Tigidali Nai Gagalama Nigali Side 26:32 - Godigo dwagi yai po buku

³² Te sogo digi te Aisakgo sę bidi dabe sabolama, tama augwaligo agabolo te augwaligo wę ulu nigali po wagasai. Augwaligo te po wai, “Dago wę gegalio.”

Tigidali Nai Gagalama Nigali Side 26:32 Referans Kwoze

Bugagia Bidibo Kolesagade Po Asęai Buku 10:4

Te nago sę ebo hagela eyu da, te nage magi nai meni yai bidi pedelaibao. Tiali goli, nago sę bomo yali da, teda nago doado bage hauwa elaluaibao.

Matyu 7:7

“Te dagego gedu haluasa po Godiba hanalu da, teda agai dagego te hanalubo nai te dageba mawaibao. Dagego te nai gegebo sę idu da, teda te nai dagego sueibao. Tama dagego be tuba eliyu bebego wedu da, teda Godigo dagebolo te tų dalaibao.

Bugagia Bidibo Kolesagade Po Asęai Buku 13:4

Te hagela bidigo te doado bage hauwa sabo homu wei yali, tiali goli agai me sogobeo. Tiali digi, te sę dene ebo bidi dabego da, te augwa homugo te doado bage hauwa sabo homu yaibao.

Tigidali Nai Gagalama Nigali Side 26:25

Aisakgo te ofa maiabo alta me deli te bulude dodolama, tama agai Yawebolo lotu wai. Nosali agai te bidabo pesage tede nigilama, tama aga sę bidi dabego tede tǫ diganama, tama te wę ulu me deli nigali.

Tigidali Nai Gagalama Nigali Side 26:31

Te kigamu digi mu augwali hogodaluama, tama augwali dali, Aisak dali, augwaligo augwa nogo guni sisu muyu, augwa hasi e tiwai po dąų wali, “Te dago dage dali sesemane sogo te wiegi yai homu deli naga elama, bidaibao.” Aisakgo augwaliba dage tao olama, tama augwali nogo menama, tama augwali pali.

Tigidali Nai Gagalama Nigali Side 26:33

Tialima, Aisakgo te wę ulu nogi Seba nogi poai. Tama megi tebode augwaligo te hanu nogi Berseba wabo dao.