Tigidali Nai Gagalama Nigali Side 25:26 - Godigo dwagi yai po buku

²⁶ Te nosali pedelali wai ogwa aga ame nobadi tama aga nogogo te Iso sągą gabulude tolalubadi, tama ame nani. Tama augwaligo aga nogi Jekop poai. Te sogo Aisakgo kibu be te 60 kibu be elalubo sogo Rebekago te wai si ame nani.

Tigidali Nai Gagalama Nigali Side 25:26 Referans Kwoze

Tigidali Nai Gagalama Nigali Side 27:36

Tialima, Isogo te po wai, “Te megi e da, te agai si sogo megi ena guni tǫba ilali. Tama tiyu, te nogi Jekop te nogi page te ‘polobo bidi’ tama dao, te agade dolo mu yali. Te idago hasia ena bolo ame nani, tiali goli Jekopgo te enade elaluali te gomunai ogwa wali, te nogi agai wi sai. Tama megi me te agai te enabolo maiabo dwagi yai po wi salio. Magi yaliwe, aya, te nago enabolo maiabo po te gasa me deli sisi yai elalubewe?”

Hosea 12:3

Augwa wąį nǫų Jekopgo te aga ama dali hwįani, te augwa si idago haligade bidibadi tialio. Nosali Jekop te genuai igulama, tama agai te God dali hwįai dao.

Godigo Sęba Tagala Palai Bidigo Po 7:8

“Tama te po olama, Godigo Abrahambolo po me ola mayu, te po wai, ‘Te nage dali nago hani dali, dagego ogwa dabe ame nabo si, te Sarere deli bidama, te augwaligo tigide dagego dąį ilibo sę eyu, te tigi wali togwao. Tama te dąį togobo te Godigo mani bodolu po koneaibao,’ wali. Tiliama, nosali Abrahamgo wego wai ame nani. Te wai nogi Aisak. Sarere deli bidama, te wai aga ayago te waigo tigiwali togwalio. Tiliama, nosali mu Aisakgo we sali. Agai aga ogwa Jekop agai te yali sę tiwai yalio. Tama Jekop me aga genuai elama, agai te yali sę tiwai yali. Agai ogwa nogo si olama, sągą badu si wagi soali bage ame nenama, agai augwali tigidalibolo te yali sę tiwai yali. Te bidi dabe da Israel bidigo wąį dabe dao,” Stivengo te po wai.

Tigidali Nai Gagalama Nigali Side 25:20

Aisakgo te Rebeka sali sogo te aga kibu be bidi sese si 40 elaluai. Rebeka te Betuelgo wegi da, aga te Aram bulu bidi me deli, te Mesopotemia pedai badu elaluai. Tama Rebeka te Labango abe, aga te Aram bidi me deli dao.

Tigidali Nai Gagalama Nigali Side 35:28

Te Jekop aga Aisak dali nosali bidada peyu, tama Aisak te kibu be 180 bida silama, tama aga isai dao.

Josua 24:4

tama eno ogwa si mani, Jekop me Iso, te Aisakbolo mani. Tama eno te bulu du Seir, aga gasa nogi me Idom, te Iso mani, te aga tǫ gagalama bidali. Tiali goli, Jekop me, te aga hani wai dabe dali, augwali te Isipba pali.’”

Tuni Bidi Dabego Po Elalubo Buku Deli 1:34

Aisak, te Abrahamgo ogwa, agai ogwa si elaluai, Iso me Jekop. Te Jekopgo gasa nogi me da, te Israel dao.

Tigidali Nai Gagalama Nigali Side 21:5

Abrahamgo digi kibu be bidi sese a naga, te 100 yia elalubadi, tama Sarago te Aisak ame nai.

Israel Hanigo Namba 20:14

Te Israel dabe te Kadesde bidibadi, Mosesgo Idom tuni bidiba po sela pabo bidi meba taga palali. Augwaligo agabolo e tama po wagi pali, “Dago naga deli hanigo po sesebao. Te augwali te Israel dabe dao. Augwaligo nagebolo e tama tiwai po walali, ‘Nago koneani, dade te haniani sę pedalali nago koneani.

Bomai Po 23:8

Augwaligo hani wąįgo waidu gagalasa, augwali te Genuai Bidigo we bidi hani tomoba asobo te usu yaibao,” Mosesgo te po wali.

Hosea 12:4

Te hwįani side, agai te Godigo ensel mobo bidi dali pagelama, tǫba pinayu hwįai, te aga usu si igulama, ugwaba ela holali. Tama Jekopgo gela hauwa weyu, te Godiba hanalu, te aga olo tau sabo wiegi yai homu kolesaga yao po wali. Tama gasa sogo Jekopba te Betelde God pedelama, tama aga dali po miai dao.

Malakai 1:2

Genuai Bidigo te tama po wali, “Te eno dage godolo mu eduali, tama megi me ebo dao,” wali. Tiali goli, te Israel dabe augwaligo e tama po wei ponani, “Nago da godolo ebo mena tama yaliwe?” Tialima Genuai Bidigo te po augwaliba wei ponani, “Odiąo. Polobadu Iso me Jekop te ama nami si dao. Te eno Jekop dali, dage te agai wąį nǫų dabe dali godolo homu yai dao.