Tigidali Nai Gagalama Nigali Side 25:18 - Godigo dwagi yai po buku

¹⁸ Te Ismaelgo hani wąį dabe augwali te tǫ pedai Havila me Sur te tomo agebele side bidaluali. Te bulu te Isip pąde te Asur teba pabo sunumi te giliga pedalubo pedai badu elaluai. Te Ismaelgo hani augwaligo te haniani hani dali boi bidi homu ebaso, tama augwali digibulu bidigi pai dao.

Tigidali Nai Gagalama Nigali Side 25:18 Referans Kwoze

Tigidali Nai Gagalama Nigali Side 16:12

Tiali goli, nago wai da, te uni yowi tiwai bidaibao. Te agai tigidali bidi dali boi bidi eyu, tama tigidali bidigo agabolo boi bidi eyu yaibao. Te aga deli kaneme dabe dali te bugagia homu nagame elama, me bidigobeo,” wali.

Tigidali Nai Gagalama Nigali Side 20:1

Te Abraham te Mamre tede bidali taga peyu, te Negeb moni tǫ pedai te badu pelama, tama aga te bulu si Kades me Sur, te bulu si tomode bidali. Aga te Gerar hanude te aga we Sara dali bidai.

Godigo Nogi Ugwaba Sabo Tęąbi Po Wabo Buku Dabe 78:64

Te boi bidi dabego te pris dabe ela mubaso, tama augwa we dabego te augwalide homu dene eyu, tama gela wainu ebo te usu ebeo.

Te Israel me Juda Hani Sigo Tuni Bidigo Po Elalubo Buku Si 23:29

Te Josaia aga king bidibo sogo, te bidi Neko, te Isip king bidi, agai te aga Isip ami soldia bidi dabe selama, tama augwali te Juda hanigo tǫ ela solama, te Yufretis węba pali, augwali te Asiria hani tau somainu, augwa sigo boi bidi dabe dali boi hwįgi peyu pali. Tama te king Josaiago te boi hwįbo po odali, tama te agai te aga ami soldia bidi dabe selama, tama te augwali pelama, te Isip hani dali boi hwįgi pali. Tama augwaligo te Megido hanu taunde augwaligo te boi hwįani, tama te Isip hanigo te king Josaia elama, isilali.

1 Samuel 15:7

Tama Solgo hwįbo sę bomo mu ela pelama, tama te Amalek dabe aiyaba elaluali, te Havilago tǫde gagalasa pali, tama te tǫ wa pai bulu te Sur, te giliga pedalubo pedai badu, te Isip te badu usu nigi palio.

Tigidali Nai Gagalama Nigali Side 21:21

Tama aga idago aga we me deli te Isip bulu we selama, aga ogwa mani.

Tigidali Nai Gagalama Nigali Side 14:10

Tama te Sidim odogo tǫde te kolta sabo tǫ dedage hauwa elaluai. Tama te Sodom de Gomora gavman tuni bidi si augwa bidi dabe dali te boi hwįbaso, wi painogo homu yali, tiali goli augwali meba te kolta sabo tǫ dedage dabeba tulaluali, tama isali. Te augwaligo ami bidi dabe meba te bulu du bageba wi pai.

Tigidali Nai Gagalama Nigali Side 13:10

Tialima, Lot dolugulama, tonono bilali. Agai te tigidali tǫ malu te wę Jordan sesegedu tonono pali, te tigidali pedaiba usu nama, te Soar te pedaiba usu nigi palio. Te tǫ tigidalide te dwagi yai wę hauwa te gasa sawi yai, te Yawego Iden gide elalubo tiwai, me tama te Isip dabe tǫde elalubo tiwai elaluali. (Tama te sogo te Yawego te Sodom de Gomora te hanu si dolisiąbadi dao.)

Tigidali Nai Gagalama Nigali Side 10:29

Ofir, Havila, me Jobap da. Te tigidali da, te Joktango ogwa dabe nogi dao.

Tigidali Nai Gagalama Nigali Side 10:7

Te Kusgo ogwa dabe da, te augwali e dao, Seba, Havila, Sapta, Rama, me Sapteka. Ramago ogwa si ame nani, me Siba me Dedan.

Tigidali Nai Gagalama Nigali Side 2:11

Te hasia wę nogi augwaligo Pison nogi yali. Te wę agai te moni tǫ Havila bagulali.

Tigidali Nai Gagalama Nigali Side 21:14

Do kigamu mu te Abrahamgo te nai dali, te wę botol dali sisi elama, tama Hagarbolo mani. Abrahamgo te nai dabe te Hagar nageba anugulama, tama aga dali aga ogwa dali si ibaba olo tagala palali, gasaba. Tialima, Hagar palima, te Berseba tǫ pedai badu subigila te bidi bidisiąwai madi biliduai.

Tigidali Nai Gagalama Nigali Side 16:7

Hagar te bidi meni yai pedai badu te Sur pabo sunumidu pai. Aga te wę ulu tubo madi dulalubadi, te Yawego Ensel Mobo Bidi te agaba pedelali.

Ma Dobola Sali 15:22

Nosali Mosesgo Israel dabe augwali te mama tamu wę tagalama odasa pali, tama augwali te wa pai ni meni yai bulu Sur tedu pai. Tama augwali sela sogo te wa pai nai meni yai buludu pai, tama augwaligo wę me subeo.

Esekiel 23:23

Eno te gegunai gavman bidi dabe dali, te ami polalubo ofisa dabe dali te bulu tǫ kantri Babilonde, me Kaldia, me te Pekot hani dabe, me Soa, me Koa, me Asiria, te tama bulu bidi dabe selama, tama augwali te kibu hos dabede dugulama, te augwali eno odasa asaibao. Polobadu nago te bidi dabe te ogwa bidide bidibo suali, te gasa sawi yai mu bidibaso, te nago augwalide gedu yai dao.

Tuni Bidi Dabego Po Elalubo Buku Deli 1:23

me Ofir, me Havila, me Jobap dao.