Tigidali Nai Gagalama Nigali Side 25:6 - Godigo dwagi yai po buku

⁶ Tiali goli, aga bidibo sogo digi, te agai doado bage meba te aga gasa wego wai puluba augwaliba olo mani. Tama agai augwali te giliga pedalubo pedai badu tagala palama, te aga ogwa Aisak bidibo digi te augwali digibulu bidigi pomainu yali. Tama augwali pelama, te giliga pedalubo bulu te badu bidigi pai dao.

Tigidali Nai Gagalama Nigali Side 25:6 Referans Kwoze

Tigidali Nai Gagalama Nigali Side 21:14

Do kigamu mu te Abrahamgo te nai dali, te wę botol dali sisi elama, tama Hagarbolo mani. Abrahamgo te nai dabe te Hagar nageba anugulama, tama aga dali aga ogwa dali si ibaba olo tagala palali, gasaba. Tialima, Hagar palima, te Berseba tǫ pedai badu subigila te bidi bidisiąwai madi biliduai.

Te Israel Tobolu Bidi Dabe 6:3

Tigidali sogo te Israel dabego nai dabe te gide bulama elalubadi, te Midian dabe me, te Amalek dabe dali me, te kemi tǫ bulude bidibo bidi dabe, te giliga pedalubo badu bidi dabe, te tama bidi hani aselama, tama augwaligo te Israel dabe dali boi hwįagasali.

Godigo Sęba Tagala Palai Bidigo Po 14:17

Tiali goli, agai tigidali sogo tigidali we bidi augwaligo aga bidibo konemainu, dwagi yai nai dabe we bidi tomode mubo dao. Agai te dagaludu tulubage me, giliga nanobo sogo me, agai dąį ilibo dao. Tama agai nai pedalama, tama dage bugai homu emainogo te sę ebo dao,” augwali sigo te po wai.

Matyu 5:45

Tama tiyu da, dage te duga Aya dagalude bidibo bidigo wai puluba mu bidaibao. Agai te tobage dwagi yai sę naga eyu, tama agai sia nanobo te dwai sę ebo bidi dabeba me te dwagi yai sę ebo bidi dabeba dali si te sia nanobo ula ilibo dao. Tama te tulubage tulubo me te doloba pai bidi dabeba me, te doloba pesiąwai bidi dabeba me te tulubage tuluyu ilibo dao.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Te Israel Tobolu Bidi Dabe 19:4

Tialima te we aga ayago bomo eyu, te bidi aga dali bidao wali. Tama tibaso, aga sela sogo bidai, tama augwali nai tuyu, me wę tuyu yalio.

Tigidali Nai Gagalama Nigali Side 35:22

Israel tede bididubadi, tama Rubengo te aga ayago sę ebo we Bilha dali pagela piali. Tama Israelgo te tiali po odali. Te Jekopgo ogwa dabe te nogo si olama, sągągo si elaluai.

Tigidali Nai Gagalama Nigali Side 32:22

Tama te sogo hulide Jekop hogodama, tama aga we si selama, tama augwali sigo sę ebo we si me sobadi, te aga wai dabe nogo si olama, sągągo deli selama, tama agai te wę Jabok nogelama pali.

Tigidali Nai Gagalama Nigali Side 25:1

Abrahamgo gasa we me sali nogi te Ketura dao.

Tigidali Nai Gagalama Nigali Side 16:3

Tama Saraigo sę ebo te Isip we Hagar selama, tama aga te Abram aga we tiwai selama, bidali. Abram te Kenande kibu be nogo si bidai elalubadi, tama te sę pedelali.

Tigidali Nai Gagalama Nigali Side 30:9

Leago suali, agai te wai ma ame nabo homu isąbaso, tama agai aga sę ebo we Silpa te Jekopbolo mawai. Tama Silpa te Jekopgo we tiwai pedelai.

Tigidali Nai Gagalama Nigali Side 30:4

Tialima, Reselgo te aga sę ebo we Bilha te Jekopbolo tagala palama, tama Jekop aga dali piali.

Tuni Bidi Dabego Po Elalubo Buku Si 11:21

Rehoboamgo we 18 tama sali, tama agai i badu namba tu we dabe sibi hani te 60 we bidali. Tama te we sibi hanigo ogwa dabe 28 ame niyu, me 60 wegi mane ame niyu yali. Rehoboamgo we hauwa mu sali goli, agai Maka godolo genuai mu yali.

Tigidali Nai Gagalama Nigali Side 29:1

Tialima, Jekop te sunumidu palio. Aga pelama, pelama, tama nosali te giliga pedalubo badu bidali bidi hani dabe bidalubo pedai badu sabolai.