Tigidali Nai Gagalama Nigali Side 24:65 - Godigo dwagi yai po buku

⁶⁵ Tama agai te Abrahamgo sę bidibolo hanalu wai, “Te mena bidi da tiąba asobawe?” Tama sę bidigo te po wai, “Te eno genuai bidi dao.” Tama tibaso, Rebeka aga tobolude elaluali ugwa namego te aga gesabidi au palia sai.

Tigidali Nai Gagalama Nigali Side 24:65 Referans Kwoze

2 Timoti 2:9

Eno homugo te we dabe sibigo me augwa gudubo ugwade homugo bugagia kone paliyu, augwa nogi ugwaba sabo kolesaga te ugwade elamuo, te bidigo homu hodolobo sę me elamuo. Augwaligo te tobolu nisi me te tigi me te haniani bis dabego badi, te wiegi yai kapa golgo me te moni masigigo sabo ugwago me, te augwa tigi dali tobolu nisi me au ilama elamuo.

1 Korin 11:10

Tama tibaso, te Godigo sę ebo ensel mobo bidi augwaligo te we aga bidi dologode bidibo sumainogo eyu, te wego aga tobolu te nami ugwago halumainao.

Tigidali Nai Gagalama Nigali Side 20:16

Tama agai Sarabolo te po wali, “Eno te mone umabo, te mone 1,000 mone silva, te nago abebolo mani. Te tialigo te po isilalio. Te augwaligo mu koneama, te nago dwai sę ebeo po waibao,” Abimelekgo te po wai.

Tigidali Nai Gagalama Nigali Side 24:64

Tama Rebekago Aisak sulama, tama aga te kamel daide dulaluali tagalama, aiyaba dulai.

Tigidali Nai Gagalama Nigali Side 24:66

Tama ma sabolama, tama te sę bidigo agai yali sę po tigidali te Aisakbolo pusali.

Tigidali Nai Gagalama Nigali Side 38:14

Tialima, Tamargo te aga bidi isali te konemainu te muani ugwa te peda sąnama, te gasa ugwa hasegelama muani. Tama agai gesabidi te sesela selama, te dwasianu ugwa name munama, tama te Enaim hanu soabo sunumi tunu si age tede dulaluali, te Timna sunumi teba pabo pesage elaluali. Agai koneai, te Sela te genuai yali, tiali goli augwaligo te Selago te Tamar sabo po te dodolisiąwai.

Aisaia 47:2

Te nage olo mu sę ebo we tiwai gilama sę yaibao. Te nago tobolude ugwadu banualuali ugwa nami, me te nago sawi yai ugwa dabe me dagala sąnama, nago te wit halubo masigi dabe hogogo belebo sę yao. Tama nago gudali ugwa sugua selama, te ąį dabe nogwaibao.