali Nai Gagalama Nigali Side 12:8

Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.

Tigidali Nai Gagalama Nigali Side 28:11

Tama digibulu pelama, tama tomode me sogo aga te bulu me deliba sabolama, tama aga tede bididuai, magi baso meni, te be pio eyu, giliga dega sigi pali. Tama tibaso, agai tede munaluali masigi me deli selama, te aga tobolu muabo dologo badu tobolo ni tiwai munama, tama aga godege piali.

Tigidali Nai Gagalama Nigali Side 31:13

Te God nageba te Betel buluba pedelali, te ena tama dao. Te Betel bulude nago te homu hodolubo masigi me deli dodolali, tama te wel ugwadu daiba gelali. Tama nago bomo yai dąų wali po me deli ena dali dąų walai. Tialima, megi da, te nago doado bage sisi ilao, tama nago te bulu taga peyu, tama naga page buluba ma pagameo,’ agai enabolo te po wali,” Jekopgo aga we sibolo te po wai.

Tigidali Nai Gagalama Nigali Side 35:6

Tama Jekop aga hani dali augwali tigidali te bulu Lusba pali, te bulu gasa nogi me Betel wabo, te Kenan tǫ pedai badu elalubo buluba tama pali.

Tigidali Nai Gagalama Nigali Side 35:14

Tialima, Jekopgo te Godigo aga dali po miani pesagede te bobage masigi me deli selama, te ugwaba dodolama, muani. Tama agai te masigi daiba ugwadu te wain wę me, wel dali si te ofa tiwai elama gelali.

Tigidali Nai Gagalama Nigali Side 35:15

Tama tiyu, te bulu agai te nogi Betel ma poali.

Josua 8:12

Tama Josuago te bidi sese hauwa umabo 5,000 bidi tiwai usu pąde ami bidi dabe selama, tama augwali te sia dega sigi pabo badu, te hanu Ai de Betel tomo agebele si tomoba pelama, geme duala sigi pomainu tagala palai dao, te do tama yai dao.

Josua 18:13

Tama te dąį pidubadi geani, te saut pedai badu te dwasianu bulu du me Lus teba dąį igi pali, te augwaligo te nogi Betel wali, tama te Atarot Adar teba aiya dulali, te bulu du me deli Bethoron pąde ugwadu elaluali, te saut pedai badu dao.

1 Samuel 7:16

Te tigidali kibu bede aga te Betelba, me Gilgalba, me Mispa, te bulu selaba pelama, tama te Israel dabego po tų ebo po odolama, tama augwaligo sęgę elalubo dodoliyu yai dao.

1 Samuel 10:3

“Tialima, nago te bidi augwali si tagalama pobadi, tama te habu selali ni te Tabor buluba sabolama, tama nago tede bidi sela te gesabidi sueibao. Augwali te Godiba ofa ilainu, te Betel buluba pabo sueibao. Te bidi sela te bidi me deligo te gesi ogwa bidi meme sela te sela asobo, te gasa bidi mego te bret sela sesali, tama sela wali bidigo te meme tigi walide augwaligo te wain wę tabiali, te abilasa asobo sueibao.

Tigidali Nai Gagalama Nigali Side 35:7

Tama agai te alta sai me deli nigilama, tama te bulu nogi poali, te Betel God da wali, magi baso meni, God aga digi aga te Jekopbolo waselai, te aga amade wi elama soali, te sogo aga ola mani.

Josua 16:2

Te Beteldu dąį pali te bulu Lusba sabolama, tama palima, te Atarotba dąį igi palima, te Arka bidi dabe bidalubo madi dao.

Te Israel Tobolu Bidi Dabe 20:26

Tama te Israel bage dabe tigidali te Betelba ma pelama, tama augwaligo te Genuai Bidiba gela wagi pai. Augwali te Genuai Bidigo gedude dualaludubadi, te giliga dega sigulama, tama augwaligo te nai me wę me munu me tusiąwai. Tama augwaligo te siago domainu te tigidali siaba ulubo ofa te Genuai Bidiba homu deli elama, te tama ofa yalio.

Te Israel me Juda Hani Sigo Tuni Bidigo Po Elalubo Buku Si 2:2

Tama Elaijago te aga sabi Elisabolo e tiwai po wai, “Nage ede tama bidiyu, tonaluao,” wai. “Magi baso meni, Genuai Bidigo ena Betel buluba pao wai,” wali. Tiali goli, Elisago e tiwai po wei ponani, “Genuai Bidi bidada peyu, bidada paibao. Te mu po dao. Tama te tiwai gilama, eno mu po tama obao, ena nage dali paibao,” wali. Tama tibaso, te augwali te Betel taunba talua si pai.

Tuni Bidi Dabego Po Elalubo Buku Si 13:19

Tama tialima, Abiya aga hani ami bidi dabe dali augwaligo te Jeroboam aga ami bidi dabe dali pobeasa pali, tama augwaligo Israel dabego hanu sela sali. Augwaligo nogi te e dao, te hanu Betel, me Jesana, me Efron dao. Tama me augwaligo te hanu sela pąde elaluali dwasianu bulu dabe me sese tama sali.