Tigidali Nai Gagalama Nigali Side 27:43 - Godigo dwagi yai po buku

⁴³ Tialima, megi da, ogwa, te nago eno po wabo gilama te sę yao. Nage sisi elama, tama wi pelama, te eno abe Laban dali te Haran teba osogo bidigi pao.

Tigidali Nai Gagalama Nigali Side 27:43 Referans Kwoze

Tigidali Nai Gagalama Nigali Side 27:8

Te megi da, te ogwa, te nago eno po bugagia odama, tama eno nagebolo po wabo gilama te sę yao.

Tigidali Nai Gagalama Nigali Side 11:31

Terago te aga ogwa Abram sali, tama Lot te aga wąį da, tama Sarai te aga wąį da. Lot te Harango ogwa, tama Sarai te Abramgo we da. Tama Tera dali, te hani bidi dabe dali, augwaligo te hanu Ur tagalama, te Kaldia pedai badu tedu peyu, tama te Kenan tǫ pedaiba bidigi pai. Augwali bidada pali, tama tomode te Kenan tǫba sabalisiąbadi, te Haran tǫ teba usu nama bidaluai.

Tigidali Nai Gagalama Nigali Side 27:13

Tiali goli, aga idago te po wai, “Ogwao, tagalao, enade digi te dolobo sę pedalumainao. Tiali goli, nago da, te eno nagebolo wabo po gilama te sę yao, tama nage pelama, te meme si sela asa,” wali.

Godigo Sęba Tagala Palai Bidigo Po 5:29

Te tiali goli, Pita dali, me badu Jisasgo tagala palai bidi dabe, augwaligo te po wei ponoyu, te po wai, “Te dago dagego wali po wali pogobeo. Godigo dabolo mani genuai po mu dago wali paibao.

Jeremaia 35:14

Polobadu Jonadap, te Rekapgo ogwago, aga hani dabeba te po weyu, augwaligo te wain tulamuo wali. Te megi tama me, te Rekap dabego te augwa wąį nǫųgo wali po bugagia wali pelama, tama augwa te wain me tubeo. Tiali goli, eno dageba hauwa sogo po madu geai, te dagego eno po me odobo menio.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Tigidali Nai Gagalama Nigali Side 28:7

Tama agai koneani, Jekopgo te aga aya idago po wabo odama, tama aga te Mesopotemia buluba pai.

Tigidali Nai Gagalama Nigali Side 24:29

Tama Laban, te Rebekago abe, agai te ring gol me, te golgo nigai nogo mo si me, te aga gunide walali me, te nogode holali suali. Tama agai odali, te bidigo yali sę po tigidali Rebekago pusali. Tama aga udayu, te bedu buluba teda solama, tama aga te Abrahamgo sę bidi me bididubo madi saboligi pai, aga te aga kamel dabe dali te ulu wę tubo pąde dolaludai.

Tigidali Nai Gagalama Nigali Side 28:10

Jekop te Bersebade bidali taga peyu, tama aga hogodama, te Haran teba painu pali.

Tigidali Nai Gagalama Nigali Side 27:42

Rebekago te aga gomunai ogwa Isogo te homu ebo po odai. Tialima, agai te aga sabi bidi ogwa Jekop i olama, te po agabolo wali, “Nago e po bugagia odao. Te naga ama Isogo te nago agabolo yali te sęde te agai nageba wei ponoyu, ela muainu te homu ebao.

Tigidali Nai Gagalama Nigali Side 28:5

Aisakgo te tiwai po olama, tama agai te Jekop te Mesopotemia buluba te Laban bidibo digi tagala palai, te Betuelgo ogwa, te Aram bulu bidi me deli. Laban te Rebekago abe, te aga Jekop de Iso augwa si ida dao.

Tigidali Nai Gagalama Nigali Side 35:1

Tama nosali Godigo Jekopbolo te po wai, “Nage hogodama, tama nage te Betelba pelama, tama nage teba osogo bidigi pao,” wali. “Tama nago te Godibolo ofa yabo te alta sai me deli nigao, te God nageba pedelali, te naga ama Iso dali wi ebaso soali sogo, te God nageba pedelai,” wali.

Tigidali Nai Gagalama Nigali Side 25:20

Aisakgo te Rebeka sali sogo te aga kibu be bidi sese si 40 elaluai. Rebeka te Betuelgo wegi da, aga te Aram bulu bidi me deli, te Mesopotemia pedai badu elaluai. Tama Rebeka te Labango abe, aga te Aram bidi me deli dao.