Tigidali Nai Gagalama Nigali Side 28:15 - Godigo dwagi yai po buku

¹⁵ Odiąo. Ena nage dali bidiyu, tama nage paboba te tigidali habu te eno tonalua bilaibao. Tama nage eno e tǫba ma odasa asaibao. Tama eno nage munu me tagalisiąbadi, te eno nagebolo po wabo sę tigidali usu nama, pedela silaibao,” Yawego te po wai.

Tigidali Nai Gagalama Nigali Side 28:15 Referans Kwoze

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Jeremaia 1:19

Te bidi dabego nageba boi bidi ebadi, tiali goli, te augwaligo nage aiyaba me elalugobeo. Magi baso meni, ena digi ena nage dali bidiyu, te eno nage tau siyu, ma dobola saibao. Ena Genuai Bidi, eno te po wai dao,” wali.

Bomai Po 31:6

Dage dili elama dolalua, dage noma selama, augwalide wi elamo dao. Magi baso meni, Genuai Bidi dago God dage dali bidaibao. Tama agai dage me gegeda pelama, o dage olo bidimainogo me sula tagalogobeo,” Mosesgo te po wali.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Tigidali Nai Gagalama Nigali Side 31:3

Tama nosali Yawego Jekopbolo te po wai, “Nage te naga ayago buluba, me te naga haniba ma pao,” wali. “Tama ena nage dali bidaibao,” wai.

Tigidali Nai Gagalama Nigali Side 26:3

“Nage te bulude bolo bidao, tama ena nage dali bidiyu, tama dwagi yai tau sabo sę nage dali yaibao. Te e elalubo tǫ pedai tigidali te eno nagebolo mayu, te nago hani wąį dabe augwalibolo me mawaibao wai. Tama eno te nago aya Abraham dali dąų wali po te eno homude me gegeda palogobeo.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Matyu 18:20

Awe, te bidi si ma selago eno nogide bulu me deliba sisinabaso da, teda ena augwali tomode bidaibao,” Jisasgo te po wai.

Aisaia 43:2

Dagego te ąį gebo aiyanu dulai te nogebo sogo, te ena dage dali bidaibao, tama te ąįgo dage me dologobeo. Awe, dage te soabo ąį nogebo si, te ąįgo dage mesegelegobeo. Tama dage te posolo yai sia tomoba mu pabo sogo, te siago dage me dogobeo. Te sia bogoligo dage dogobeo.

Te Israel me Juda Hani Sigo Tuni Bidigo Po Elalubo Buku Deli 8:57

God, dago Genuai Bidi, eno homugo te nage da dali bidimainu ebao, te dago wąį nǫų dabe dali bidali tiwai gilama emainu yao. Tama eno homugo agai da tagaliyu, te da olo bidimainu me egobeo.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

2 Timoti 4:8

Nago koneani, te dago tigigo sę ebogo te tigibolo bomo mobaso, tebogo da tau sabo dwasianu usu ebo dao. Tiali goli Godigo kolesaga wali pabogo te da tau sabo te hauwa mu ebo dao. Te sę ebogo da megi te bugagia bidibo ula mabo dao, te nosali bidabo ula tau sabo me te usu yaibao.

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Tigidali Nai Gagalama Nigali Side 48:21

Nosali Jekopgo Josepbolo te po wali, “Odao! Te pąde ena isainu ebao. Tiali goli, God te nage dali bidama, tama agai nage te naga aya dedego tǫba ma odasa paibao.

Aisaia 8:10

Duga homugo mena sę yabo homu yali po duga maiąo. Tiali goli, dagego te sę ebo usu egobeo. Dagego te po da, aga nai meni yaibao. Magi baso meni. God da dali bidibao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Te Israel Tobolu Bidi Dabe 6:16

Tama Genuai Bidigo agabolo te po wai, “Nago ebo usu yaibao, magi baso meni, te eno nage tau saibao. Te nago Midian dabe eliyu, te bidi deli elibo te tiwai yaibao.” Te po wai.

Jutgo Asęani Pas 1:1

Ena Jut da, ena te Jisas Krais agai sę ebo bidi da, tama ena Jems aga amanu dao. Tama eno e po dage Godigo i wali we bidibolo asęna tolobao. Tama God dago Aya agai dage dali dwagi yai homu eyu, tama godolo mu ebo dao. Tama Jisas Krais me agai dage palibo dao. Augwali sigo dage dali tama tiyu, tama dage bugagia bidibao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Tigidali Nai Gagalama Nigali Side 39:21

Tiali goli, Yawe te Josep dali bidiyu, tama agai aga dali dwagi yai sę yali. Tama tiyu, Yawego te kalabus tonalubo bidigo Josep dali wiegi yai homu pemene emainogo yali.

Tigidali Nai Gagalama Nigali Side 39:2

Yawe te Josep dali bidibaso, tama agai yali sę tigidali te wiegi yai naga pedelali. Josep te Potifargo bede sę eyu bidali.

Ma Dobola Sali 3:12

Tama Godigo te po wali, “Ena nage dali bidibao. Tama megi eno magi nai me deli nagebolo waselama ola mayu, tama nago kuna koneagameo, te ena digi eno nage te Israel we bidi augwalibolo tagala palobao. Te ola mabo sę e tama dao: te nago te we bidi Isip tǫ tagalama, odasa aselama, tama dagego enabolo e bulu dude digi lotu po waibao,” wali.

Tigidali Nai Gagalama Nigali Side 48:16

Te mobo bidi enselgo tigide pedelali God, te agai ena tonaluyu, tama ena me dolobe, eno homugo aga digi mobo te augwali si momainao. Te eno homugo te eno nogi me, te eno wąį Abrahamgo nogi me, te eno aya Aisakgo nogi me, te augwali sigo hanide elaluaibao. Te augwali sigo wai hauwa mu ame nenama, tama genuai hani bage pedelaibao. Godigo augwali side tama timainao,” wali.

Tigidali Nai Gagalama Nigali Side 32:9

Tama Jekopgo gedu haluasa po wali, “Te eno wąį Abrahamgo God, te nage eno aya Aisakgo God, nago eno po odao! O Yawe, nago enabolo te tiwai po wai, ‘Nage te naga tǫba ma peyu, tama naga deli kaneme bidibo digi pao,’ wali, ‘tama eno nage bugagia tonaluaibao, wai dao.

Tigidali Nai Gagalama Nigali Side 46:4

Te ena digi ena nage dali te Isipba pelama, tama nosali eno nago hani wąį dabe te eba ma odasa asaibao. Tama Josep nage dali bidibadi, te nage isibo siba usu naibao,” wali.

Tigidali Nai Gagalama Nigali Side 21:20

Tama nosali God te ogwa Ismael dali bidibaso, tama aga genuai yai. Aga te Paran pedai badu te bidi dabe bidisiąwai madi bidali. Tama aga te bulu hasa gegebo konebo bidi mu pedelalio, te enesigi enebo sę agai mu konea pali.

Tigidali Nai Gagalama Nigali Side 31:5

Te augwali si sabalubode, tama Jekopgo augwali sibolo te po wai, “Eno suali, te dage sigo ayago te enade polobadu yali kolesaga tiwai isiąyu, tama agai kolesaga hasegelali. Tiali goli, eno ayago God te ena dali bidibao.

Tigidali Nai Gagalama Nigali Side 31:13

Te God nageba te Betel buluba pedelali, te ena tama dao. Te Betel bulude nago te homu hodolubo masigi me deli dodolali, tama te wel ugwadu daiba gelali. Tama nago bomo yai dąų wali po me deli ena dali dąų walai. Tialima, megi da, te nago doado bage sisi ilao, tama nago te bulu taga peyu, tama naga page buluba ma pagameo,’ agai enabolo te po wali,” Jekopgo aga we sibolo te po wai.

Tigidali Nai Gagalama Nigali Side 35:3

“Te dago te bulu taga peyu, te da Betel teba holoyu, tama paibao. Tama eno te Godibolo te alta me deli nigaibao. Agai ena te sęgę elalubo sogo tau sali, tama ena menaba pali, teba aga ena dali bidali,” wali.

Ma Dobola Sali 13:11

Te Mosesgo po ma weyu, te po wai, “Genuai Bidigo dage te Kenan dabego tǫba odasa paibao. Tama agai dagebolo me, te dagego waigo wai dabe, te dagego wąį dabe, augwalibolo me te tǫ maiabo po polobadu digi dąų wai dao.

Israel Hanigo Namba 6:24

‘Eno homugo Genuai Bidigo dage dali wiegi yai kolesaga elama, dage bugagia tonalumainao.

Bomai Po 7:9

Dagego te tiali sę wiegila koneiąwe, God dago Genuai Bidi aga deli naga te God mu dao. Tigidali sogo agai aga po dolo wali peyu ebo dao. Tede aga munu me tulalubeo. Tama tialima, agai aga dąų wali po wali peyu yaibao, tama agai te we bidi augwaligo aga godolo eyu, agai bomai po wali pabo we bidi, augwali hani te nosali nosali pedalua pabo bage, augwali 1,000 solo usu siyu, tama agai augwali godolo mu eyu ebo dao.

Bomai Po 30:3

teda Genuai Bidi dago God agai dage hobede yaibao. Tama agai dage aga digi te dobola palali te bulude dabe ma oda saibao, tama agai dage duga buluba mu ma odasa asaibao. Tama agai dagego tigidali nai dabe wiegi yai ma pedalomainogo yaibao.

Bomai Po 31:8

Genuai Bidi nage tudiba togolama, aga bolo polasa pelama, tama nage tau saibao. Agai nage tagalama, nage dolomainogo te tagalogobeo. Tama tialima, nage noma selama, wi me elamo,” Mosesgo Josuabolo te po wai.

Tigidali Nai Gagalama Nigali Side 30:25

Reselgo te Josep ame nai digi, tama Jekopgo Labanbolo te po walali, “Eno te we dabe dali, te wai dabe dali abelibo sę dene ela silalio. Tialima, megi ena tagala palama, tama ena te ena buluba ma paio,” wali. “Nago koneani, eno nagede bugagia mu sę yalio,” wali.

Pris Sę Ebo Bomai Po 26:42

teda eno te Jekop, me Aisak, me Abraham augwali dali te dąų wali bomai po kontrak homu ma koneaibao, te Kenan tǫ augwa wąį nǫų dabebolo mawaibao po wai dao.

Pris Sę Ebo Bomai Po 26:45

Eno dageba homu koneama, eno te dagego wąį nǫų dabe dali dąų wali bomai po kontrak ma homu kone palaibao. Te bidi dabe eno polobadu te tǫ kantri Isipde selama odasa asali, te gasa tǫ kantri we bidi tigidaligo te eno genuai bomo suali. Eno dage sela asali, te Genuai Bidi ena hani bage pedalumainu yali, ena dage Israelgo God bidainogo yai dao,” te po wai dao.

Godigo Nogi Ugwaba Sabo Tęąbi Po Wabo Buku Dabe 91:11

Te Genuai Bidigo aga ensel dabeba te nage menaba pabo madi tigidali badu te nage tonalubo sę mawaibao.