Tigidali Nai Gagalama Nigali Side 25:13 - Godigo dwagi yai po buku

¹³ Tama Ismaelgo wai dabe nogi te gomunai waide gagalama, te ogwa bidi wai dabeba siminigi paibao, Nebaiot te Ismaelgo gomunai ogwa nogi, nosali te Kedar ame nani, Atbel, me Mipsam,

Tigidali Nai Gagalama Nigali Side 25:13 Referans Kwoze

Aisaia 60:7

Te Kedar me Nebaiot dabego te tigidali wiegi yai sipsip hani nageba sesaibao. Tama ena we bidigo te sipsip dabe seselama, te eno alta daiba ofa ebaso, te ena wiegi yai pemene ebao wali. Te eno be te polalubo be mu pedelama, te genuai nogi elalueibao,” te po wai dao.

Aisaia 42:11

Dage te bulu taun wa pai pesagede bidalubo we bidi dabe, me dage te Kedar hani we bidi dabe, dagego te i bomo elama weyu, te aga nogi ugwaba siyąo. Dage te taun Sela we bidi dabe, dage te bulu du dabe bageba holama, te wiegi yai homu pemene dali i waiyąo.

Solomon 1:5

Dage Jerusalem we dabego, odao. Eno tigi husugu yali, tiali goli ena sawi yai pai mu da. Eno tigi husugu yali, te Kedar dabego wa pai bulude te sel ugwa be dabe husugu yai tiwai dao. Tiali goli, ena gasa sawi yai mu, te sawi yai name ugwa dabe te king Solomongo bede walalubo tiwai dao.

Godigo Nogi Ugwaba Sabo Tęąbi Po Wabo Buku Dabe 120:5

Ena dage tomode dwai dugulalu, tama te ena te bulu Mesek, me te Kedar dabe tomode dwai dugulaluali tobage tiwai ebao.

Tigidali Nai Gagalama Nigali Side 36:3

tama Basemat te Ismaelgo wegi, te Nebaiotgo abe da.

Tigidali Nai Gagalama Nigali Side 25:14

Misma, Duma, Masa,

Te Israel Tobolu Bidi Dabe 8:24

Tiali goli, Gideongo po wadolama weyu, te tiwai po wai, “Eno dagebolo te nai me deli po hanalu obao. Dage tigidali deli deligo te dagego hwįyu, te boi bidi dabego olode mubo nai ring te sali enabolo maiąo,” wali. Te Midian dabe augwali te Ismaelgo hani tama tiyu, augwaligo te ring gol te augwa olode munama walai.

Jeremaia 49:28

Genuai Bidigo po te Kedar hanide me te wa pai tǫ pedai Hasorde elalubao. Te Babilon king Nebukatnesargo boi hwįnama, te hani dabe aiyaba elaluai. Hasia bolo God Genuai Bidigo te Kedargo boi bidi dabeba te po walali, “Dage hogodama, te Kedarba boi hwįgi pao. Te giliga pedalubo pedai badu te we bidi mu silao.

Tigidali Nai Gagalama Nigali Side 17:20

Nago enabolo te Ismael me bugagia tonaluao wali. Teda eno tama tiaibao. Te eno agabolo wiegi yai tau sabo po mawaibao. Tama tiyu, eno agabolo te wai puluba hauwa menama, tama eno agai wai puluba hani te umabo mu pedalumainu ilaibao. Te aga te nogo si olama, sągągo si tobolu bidigo aya pedaliyu, tama eno agai hani wai dabe te genuai mu pedalumainu yaibao.

Tigidali Nai Gagalama Nigali Side 28:9

Tama tibaso, aga te Ismaelgo haniba pali, aga te Abrahamgo ogwa, tama agai gasa we me sali, aga nogi te Mahalat. Te we te Ismaelgo wegi, tama aga te bidi Nebaiotgo abe dao.

Jeremaia 2:10

Edao. Dage sip sela pelama, te ailan Saiprus te giliga dega sabo badu pelama, te Saiprus dabego kolesaga suao. Tama te bidi dabe dagego te bulu Arebia dabego tǫba te giliga pedalubo badu tagala palama, te augwaligo kolesaga bugagia osola suao. Te dagego subadi, te hani me deligo te duga ebo tobage dwai kolesaga tiwai ebo suaibawe? Mu menio.

Esekiel 27:21

“Te bulu kantri Arebia bidi dabego me, te tǫ kantri Kedar tobolu bidi dabego me, te augwaligo nagebolo te kibu sipsip wai dabe me, te omai kibu sipsip me, te meme kibu dabe me mobadi yali, te augwaligo nago mabo nai dabe sabo homu eyu, tama tiai dao.