Tigidali Nai Gagalama Nigali Side 24:8 - Godigo dwagi yai po buku

⁸ Tiali goli, te we nage dali asisąbaso da, teda nago enabolo te dąų wali po te pogo nage dali munu me kęalugobeo. Tiali goli, nago eno ogwa te eno page buluba me odasa pelamuo.” Te po wai.

Tigidali Nai Gagalama Nigali Side 24:8 Referans Kwoze

Israel Hanigo Namba 30:8

Tiali goli, te wegi aga bidigo te wegigo aga haniani sę dabe aga homugo yaibao wali po odali sogo, tama aga we habu selali da, teda te we aga te po wali pelamuo. Tama tiali, te Genuai Bidigo te wego aga wali po wali pisąma yali te sęgę sela sąwaibao.”

Israel Hanigo Namba 30:5

Tiali goli, aga ayago te wegi agai wali po odobaso da, tama agai te odali sogo te wegibolo agai wali po wali pigio olama habu selali da, teda te wegigo digi wali po wali pelamuo. Tama te Genuai Bidigo agai sę te agai wali po wali pisąma yali te sęgę sela sąwaibao. Magi baso meni, aga ayago te wegigo wali po wali pomainogo sula tagalobeo,” wali.

Godigo Sęba Tagala Palai Bidigo Po 7:2

Tama agai te po wei ponoyu te po wai, “Ama dede, aya dede, dagego eno po odao. Dago wąį mu Abraham aga te Mesopotemia tǫde bidibadi, te Haran tǫba pisąbadi yaide, te sogode God aga pageba asai. God da, te genuai dwagi yai bomo mu elalubo God dao.

Dwagi Yai Gesi Po Jongo Asęani 8:32

Tama dagego te Godigo enade wabo mu po dagego mu koneaibao. Te mu po dagego mu koneama, tama te po mugo dage tau selama, tama dage nogo dąų wali kolesaga tagalama, tama dage olo mu bugagia bidaibao,” Jisasgo te po wai.

Josua 9:20

Dago augwali magi baso sula tagaliyu meni, te dago bomai po dąų walalio. Te dago augwali elibaso da, teda Godigo da dolaibao.

Tigidali Nai Gagalama Nigali Side 24:41

Te nago tama tibaso da, teda te dąų wali pogo te nage me kęalugobeo. Te nage eno haniba pelama, tama augwaligo nago po obadi usu da po wasiąyu da, teda te tiwai naga eyu, te dąų wali pogo nage me kęalugobeo,’ Abrahamgo enabolo te po wai.”