Tigidali Nai Gagalama Nigali Side 26:22 - Godigo dwagi yai po buku

²² Agai te pedai badu tagalama, te aga gasa badu me te wę ulu ma nigai. Tiali goli, te sę ebo bidigo tede te wado po me wabeo. Tialima, Aisakgo te e tiwai nogi poali “Te pesagede po ma wasiąwai,” tama agai te po wali, “Megi da, Yawego da e tǫde te genuai bidabo pesage mayu, tama te da bugagia homu nagame elama bidimainu yalio. Tama dago te bulude doado bage hauwa elaluaibao,” te po wai.

Tigidali Nai Gagalama Nigali Side 26:22 Referans Kwoze

Ma Dobola Sali 1:7

Tiali goli, augwaligo ame nani wai te Israel hani augwaligo wai hauwa ame nai, tama augwali hani hauwa mu te bomai bidi hani pedelai, tama augwaligo te Isip tǫ pedai badu Gosen te pągąna sai.

Tigidali Nai Gagalama Nigali Side 17:6

Te eno nago wai hani dabe te hauwa pedalumainu elama, tama meba te gavman tuni bidi pedelaibao. Te nago hani wai dabe te umabo hauwa hani mu pedelaibao.

Godigo Nogi Ugwaba Sabo Tęąbi Po Wabo Buku Dabe 118:5

Eno sęgę genuai elalubaso, tama eno Genuai Bidiba gedu haluasa po wali, tama agai eno te wabo po odolama, tama te sęgę dagala sąwani.

Tigidali Nai Gagalama Nigali Side 41:52

Agai te tiwai po me wali, “Godigo te ena e sęgę sali bulude tau siyu, tama te agai enabolo te gasa wai me mani.” Tama tibaso, agai te aga tomo ogwa nogi te Efraim poali.

Godigo Nogi Ugwaba Sabo Tęąbi Po Wabo Buku Dabe 18:19

Agai ena tonalubaso, tama eno te boi bidi dabe tagalali. Agai ena wei mu elama, tama agai ena ma sai dao.

Godigo Nogi Ugwaba Sabo Tęąbi Po Wabo Buku Dabe 4:1

God, nago ena tonalubo bidi da. Te eno nageba i wabo sogo, nago te eno i wabo odoyu, tau sao. Polobadu ena haliga sęgę dwai ebaso, tama nago eno te haliga sęgę ebo dagala sąwani. Nago te olo mu tau sabo wiegi yai kolesaga enaba megi elama, tama eno gedu haluasa wabo po odao.

Tigidali Nai Gagalama Nigali Side 28:3

Te eno homugo te Tigidali Bomo Mu Elalubo Godigo nage dali wiegi yai sę elama, tama nago wai hauwa ame naibao. Tama tibaso, te nage bidi hani hauwago aya monu pedelaibao.

Tigidali Nai Gagalama Nigali Side 26:21

Tama Aisakgo sę bidi dabego gasa wę me ma nigali, tama tede me augwaligo wado po wai. Tialima, Aisakgo te wę ulu nogi e tiwai nogi poai “Genuai wado po wai.”

Aisaia 54:2

Nago genuai tǫ pedai dąį elama, te nago ugwa be tede sę yao. Nago ugwa be ugwade eda si dedelasa pelama, te bono bobobage tagalama, te ni tǫba bomonama tulama, te bono dabe bomonama kekelama, te nide kęao.

Aisaia 54:3

Magi baso meni, nago tǫ dąį te ugwa de eda si pedegasa pelama, genuai igi pelama, te dolo nogo badu tiyu, te pobase nogo badu me tiao,” wali. “Te nage hani wai dabego te gasa tǫ kantri hani we bidi aiyaba elalueibao, tama augwali te augwaligo megi olo elalubo hanu dabede bidalueibao.”

Godigo Nogi Ugwaba Sabo Tęąbi Po Wabo Buku Dabe 119:32

Eno nago po polo wali painogo yaibao, magi basowe, nago dwagi yai kolesaga meba enabolo momainogo eno te homu ebo dao.