Tigidali Nai Gagalama Nigali Side 28:12 - Godigo dwagi yai po buku

¹² Te aga piali sogo te aga na ebadi suali, te togobili me deli page te tǫde elalu, te aga tobolu te dagalude ugwaba ilama elaluai. Tama te Godigo mobo bidi ensel dabe te togobilidu ugwaba holoyu, aiyaba duluyu ebo, te agai suali.

Tigidali Nai Gagalama Nigali Side 28:12 Referans Kwoze

Dwagi Yai Gesi Po Jongo Asęani 1:51

Tama Jisasgo agabolo ma naga wai, “Mu tamao, eno mu po dagebolo obao, nosali dagego dagalu dala pabo sueibao. Tama dagego Godigo dagalude sę ebo ensel mobo bidi augwali ugwaba holoyu, aiyaba duluyu ebo dagego sueibao. Tama augwali enaba asiyu yaibao, ena da te Godigo Bidi Mu dao,” Jisasgo te po wai.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Tigidali Nai Gagalama Nigali Side 15:12

Tama elama, tama te giliga degegi painu ebode te Abram aga godege pialima, te isai tiwai mu yai. Agai pilamubadi, te agai nade subo nai tiwai te moni dwai be huli mu sulama, te aga wi dwai mu eyu bidali.

Hibru 1:14

Te ensel mobo bidi dabe augwali da, te noma bidi, tama augwaligo te Godigo sę ebo dao. Te Godigo augwali tagala palaibao, te aga augwaligo sęgę sali sela sąnama ma sainogo ebo we bidi dabe tau somainogo tebo dao.

Daniel 7:1

Te hasia mu wabo kibu bede te Belsasar te king Babilonde bidali, ena Daniel eno te na ebo tiwai nai te hulide suali. Tama eno te na yali po te buku me delide asęani. Na te tiwai dao.

Hibru 1:1

Te polobadu mu hauwa sogo me, te haniani kolesaga hauwago me, te Godigo agai po pusali bidi profet dabego pedauwalidu agai po meba te dago wąį dabebolo mena mena pai dao.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Matyu 1:20

Tama Josepgo te homu idubadi, tama nade Genuai Bidigo ensel mobo bidi me deli agaba pedelai. Ensel bidigo te po wali, “Josep, Devitgo ogwa, nago naga we Maria sabo wi egio. Odao. Te wai aga haligade sali, te Godigo Tedali Mobo Bidigo aga mawai dao.

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Matyu 2:19

Te nosali te moni gavman tuni bidi Herot isai. Tialima Isip buluba te Genuai Bidigo ensel mobo bidi Josep bidibo digi nade pedelai.

Tuni Bidi Dabego Po Elalubo Buku Si 16:9

Tigidali sogo Genuai Bidigo aga dologode elalubo bidi dabe naga bugagia tonalubo dao. Augwali menade tǫ dabede bidibo me tagala. Agai augwali tau selama augwali bomo ilibo dao. Tiali goli nago Siria king bidibolo nage tau somainogo hanalu wali da, teda te dwai kolesaga mu dao. Tama tialima nage dali te Juda dabe dage bugagia dua me bidigobeo, menio. Tigidali sogo boi bidi dabego dage dali boi hwįagasiyu yaibao,” wali.

Tigidali Nai Gagalama Nigali Side 41:1

Te kibu be si bidama, tama Ferogo na yai. Agai te tiwai na yai, aga te moni pabo wę Nail pąde dolaluali.

Te Israel me Juda Hani Sigo Tuni Bidigo Po Elalubo Buku Deli 19:5

Agai te gedu haluasa po wali silibo si da, teda aga gedu sęgę ebaso, aga te ni dologode godege piali. Tama polo mu tama, te mobo bidi ensel me deli asu, aga tigiba dią yagaselama, te hodoliyu, te tama po wai, “Nage hodaluama, nai tugulao,” wali.