Tigidali Nai Gagalama Nigali Side 25:5 - Godigo dwagi yai po buku

⁵ Abraham aga isabode, te aga nai me tigidali doado bage te Aisakbolo naga mena silai.

Tigidali Nai Gagalama Nigali Side 25:5 Referans Kwoze

Tigidali Nai Gagalama Nigali Side 24:36

Tama aga we Sara aga te mosi dabe yai madi te aga ogwa ame nai. Tama eno genuai bidigo tigidali doado bage aga te ogwabolo mawai dao.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Kolosi 1:19

Magi baso meni. God aga digi homugo agai homu kolesaga sese te aga ogwago elaluyu, tama ogwa aga tiwai mu bidaibao.

Galesia 4:28

Eno ama dedeo, dage te bidi Aisak tiwai dao. Godigo te we Sarabolo dąų wali po mobaso, tama nosali te ogwa Aisak ame nani. Tama dagede me Godigo agai dąų wali po wali pelama, tama agai dage ma dobola sai dao.

Galesia 3:29

Tama tiyu, dage Krais aga dali wadolama, tama dage agai hani we bidi bidibaso, te dage Abrahamgo wai me bidibao. Tama tibaso, te polobadu Godigo Abrahambolo sa muyu sagameo wali te hagea sali nai, te nai dagego sabo bidi dabe dao. Godigo dage ma dobola sai dao.

Polgo Po Pas Rom Dabeba Asęani 8:32

Agai aga Ogwa digi te dabolo mawainogo homu si me ebeo. Menio. Agai aga tagala palali te agai da tigidali tau sagasomainogo olo tagala palalio. Agai aga Ogwa digi da tau somainogo mobaso, teda mu tama dao, agai homugo te gasa nai me tigidali te olo mu dabolo te aga dali mawaibao.

Polgo Po Pas Rom Dabeba Asęani 8:17

Tama da te Godigo wai dabe bidaligo da, teda nosali dago te Ayago nai me saibao. Awe, te dago Godigo nai saibao, te nai me dago Krais dali saibao. Te megi dago Godigo sę eyu tama Krais dali dago te dene tolobaso da, teda dago aga dali te genuai nogi me te ula yai bomo me, te me dago aga dali nosali saibao.

Dwagi Yai Gesi Po Jongo Asęani 3:35

Godigo aga Ogwa delide dwagi yai homu yai. Tama God agai tigidali nai aga Ogwago nogoba mawai.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Godigo Nogi Ugwaba Sabo Tęąbi Po Wabo Buku Dabe 68:18

God te ugwanu mu yai bulu duba holama, tama agai te kalabus bidi hauwa sela pai. Agai te hagoma ebo bidi dabego te aga dali hwįani bagego nogode te haniani wiegi yai nai sela peyu, aga dali pali. God, Genuai Bidi, te bulu dude bidaibao.

Dwagi Yai Gesi Po Jongo Asęani 17:2

“Tama nago ena sa muyu, moni bomo mayu yai dao. Ena te tigidali tǫde we bidigo genuai bidi dao weyu, tama nago te bomo enabolo mawai dao. Magi basowe? Te bidada pabo bomo te we bidi nago enabolo mani we bidi augwali eno te bidada pabo bomo mawaibao, te homu eyu, nago enabolo te nogi yai sę mawai dao. Tama te bidada pabo bomo menama, tama augwali bidada peyu, bidada paibao, gamonaibao.

Tigidali Nai Gagalama Nigali Side 24:35

Yawego eno genuai bidibolo wiegi yai mobo menama, tama aga genuai bidi nigilali. Yawego agabolo nai hauwa mani, te e nai dabe dao, sipsip, meme, bulmakau, silva me gol, sę bidi me, sę ebo we me, kamel me donki, te tama doado bage hauwa mawai dao.

Tigidali Nai Gagalama Nigali Side 25:4

Tama te Midiango ogwa dabe te e tama elaluai, Efa, Efer, Hanok, me Abida, me Elda. Te tigidali hani sibi wąį augwa auwa mosi te Ketura dao.

Tigidali Nai Gagalama Nigali Side 26:14

Agai kibu sipsip me, bulmakau me, sę ebo bidi me hauwa mu elalubaso, tama te Filistia bidi dabego te sulama, tama augwali pesą yali.