Tigidali Nai Gagalama Nigali Side 27:41 - Godigo dwagi yai po buku

⁴¹ Isogo homugo te ayago te dwagi yai sę pedelabo po te Jekop te bolo mani, te agai homude wado ebo homu dwai mu te Jekop dali yai. Tialima, Isogo e tama homu elama, te po wai, “Te pąde dwasianu sogo naga te aya isibaso, tama dago aga homu dene yaibao. Te homu dene yali sogo sia sabo si da, teda eno te Jekop ela muaibao.” Isogo te tama homu elalualio.

Tigidali Nai Gagalama Nigali Side 27:41 Referans Kwoze

Tigidali Nai Gagalama Nigali Side 37:4

Te aga ama dedego suali, te ayago Josep dali wiegi yai homu pemene mu eyu, tama augwali te godolo kuna me ebe. Tama tibaso, augwaligo dwai homu mu te Josep dali elama, tama augwaligo abagi homu eyu, wiegi yai po aga dali me wabeo.

Kolesaga Koneai Bidigo Pusali Po Elalubo Buku 7:9

Nago gasa bidi dali haliga sębę polo mu igio, magi baso meni, haliga sębę polo ebo te wiegi yai homu kolesaga elalusiąbo bidi dabego homu kolesaga dao.

Bugagia Bidibo Kolesagade Po Asęai Buku 6:14

Sesemane sogo augwaligo te dwai sę yabo homu kolesaga kone paludu, tama augwaligo te bidi dabego te gasa bidi dabeba dwai haliga yabo sę eyu ebo dao.

Tigidali Nai Gagalama Nigali Side 37:8

Te aga ama dedego agabolo te po wali, “Nago homugo te nage dago tuni bidi pedelama, tama da tonaluainogo ebawe?” Tama aga ama dede augwaligo te na yali po odama, tama augwaligo aga dali sębę mu yai.

Tigidali Nai Gagalama Nigali Side 32:6

Nosali te po sela pali bidi dabe augwali ma begasa asiyu, Jekopbolo te po wagasali, “Da te nago ama Iso bidibo digi sabolalio, tama agai nage te sunumi tiąba asainu sisi iduali. Aga dali asabo bidi dabe te hauwa, 400 bidi elaluali,” wali.

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

Esekiel 35:5

“Te po me augwalibolo wao, ‘Polobadu mu dage Idom dabego Israel dabe dali boi bidi elaluai dao, me eno te Israel dabe dolali sogo, me eno te boi bidi dabe tagala palama, augwali dali hwįagasali sogo me, dagego te Israel dali boi bidi elaluai dao. Te sogo asali boi bidi dabe dage Idom bagego tau selama, te Israel dabe elama, isilai dao.

Bugagia Bidibo Kolesagade Po Asęai Buku 1:16

Te tobage bidi dabego te dwai sę ebo wei mu elama, tama te bidi ela mubao. Augwa te tiwai sę sesemane polo idu, tama augwa toma me nogobeo.

Godigo Nogi Ugwaba Sabo Tęąbi Po Wabo Buku Dabe 142:3

Te eno haliga sęgę mu ebo sogo, tama eno homugo ena dolaiba homu yai, te eno pabo tų te nago koneanio. Te eno sunumide te bidi dabego ena tola sabo bono gągą geme dualama, elalubao.

Godigo Nogi Ugwaba Sabo Tęąbi Po Wabo Buku Dabe 37:16

Te doloba pai bidigo te dwasianu naigo te tigidali dwai bidigo nai hauwa te aiyaba elalueibao.

Godigo Nogi Ugwaba Sabo Tęąbi Po Wabo Buku Dabe 35:14

Te eno abagi me ama teba homu sęgę ebo tiwai yali. Ena te ida isaide te homu dene eyu, gela wabo bidi tiwai bilali. Ena te haliga sęgę mu elama, tama ena te gela weyu, homu dene dali bidali.

Tuni Bidi Dabego Po Elalubo Buku Si 35:24

Tialima augwaligo aga te bididuali te karisde selama, tama augwaligo aga gasa karis meba odasa pelama, tama aga Jerusalemba odasa pali. Tama aga isibaso, augwaligo aga te king dabego gų pagede pubulali. Tama te Juda me Jerusalem we bidi augwaligo te Josaia polo isai baso, augwaligo aga hobede ebaso gela wali.

Bomai Po 34:8

Te Moses polo isai digi Israel dabe augwali te Moap dabego te malu bulude bidiyu, augwali gela udubadi, 30 be bubuga usu nani.

Tigidali Nai Gagalama Nigali Side 35:29

Aga te monu dabe mu elama, tama mobo kegebo silama, tama aga isali hani bage dali bidigi pai. Tama aga ogwa si, Iso me Jekop, augwali sigo aga pubulai dao.

Tigidali Nai Gagalama Nigali Side 32:11

Eno nageba gedu haluasa po obao, nago ena tau selama, te eno ama Isogo bomo aiyaba tamunao. Magi baso meni, ena wi ebo, tiyu agai da dali wąbi hwįagasiyu, tama da tigidali silama, te we wai dabe dali silaibao.

Tigidali Nai Gagalama Nigali Side 27:42

Rebekago te aga gomunai ogwa Isogo te homu ebo po odai. Tialima, agai te aga sabi bidi ogwa Jekop i olama, te po agabolo wali, “Nago e po bugagia odao. Te naga ama Isogo te nago agabolo yali te sęde te agai nageba wei ponoyu, ela muainu te homu ebao.

Tigidali Nai Gagalama Nigali Side 32:3

Tama Jekopgo bidi meba te polasa te Seir tǫ te Idom hanu tǫ pedaiba te aga ama Iso bidibo digi te po sela pomainogo tagala palai.

Tigidali Nai Gagalama Nigali Side 50:2

Nosali Josepgo te aga dokta bidi dabebolo olama, te aga tigiba te tobage wel muao wali, te tigi polo me dolidali weyu tama tiali. Te dokta dabego te Josepgo wali po tiwai gilama yali.

Tigidali Nai Gagalama Nigali Side 37:18

Aga te digibulu digi asobadi, tama aga ama dede augwaligo aga suali. Aga te pąba asisąbadi, tama aga ama dedego aga elabo po minama, dąų wali.

Tigidali Nai Gagalama Nigali Side 50:15

Te augwa aya isalima, te Josep aga ama dedego augwa hasi te po wai, “Megi da, magi yaliwe, te Josepgo da dali te dago aga dali dwai sę yali te tigidali wei ponoyu, te da dali wado me udugowe?”

Bugagia Bidibo Kolesagade Po Asęai Buku 18:19

Nago te naga amago dwai haliga nage dali emainu ilai baso da, teda agai te aga homu bea selama, tama nage wei homu isiąyu, te bulu bagego te taun obo tomoba pabo obo sunumi te palia selama, tama te gasa bidi dabe te tomoba pabo usu isiąbo tiwai yaibao. Te bidi si te konila po wado olama, tama te nogo masiąwani da, teda tego te augwa si sunumi palialubo tiwai eyu, tama augwa si te deli haliga pedalisiąma, te bomai sunumigo te bidi soabo sunumi panialubo tiwai ebao, tama aga te be tomoba pabo usu me egobeo.