Tigidali Nai Gagalama Nigali Side 25:8 - Godigo dwagi yai po buku

⁸ Aga te monu dabe mu elama isibaso, tama augwaligo aga pubulali. Tama aga te aga polobadu isali wąį dabe augwali dali ma sisinanio, tama wabo.

Tigidali Nai Gagalama Nigali Side 25:8 Referans Kwoze

Tigidali Nai Gagalama Nigali Side 49:33

Jekopgo aga ogomani dali po mia silama, te aga sągą te bet sai dologo tomoba bulama, tama aga isali. Aga te aga hani bage bidalubo madi, te isali bidi dabego buluba tama pai.

Tuni Bidi Dabego Po Elalubo Buku Deli 29:28

Aga te we bidi augwaligo gedude genuai nogi elaluai, te agai mone me doado bage hauwa elalualio. Aga bidali sogo pęwadage meni, aga bidada pelama, monu dabe mu elama aga isalio. Nosali aga ogwa Solomongo agai sę yali pesage selama, te king pedelai dao.

Tigidali Nai Gagalama Nigali Side 15:15

Tiali goli, te sę esiąbadi, te nage digi te nage homu nagame bugagia elama, bidiyu elama, te nage monu dabe mu elama, te nage isibaso, tama augwaligo nage pubulaibao.

Jopgo Po Asęani Elalubo Buku 42:17

Tama Jop bugagia bidama, tama aga monu dabe mu elama, tama aga isali.

Tigidali Nai Gagalama Nigali Side 25:17

Ismael te kibu be hauwa 137 kibu be bidama isibaso, tama augwaligo aga pubulali. Tama aga te aga polobadu isali wąį nǫų dabe dali deliba sisinama, bidigi pai dao, tama wabo.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Bugagia Bidibo Kolesagade Po Asęai Buku 20:29

Te gesi bidi dabego te bomo elalubaso, tama tego te we bidigo augwaliba pemene emainu ebao. Tiali goli, te monu dabe te ayadeba nisi yai elalubaso, tama te we bidigo tede te homu koneama, tama augwaliba te genuai nogi mabo dao.

Jopgo Po Asęani Elalubo Buku 5:26

Tama tibo si, nage monu dabe mu elama, tama nage isaibao. Nage te gide wit nai inabo tiwai elama, tama te bidi dabego sabo sogo saibao.

Te Israel Tobolu Bidi Dabe 8:32

Tama Gideon te monu dabe mu pedelama, tama isali. Tama augwaligo aga te aga aya Joasgo gų pagede pubulali, te bulu Ofrade, te Abiesergo hani dabego hanude dao.

Tigidali Nai Gagalama Nigali Side 25:7

Abraham te kibu be umabo te 175 kibu be bidai.

Godigo Sęba Tagala Palai Bidigo Po 5:10

Tama te we polo tama te bidi Pita sągą pagede degasa pelama, te aga isali. Te gesi ogwa bidi dabe te be tomoba asai. Augwaligo te we isai munalubo suali. Sulama, augwaligo te we tigi tolasa pelama, aga bidi muani madigi pubaligi pali.

Tigidali Nai Gagalama Nigali Side 49:29

Nosali Jekopgo te po aga ogomanibolo wai, “Enade, te pąde megi tama eno ena hani isali bage dabe sisinigi paibao. Dagego eno tigi te ena wąį dabe dali te bidi Hit hani dabego te Efrongo tǫ pedai badu te ola be tomoba mugi pao.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Godigo Sęba Tagala Palai Bidigo Po 5:5

Ananaias te po odama, polo tama tǫba degasa dulama, te aga polo tama isalio. Tama gesi ogwa bidi dabe aselama, augwaligo te bidi te nami ugwade belama, tolasa pelama, pubaligi pai. Tigidali we bidigo te yali sęde po odama, wi mu yali.

Jeremaia 6:11

Tiali goli, Genuai Bidi, nago augwaliba dene mabo haliga sębę enade me pągąnalubao, tama eno homude te dene mabo haliga sębę te palia saiba homu ebaso, usu egobeo.” Tialima, Genuai Bidigo enabolo e tama po wai, “Eno te haliga sębę ebo eno te sunumi dabe bidalubo wai puluba dabeba gea paliyu, te gesi bidi dabe sisinaluboba me tiao. Te bidi dabe augwa we dabe dali, me te monu dabeba me, eno te haliga sębę gea palao,” wai dao.

Te Israel Tobolu Bidi Dabe 2:10

Te Josua aga deli hani me te augwali isila pali, tama gesi noma we bidi pedelai. Te gesi hani we bidigo te Genuai Bidi konesiąyu, tama agai te Israel dabede yali sę me te munu me konesiąyu gegeda pali.

Israel Hanigo Namba 27:13

Nago bolo suao, tama nosali nage isaibao. Te naga ama Aron isali tiwai nage me isaibao.

Israel Hanigo Namba 20:24

“Aron, nage eno te Israel dabebolo mawaibao wali te tǫba nage pogobeo, nage isaibao. Magi baso meni, dage sigo eno po te bulu Meribade sela sąwai dao.

Tigidali Nai Gagalama Nigali Side 35:18

Tama pąde Resel mu isainu ebode, tama agai te wai nogi Benoni poali. Tiali goli, aga ayago aga nogi Benjamin poai.

Tigidali Nai Gagalama Nigali Side 37:35

Te tigidali ogomani, wegi mani me aselama, tama augwaligo te aga homu te wiegi yai ma ilabo po wagasali. Tiali goli, agai te wei mu isiąma, tama te po wai, “Eno aga hagede gela udubadi, te ena aga dali te isali bidi dabego gų pageba bidigi peyu, usu naibao,” wali. Tama aga ogwa Josep hagede te gela naga udu bididualio.

Bomai Po 32:50

Tama nage te bulu dude isaibao, te naga ama Aron te bulu du Horde isali yali gilama. Tama nage me naga wąį dabe dali bidigi paibao.

Tigidali Nai Gagalama Nigali Side 50:13

Augwaligo aga te Kenan tǫba tolasa pelama, tama augwaligo aga te Makpela ola bede pubulali, te bulu te Mamre te giliga pedalubo badu elaluali. Abrahamgo te tǫ te Efrongo tǫ pedaide abelali, aga te Hit hani bidi me deli da. Agai te tǫ abelali, te gų page nigabo pesage abelali.

Tuni Bidi Dabego Po Elalubo Buku Deli 23:1

Te Devit te monu dabe mu ebaso, agai aga ogwa Solomon sa munama tama Solomon te Israel dabego king pedelai dao.

Tuni Bidi Dabego Po Elalubo Buku Si 24:15

Tama nosali Jehoiada aga monu dabe mu yali, tama aga 130 kibu be elama, tama aga nosali isali.

Jopgo Po Asęani Elalubo Buku 41:32

Tama aga te pali sunumi da, te wę tedela mu elama, te monu dabego ili nisi tonobo ąǫ ebo dao.