Tigidali Nai Gagalama Nigali Side 27:12 - Godigo dwagi yai po buku

¹² Tama tiyu, ayago eno tigi nogo diąnama, tama agai homugo te eno aga usu suyu, tama tibo po ola mabowe te homu idalio. Tiyu, agai wado po weyu, te aga God i olama, ena dolidalio, tama eno te Yawego ena dali dwagi yai sę emainao po me sigi pogobeo,” wali.

Tigidali Nai Gagalama Nigali Side 27:12 Referans Kwoze

Bomai Po 27:18

“Te Livai dabego ma weyu, te po waibao, ‘Tialima, te bidi mego me gedu widai bidi kegasa pelama, tama aga sunumi dolo painogo isąma ebaso da, teda Godigo te tobage dwai sę ebo bidi dolomainao,’ waibao. Tama tigidali we bidigo te po waibao, ‘Te mu tama dao, Godigo te tama timainao.’”

1 Tesalonaika 5:22

tama dwai sę tigidali tagalama, sela sąyao.

2 Korin 6:8

Tama bidi mebago dago nogi ugwaba sabo dao, tama bidi mebago da nogi aiyaba elaluyu ebo dao. Mebago posobo po dwai dabolo wabo, tama mebago gasa bidi dabe augwalibolo te dago wiegi yai kolesaga ebo po pusubo dao. Boi bidi dabe augwaligo da tibo po weyu, te we bidi dwai sę tomoba kegebo bidi da homu ebo dao, tiali goli menio, dago mu po naga wabo dao.

Malakai 1:14

Ena Genuai Bidi, eno te po wali, te tibo po wabo bidi dolaibao wali. Te tobage bidigo te wiegi yai omai kibu te banisde elalu, te enaba mawaiba po dąų wali, tiali goli agai te dwai kibugo ofa ilali. Te kolesaga dolo me ebeo, magi baso meni, ena genuai king dao, te tigidali hani bidi enade wi elama, te ena dologoba pelama bidibo dao. Tama tibaso, te wiegi yai nai naga enaba te ofa eyu mao,” Genuai Bidigo te po wai.

Jopgo Po Asęani Elalubo Buku 12:16

Godigo genuai bomo dali, kolesaga dali elaluyu yaide, tigidali sę agai yabo homu ebo dao. Te ili po wabo bidi dali, te ili po wali pabo bidi dabe dali si, te tigidali tama Godigo nogode naga munalubo.

Tigidali Nai Gagalama Nigali Side 27:36

Tialima, Isogo te po wai, “Te megi e da, te agai si sogo megi ena guni tǫba ilali. Tama tiyu, te nogi Jekop te nogi page te ‘polobo bidi’ tama dao, te agade dolo mu yali. Te idago hasia ena bolo ame nani, tiali goli Jekopgo te enade elaluali te gomunai ogwa wali, te nogi agai wi sai. Tama megi me te agai te enabolo maiabo dwagi yai po wi salio. Magi yaliwe, aya, te nago enabolo maiabo po te gasa me deli sisi yai elalubewe?”

Tigidali Nai Gagalama Nigali Side 25:27

Te ogwa si genuai elama, tama Iso te bulu hasa gegebo koneai bidi mu bidali. Aga te bulu hasaba naga pabo sę ebo bidi bidai. Tiali goli, Jekop te subigila me bilisiąbo bidi dao. Aga te augwaligo ugwa be dabede naga bididuai.

Jeremaia 48:10

Eno homugo Genuai Bidigo mabo sę te sę ebo hagela ebo bidi dabe te Genuai Bidigo dolainogo yaibao. Te agai te bidibolo weyu, te gasa bidi bainatgo elao po wali, te bidigo te isąbaso da, teda Genuai Bidigo aga dolaibao.

Tigidali Nai Gagalama Nigali Side 9:25

Tama agai te po wali, “Genuai sęgę te Kenande ugwadu elaluaibao. Te aga hani dabe te aga ama dedego hani dabego nogi meni yai sę ebo olo gagalama, bidaibao,” wali.

Tigidali Nai Gagalama Nigali Side 27:45

tama agai te nago yali sęde te boi bidi homu gegeda palomainu emainao. Tama nosali eno te bidi me deli te po nagebolo wagasomainu tagala palama, tama nage eba ma odasa asomainu yaibao. Da si go tama tinao. Magi baso meni, te eno wai dage si te deli sogo hagabo, te eno homugo hagela idalio,” Rebekago te po wai.