Tigidali Nai Gagalama Nigali Side 25:34 - Godigo dwagi yai po buku

³⁴ Nosali Jekopgo te bret meba dali, te sup me mawai. Iso aga te nai polo tuyu, wę tuyu yai. Nosali aga hogodama, palio. Agai te aga gomunai bidi da, tama aga aya isibosi da, teda aga doado bage hauwa sabo bidi dao, tede te olo nai naga dao homu elama, tama tagalalio.

Tigidali Nai Gagalama Nigali Side 25:34 Referans Kwoze

1 Korin 15:32

Ena e moni hanu Efesusde polobadu bidibadi, te Godigo pode boi bidi homu ebo bagego ena dali dwai sę yali, augwali te bulude bidibo dwai hui digi ebo hasa dabe tiwai yali. Tama eno tǫde bidigo homu wali naga pigi sogo da, teda te sęgę tolobogo ena mena tama tau sogowe ena te homu egi da. Tama tiyu, mu tama te isai bidi dabe ma hodoligi menigi sogo da, teda “Da do ma tamadi isibaso, tagalao, dago te nai me wę me subigila tuinao,” te homu egi dao.

Aisaia 22:13

Tiali goli, dagego te hobede yabo sę yai menio. Meni. Dage gisugu olama, gana pelama bidalio. Tama dagego bulmakau kibu me sipsip kibu elama, tama moni daa mu tuai dao. Tama dagego wain wę dabe tama tuali. Tama dagego e tama po wai dao, “Asao. Da wę dali nai dali tuinao,” wali. “Magi baso meni, do da isaibao,” tama po wali.

Godigo Sęba Tagala Palai Bidigo Po 13:41

Augwaligo te po asęani, Godigo te po wai, ‘Odao, dage Godigo po sela sąbo bidi dabe dao. Dagego tonaluama, moni homu elama, nosali noma siąo. Tiali goli, dage isaibao. Eno dage pagede sę ebadi, dagego te sę ebo dagego homugo mu konegobeo. Tama bidi me deligo dagebolo te sę page pusa mobadi, dagego agai wabo po page bugagia konealugobeo,’ Godigo te tama po wai,” Polgo te po wali.

Matyu 26:15

“Dagego magi nai enabolo mobaso, tama eno dage nogoba te Jisas mawaibawe?” wali. Tialima augwaligo te mone ge 30 agabolo mawai. Te masigi dabe te wiegi yai kapa nogi silva tego nigai masigi dao.

Matyu 22:5

Te sę ebo bidi dabego te po augwalibolo wagi pai, tiali goli augwaligo te po odobo hagela yali, tama augwali gasaba tedela pai. Me deli te aga giba pali, tama me te aga mone sabo sę egi pali.

Sekaraia 11:13

Te bidi dabe augwaligo ena te dwai sę bidi da homu ebaso, tama augwaligo ena te dwasianu mone naga manio. Te Genuai Bidigo enabolo te tiwai po walali, “Nago te mone te tǫgo sospen sęnę nigibo bidibolo mao,” wali. Tialima eno te mone Genuai Bidigo beba sela pelama, tama eno te mone te tǫgo sospen nigibo bidibolo mawai dao.

Kolesaga Koneai Bidigo Pusali Po Elalubo Buku 8:15

Tialima, eno homugo te wiegi yai da homu ebaso, te dago wiegi yai pemene ebo kolesaga wali pabo homu ebao. Te dago wali pabo gasa wiegi yai sunumi me elalubeo. Tibaso, dago te nai me ąį tuyu, te nai dabede dago wiegi yai pemene inao. Mu tama, dago sę ebo sę dene mu yali, tialima dago te pemene ebo kolesaga wali peyu, te tigidali side Godigo da e tǫde bidimainu sula tagalali sogo, te dago wiegi yai pemene inao.

Godigo Nogi Ugwaba Sabo Tęąbi Po Wabo Buku Dabe 106:24

Tama nosali augwaligo te wiegi yai tǫ wei isiąwai, magi baso meni, augwaligo te Godigo dąų walali poba homu kęą pabeo.

Tigidali Nai Gagalama Nigali Side 25:29

Me sogo side Jekopgo te nai tegabi sup uludubadi, tama Iso te bulu hasa gegegi pelama, ugwa beba ma sabolali.

Tigidali Nai Gagalama Nigali Side 25:33

Tama Jekopgo te po wali, “Tiali goli, nago hasia bolo te nago po dąų weyu, tama po wao, ‘Eno te enade elalubo gomunai bidi nogi te Jekopbolo mu mobao. Tede eno tibo po obaso da, teda eno homugo te Godigo ena ela muao,’ tama po hasia bolo wao,” Jekopgo te po wai. Isogo te mu po naga da dąų wabo po ola silibo si, tama aga te gomunai ogwa nogi elaluali te nogi Jekopba mawai.

Tigidali Nai Gagalama Nigali Side 26:1

Gasa sogo te nasi ebo si te buluba pedelali, te polobadu Abraham bidali sogo pedelali nasi tiwai ma pedelali. Tialima, Aisak te Filistia dabego tuni bidi Abimelek bidibo bulu te Gerarba pali.

Tigidali Nai Gagalama Nigali Side 27:32

Aisak agai te po wai, “Nage de dawe?” Tama Isogo e tiwai po wei ponani, “Ena Iso, te nago gomunai ogwa dao.”