Tigidali Nai Gagalama Nigali Side 27:4 - Godigo dwagi yai po buku

⁴ Te nago gegelama, subosi da, teda nage pelama, te eno godolo ebo nai ulama, tama nago enaba selasa asao. Te eno te nai tulama da, tama eno nagebolo te Yawego nage dali dwagi yai tau sabo sę emainao po menama, tama nosali ena isaibao.” Aisakgo te po Iso dali wali.

Tigidali Nai Gagalama Nigali Side 27:4 Referans Kwoze

Hibru 11:20

Aisak me aga Godide konealubo po dąų olama agade tią peyu bidibaso, tama agai aga ogwa si Jekop de Iso siba nosali pedalabo sęde po pusali. Godigo augwali sibolo dwagi yai sę yaibao po agai dąų walali.

Tigidali Nai Gagalama Nigali Side 48:9

Tama Josepgo te po wali, “Te eno ogwa si da. Godigo te Isipde augwali si te enabolo mani.” Tialima, Jekopgo te po wai, “Eno homugo te augwali si enaba odasa asama, te augwali si eno mobo mawaibao,” wali.

Tigidali Nai Gagalama Nigali Side 49:28

Te e da, te Israel hani nogo si olama, sągągo si, tama te dwagi yai bidabo po dabe te aga ayago augwalibolo wali. Tama agai augwali tigidali deli delibolo usu nama, te po augwa ayago augwalibolo wali.

Tigidali Nai Gagalama Nigali Side 27:25

Tialima, Aisakgo te po wai, “Te ulali nai mi te enaba magasao. Te ena nai tulama da, te eno dwagi yai po nagebolo mawaibao.” Tialima, Jekopgo te nai me te wain wę me sela pelama, te Aisakbolo magi pelama, tama Aisakgo te nai me wę tuali.

Dwagi Yai Gesi Po Lukgo Asęani 24:51

Tama agai te bidi dabebolo te po madubadi, tama Jisasgo augwali taga pai, tama Godigo Jisas dagaluba sela holai.

Dwagi Yai Gesi Po Lukgo Asęani 2:34

Simeongo Godigo bugai homu Jisas dali aga aya de ida si augwalibolo me ilao wali. Agai Jisas aga ida Mariabolo te po wali, “Odiąo. E waigo pode Israel we bidi hauwa augwaligo God taga paibao. Tama hauwa bage me augwali God pąba asaibao. Te aga dąį tiwai me deli nigalueibao, tama bidi hauwago agabolo dwai po waibao.

Josua 22:6

Tama Josua te wiegi yai po mobo augwali menama, tama agai augwali te Jordan wę boloyu, augwa beba ma pomainu tagala palali.

Josua 14:13

Tama Josuago te Kalepgo wali po odama, tama agai te Godigo nage dali dwagi yai sę emainao po te Kalepbolo wali, tama te Hebron hanu agabolo manio, te aga sabo tǫ mu tama dao.

Tigidali Nai Gagalama Nigali Side 27:7

‘Te hasa me deli selasa asama, tama ena habi nai meba ula magasao,’ po walio. ‘Tama tialima, te nai eno tulama da, tama eno te Yawego nage dali dwagi yai tau sabo sę emainao po te nagebolo Yawe gedude mawaibao,’ wai, ‘tama nosali ena isaibao,’ naga ayago Isobolo te po wai.

Tigidali Nai Gagalama Nigali Side 28:3

Te eno homugo te Tigidali Bomo Mu Elalubo Godigo nage dali wiegi yai sę elama, tama nago wai hauwa ame naibao. Tama tibaso, te nage bidi hani hauwago aya monu pedelaibao.

Tigidali Nai Gagalama Nigali Side 27:31

Agai me te wiegi yai pusu ebo nai ulasa, te aga aya bidibo digi sela palio. Tama agai te po wai, “Ayao, nage hodaluama, te eno selasa asali nai mi meba tugulao, tama nago te Yawego ena dali dwagi yai sę yabo po enabolo magameo.”

Tigidali Nai Gagalama Nigali Side 27:27

Tama Jekop te pąba pelama, tama aga dali gesabidi sebedi usuyu, nono nani, tama Aisakgo Jekopgo gudali ugwa denami odama, tama agai te Yawego aga dali dwagi yai tau sabo sę emainogo eyu wabo po agabolo mani. Agai te po wali, “Te eno ogwago wiegi yai denami te Yawego dwagi yai tau sabo po mani, te gi me deli denami tiwai gilama ebao.

Tigidali Nai Gagalama Nigali Side 27:23

Aisakgo te Jekop bugagia me konebeo, magi baso meni, te meme tigi nisigo te aga nogo halualigo te nogo Isogo nogo tiwai yai. Aisakgo te Yawego aga dali dwagi yai sę eyu, tau sabo po agabolo mawainu yali,

Tigidali Nai Gagalama Nigali Side 24:60

Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.

Tigidali Nai Gagalama Nigali Side 14:19

Tama Melkisedekgo dwagi yai po e tiwai te Abrambolo wali, “Eno homugo te God Ugwadu Mu Bidibo Bidigo te dagalu dali tǫ dali nigali, agai te wiegi yai sę nage dali yao.

Tigidali Nai Gagalama Nigali Side 27:5

Tiali goli, Rebeka agai odali, te Aisakgo aga ogwa Iso dali po mibo odali. Tialima, Iso te aga ayago tuabo hasa me deli te busiba gegegi peyu pai madi,

Tigidali Nai Gagalama Nigali Side 27:9

Nage te kibu sibi bidalubo obo elalubo teba pelama, tama te wiegi yai nisai meme wai si te enaba selasa asao. Tama eno te nago ayago godolo ebo te tobage wiegi yai nai ulaibao.

Tigidali Nai Gagalama Nigali Side 27:14

Tialima, Jekopgo te meme si sigi pelama, te aga idabolo magasali. Tama Rebekago te Jekop aga ayago godolo mu ebo nai te ulai.

Tigidali Nai Gagalama Nigali Side 27:17

Tama Rebekago te ulali pusu yai nai me, te agai ulali te bret meba me selama, te Jekopbolo mani.

Tigidali Nai Gagalama Nigali Side 27:19

Tama Jekopgo te po wai, “Ena Iso, te nago gomunai ogwa dao. Eno nago enabolo te po wali nai sisi elasa asalio. Nage megi da hodaluama, tama eno e selasa asali nai mi meba tugulao, tama nago te Yawego ena dali dwagi yai sę emainao po enabolo magameo,” wali.