Tigidali Nai Gagalama Nigali Side 24:61 - Godigo dwagi yai po buku

⁶¹ Tama Rebeka dali, aga sę ebo wegi ogwa we dabe dali, augwali hogodama, tama augwali te kamelba duagulama, tama augwali te Abrahamgo sę bidi wali pai. Tama sę bidigo Rebeka oda selama, tama augwali te digibulu buluba pabo gagalali.

Tigidali Nai Gagalama Nigali Side 24:61 Referans Kwoze

Godigo Nogi Ugwaba Sabo Tęąbi Po Wabo Buku Dabe 45:10

Nage te gesi wegi te king dali bidi painu, nago te eno po odolama, tama tede homu kone palao. Nago te naga bulude bage te homu kone ebo gegeda palama, tama naga deli kaneme bage me te homu kone ebo tagalao.

Tigidali Nai Gagalama Nigali Side 2:24

Tama tialima, te kolesaga pedelali, te bidigo aya ida tagalama, tama aga we dali kęą pali, tama augwa si deli mu pedelali, te kolesaga da tomode megi te elalua pobao.

Esta 8:14

Gavman tuni bidi kingo te po obaso, tama te po sela pabo bidi dabe augwali te hosde dualama, tama polo udada palio. Tama me augwa te polalubo moni genuai hanu Susade bidibo tigidali we bidibolo me augwaligo te po pusai dao.

Esta 8:10

Mordekaigo augwalibolo te tuni bidi king Serksisgo nogide te pas asęao po wali, tama tuni bidigo dąį te paside muai. Te pas dabe selasa pabo bidi dabe augwali dualasa pabo wiegi yai polo pabo hos dabe augwali te tuni bidigo obo tomode sali, tama augwaligo te pas dabe te tigidali buluba selasa pai.

1 Samuel 30:17

Tialima, Devit te aga ami dabe dali te kigamu digi mu pelama, tonalugi pelama, tama augwali pelama, te wąbi hodolama hwįani. Tama augwaligo te Amalek dabe dali hwįdubadi, te pio mu igi palio. Tama augwaligo te Amalek dabe hauwa ela muani. Te 400 bidi naga te kamelba duagi pelama, tama augwa wi palio. Tiali goli, te Devitgo hanigo te gasa Amalek tigidali ela muanio.

Tigidali Nai Gagalama Nigali Side 31:34

Reselgo te aga ayago god dabe wi selama, tama agai te kamel dabe beg tomoba geme dualama, tama aga te beg daide ugwa dualaluali. Labango te ugwa be tomode te tigidali doado bage susa bilali, tiali goli agai te god dabe me subeo.

Tigidali Nai Gagalama Nigali Side 24:60

Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.

Tigidali Nai Gagalama Nigali Side 24:62

Te Abrahamgo sę bidi agai te we gegeyu, tama digibulu mu peyu, digibulu ma asu, tama tibadi, te Aisak agai te bidi dabe augwali bidisiąwani badu taga soali, augwaligo te bulu nogi poali ‘Te ena subo Bidibo Ula Elalubo Bidigo wę ulu.’ Te nogi poai. Tama aga pelama, te Negeb pedai badu bidigi pai.

1 Samuel 25:42

Tama polo tama aga hogodama, te aga donki selama, teba duagulali. Tama agai sę ebo a naga we te aga dali pinao po wai. Tialima, aga dali, te aga sę ebo we dabe me, te Devitgo sę bidi dabe dali pela wali. Augwali te Devit bidibo madiba sabolama da, teda Abigel te Devit aga we pedelama bidali.