Tigidali Nai Gagalama Nigali Side 25:19 - Godigo dwagi yai po buku

¹⁹ Te e po da te Abrahamgo ogwa Aisak aga te tama bidali wabo po dao.

Tigidali Nai Gagalama Nigali Side 25:19 Referans Kwoze

Matyu 1:2

Te Abraham aga ogwa Aisak. Tama Aisak aga ogwa Jekop. Tama Jekop aga ogwa Juda te aga ama dede dali dao.

Dwagi Yai Gesi Po Lukgo Asęani 3:34

Juda aga aya Jekop, Jekop aga aya Aisak, Aisak aga aya Abraham, Abraham aga aya Tera, Tera aga aya Nahor,

Godigo Sęba Tagala Palai Bidigo Po 7:8

“Tama te po olama, Godigo Abrahambolo po me ola mayu, te po wai, ‘Te nage dali nago hani dali, dagego ogwa dabe ame nabo si, te Sarere deli bidama, te augwaligo tigide dagego dąį ilibo sę eyu, te tigi wali togwao. Tama te dąį togobo te Godigo mani bodolu po koneaibao,’ wali. Tiliama, nosali Abrahamgo wego wai ame nani. Te wai nogi Aisak. Sarere deli bidama, te wai aga ayago te waigo tigiwali togwalio. Tiliama, nosali mu Aisakgo we sali. Agai aga ogwa Jekop agai te yali sę tiwai yalio. Tama Jekop me aga genuai elama, agai te yali sę tiwai yali. Agai ogwa nogo si olama, sągą badu si wagi soali bage ame nenama, agai augwali tigidalibolo te yali sę tiwai yali. Te bidi dabe da Israel bidigo wąį dabe dao,” Stivengo te po wai.

Tuni Bidi Dabego Po Elalubo Buku Deli 1:32

Abrahamgo si wali we me sai, aga nogi Ketura. Te Keturago ame nani ogwa dabe nogi e tiwai, Simran, me Joksan, me Medan, me Midian, me Isbak, me Sua. Joksango ogwa si elaluali, Seba me Dedan.

Tigidali Nai Gagalama Nigali Side 25:20

Aisakgo te Rebeka sali sogo te aga kibu be bidi sese si 40 elaluai. Rebeka te Betuelgo wegi da, aga te Aram bulu bidi me deli, te Mesopotemia pedai badu elaluai. Tama Rebeka te Labango abe, aga te Aram bidi me deli dao.

Tigidali Nai Gagalama Nigali Side 21:3

Tama Abrahamgo te Sarago ame nani ogwa nogi Aisak poalio.

Tuni Bidi Dabego Po Elalubo Buku Deli 1:28

Abrahamgo ogwa si elaluai, Aisak me Ismael dao.

Tuni Bidi Dabego Po Elalubo Buku Deli 1:34

Aisak, te Abrahamgo ogwa, agai ogwa si elaluai, Iso me Jekop. Te Jekopgo gasa nogi me da, te Israel dao.