Tigidali Nai Gagalama Nigali Side 27:28 - Godigo dwagi yai po buku

²⁸ Te eno homugo te Godigo hulide te siginibo wę tagala palomainu elama, tama nago tigidali gide nai hauwa holomainu yaibao. Te agai nagebolo te wit hauwa me, wain wę me hauwa momainu yaibao.

Tigidali Nai Gagalama Nigali Side 27:28 Referans Kwoze

Bomai Po 33:28

Tama tiyu da, te Jekopgo hani augwali bugagia bidaluyu, tama te boi bidi dabego augwaliba me hwįagasogobeo. Tama te pesagede te hulide ąį segeni tulama, tama tǫ tedolama, tama tubo nai dabe hauwa elama, wain dabe me hauwa elaluaibao.

Bomai Po 33:13

Tama agai Josep hani kone palama, agai te po wali, “Genuai Bidigo Josep hanibolo tulubage hauwa magameo.

Godigo Nogi Ugwaba Sabo Tęąbi Po Wabo Buku Dabe 133:3

Te deli haliga ebo kolesaga te hulide genuai wę segeni te Hermon bulu duba, me te Saion bulu du dabeba tulalubo tiwai ebao. Te bulude Genuai Bidigo te bidi dabe bugagia mu te deli haliga elama, bidimainu ebo dao. Agai augwaliba te bugagia mu bidada peyu, bidada pabo ula augwaliba mawaiba.

2 Samuel 1:21

“Te dago bomai ami bidi dabe te Gilboa bulu dude isalio. Tama te hwįani sabele dabe te bulu du dabede olo munalubo. Tama te Solgo sabele me te olo munalu, tama augwaligo me mubeo. Tama tibaso, eno homugo te hulide tulubo tulubage segeni wę, me tulubage te bulu duba munu ma tulumainu me egobeo. Tama nai me te tǫde munu ma pedalumainu me egobeo.”

Bomai Po 32:2

Eno pogo te dage we bidi bugagia sę mu ilaibao, te tulubage tulama, tama te nosai dabe bugagia holobo tiwai yaibao. Eno pogo da, te tulubage tulama, tama te tubo nai dabe hogodo gesi ma holama, dila pelama, tama genuai ebo tiwai yaibao.

Bomai Po 7:13

Agai dage godolo mu elama, tama agai dage dali wiegi yai sę mu yaibao. Tialima, dagego wai puluba hauwa mu elama, tama dagego wąį genuai mu yaibao. Tama me agai dagego gi dabe wiegi yai ilama, tama dagego gide wit me, wain bono du me, te oliv wel me, hauwa mu elaluaibao. Tama me te kau kibu me sipsip dabego wai hauwa ame nomainogo yaibao. Agai te wiegi yai nai dabe hauwa dage mawaibao, te agai duga wąįbolo mawaibao olama po dąų wali te tǫde.

Sekaraia 8:12

Te eno augwali haliga dua tegaluama bidibo sę ilama, te augwa wai gi dabe bulumainu yaibao. Te tulubage hauwa tulama, te augwaligo wain ni du dabe walama, te nai dabe me wiegi yai holaibao. Eno te tigidali wiegi yai sę te dwasianu bidibo hani pedali dali yaibao.

Joel 2:19

Agai te po wai, “Megi da, eno dageba te wain me, ni oliv wel me mawaibao, tama dagego hauwa elalueibao. Eno tama tibode te gasa we bidi dabego dage tudiba mubo po munu me ma wagobeo.

Aisaia 45:8

“Dagalu, nage te dage pǫ dabe me, dagego te wiegi yai sogo augwaliba ilibaso, te tulubage tǫba tulumainao. Te augwa bugagia bidimainu, te wiegi yai doloba pai kolesaga bomo elama, pedalumainu ebao, te tǫgo tulubage selama, te gide nai dabe bugagia holobo tiwai emainao. Ena Genuai Bidigo digi, eno te sę dabe pedalumainu tebo dao,” te po wali.

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

Godigo Nogi Ugwaba Sabo Tęąbi Po Wabo Buku Dabe 36:8

Nago bede te nai hauwa elalubao, tama tiyu, te we bidi dabe te nai me sǫą pabo menio. Te nago wiegi yai nai te umabo mu elalubao, te soabo genuai wę tiwai eyu, tama nago da te wę tumainu mabo dao.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Israel Hanigo Namba 18:12

“Te meba gasa Israel dabego te tigidali hasia podolali nai wiegi yai oliv wel, me wain, me wit deli deli kibu bede enabolo mabo dao. Tama eno te nai dabe dagebolo mawaibao.

Hibru 11:20

Aisak me aga Godide konealubo po dąų olama agade tią peyu bidibaso, tama agai aga ogwa si Jekop de Iso siba nosali pedalabo sęde po pusali. Godigo augwali sibolo dwagi yai sę yaibao po agai dąų walali.

Sekaraia 9:17

Te tǫ da, wiegi yai mu elalueibao. Tama te gesi wegi ogwa dabego te wit nai me wain hauwa elalueibao, tama augwali te genuai hani te bomai we bidi mu pedelaibao.

Maika 5:7

Tama te Israel hani meba te boi bidi dabego me dolisąwai bage, augwali te gasa hani hauwa tau sabo bidi pedelaibao, te Genuai Bidigo te hulide tulubage segeni wę te nosaiba tulumainu tagala palobo tiwai eyu, te olo tulubagego te ni dabe wiegi yai pedalumainu ebo tiwai yaibao. Tama augwaligo te sę te Genuai Bidigo bomode naga yaibao, te augwaduba bomogo digi te tegobeo.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Tuni Bidi Dabego Po Elalubo Buku Si 2:10

Tama eno nago sę bidi dabe nai dabe meba mawaibao, tama eno augwali te 2,000 ton sęgę yai wit te augwaligo polo agawai yai mayu, me 2,000 ton sęgę yai rais bali mayu, me 400,000 lita wain mayu, me 400,000 lita oliv wel me mayu yaibao,” Solomongo te po olama asęna tolali.

Te Israel me Juda Hani Sigo Tuni Bidigo Po Elalubo Buku Deli 5:11

Tama te tigidali kibu bede Solomongo Hiramba te 2,000 ton wit me 4,000 lita te wiegi yai oliv wel madu geani, te Hiram dali te aga hani daligo tuabo nai te tiwai toloyu yai dao.

Josua 5:6

Te Israel dabe augwali te nai meni yai olo kemi tǫde bilaludubadi, te kibu be bidi sese si 40 yia yai. Te sogo te hwįbo usu yali bidi dabe tigidali te augwali isila pai. Magi baso meni, te augwaligo Genuai Bidigo po wali me pisąbaso, tiwai dao. Te mu tama Genuai Bidigo te wąį dabe augwalibolo po dąų waliyu, agai te tǫ dabolo mawaibao wai. Te tǫ da, te wiegi yai mu dao. Tiali goli, agai te po wai, te po sela sąbo bidi dabe augwaligo me sugubeo, wai.

Tigidali Nai Gagalama Nigali Side 49:20

“Te Asergo tǫde te wiegi yai nai mu holaibao. Te Asergo te gavman tuni bidigo wiegi yai tuabo nai pedalubo sę ilaibao.”

Tigidali Nai Gagalama Nigali Side 45:18

“Te augwaligo augwa aya, me augwa we wai puluba oda sigi pelama, tama augwali ena pageba ma asiąo. Te ena Ferogo augwalibolo te Isipde wiegi yai tǫ me deli mawaibao. Tama augwali te bulu nai te wiegi yai mu sela tueibao.

Polgo Po Pas Rom Dabeba Asęani 11:17

Tama augwali te gide elalubo ni oliv tiwai bidiyu, tama Godigo te ni oliv nologo meba dwali togolama sela sąnama, tama agai dage olo ni oliv nologo te bulude elalubadi selama, tama dage te gide elalubo ni olivgo nologo togwali pesagede wadolali. Tama dagego augwali hasegelama, tama megi dage bugagia bidibao. Tama dage te elalubo dwagi yai ni olivba wadolobaso, tama dage dali te ni aga nologo mu dali te dagego te ni oliv pedalidu asobo ąįgo ili sabo dao, te nigo bomo me dagego sabo dao.

Israel Hanigo Namba 13:20

Tama bugagia suiąo, te tǫ ili elalubowe, ma meniwe? Me te dulu elalubowe, ma meniwe, suao. Tama dagego te bulude ni du wai dabe me selama sesiąo. Dage olo ma aselamu dao.” Mosesgo augwalibolo te po te ni wain du tau ebo gagalobo sogo te po augwalibolo mani.

Tigidali Nai Gagalama Nigali Side 27:39

Tialima, Aisakgo agabolo te po wai, “Te nago bulu dwai tǫ te wiegi yai ili yai tǫ digibulu elaluaibao. Tama hulide te siginibo wę te nago giba me tulalugobeo.

Tigidali Nai Gagalama Nigali Side 27:37

Tama Aisakgo Isogo po wei ponani, “Eno aga te nage tonaluabo bidi ilama, tama eno te aga deli kaneme te tigidali agai sę bidi pedelaibao. Tama eno te nosali pedelabo tubo nai wit me wain te agabolo mani. Megi te mena nai gasa me elalubo weyu, te eno nage momainu te ogwa nago te po obawe?”

Tigidali Nai Gagalama Nigali Side 49:25

Aga te naga ayago God, tama aga bomo mu tigidali elalubo. Eno homugo agai nage mobo mayu, tama nage tau sabo. Te mobo hauwa Josepba muaibao, te kulubage ugwadu tulubo, tama tǫ dologode wę pedalubo, te idago wai hauwa ame nabo mobo mobadi,

Bugagia Bidibo Kolesagade Po Asęai Buku 3:20

tama agai te tǫba wę pedalumainu iliyu, te agai te dagalude elalubo pǫ dabe sisinimainu ilama, tama te tulubage tulubo dao.

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.