Tigidali Nai Gagalama Nigali Side 24:53 - Godigo dwagi yai po buku

⁵³ Tama tilama, nosali aga te haniani au dobage te silva me gol me, te gasa sawi yai gudubo ugwa me sobadi elama, te Rebekabolo mawai. Agai te haniani gasagi yai sawi yai dila pai nai dabe te Rebeka aga abebolo mobadi, te aga idabolo me mayu yai.

Tigidali Nai Gagalama Nigali Side 24:53 Referans Kwoze

Tigidali Nai Gagalama Nigali Side 24:22

Te kamel dabego wę tula silibo si, tama Abrahamgo sę bidigo agai te ring gol te gasa sawi yai mu selama, tama te Rebekago guniba muanio. Tama agai te golgo nigai nogo mo si te Rebeka nogoba holali.

Tigidali Nai Gagalama Nigali Side 24:10

Tama sę ebo bidigo te Abrahamgo te nogo si kibu kamel me te maiabo wiegi yai nai hauwa sali. Tama agai te tigidali doado bage sisi ilama, tama te Nahor bidibo bulu te Mesopotemia teba palio.

Ma Dobola Sali 12:35

Tama Israel hani augwaligo te Isip we bidibolo te gol, me silva, me ugwa dabe, te nai hanalu wai, Mosesgo te po augwalibolo polobadu wai.

Ma Dobola Sali 11:2

Tama megi nago te Israel we bidi tigidalibolo te po olama, tama augwali te pąde bidibo Isip haniba pelama, tama augwalibolo te au dobage gol, me te au dobage silva te augwali momainogo hanalugi pao,” wali.

Ma Dobola Sali 3:22

Dagego we tigidali te Isip we dabe augwali bidibo pąba pelama, me te Isip we dabe dagego bede bidibo, tama dagego we dabe sibigo te Isip we dabe sibi hanaluyu, tama te ugwa, me te meba gasa au ebo doado bage gol me silva tama, te nai dabe augwaligo dage mawaibao. Tama dagego te nai duga wai dabe tigide muaibao. Tama dagego te tebo kolesagade te Isip dabego doado bage tigidali siyu, selasa paibao,” Godigo Mosesbolo te po wai.

Aisaia 39:2

Hesekiago te bidi dabego po odolama, tialima megi da, agai te bidi dabeba te mone dabe, me te aga gasa nai dabe augwaliba ola mawai. Te agai mone mubo bede te tigidali silva me gol suali, te wiegi yai denami ebo pauda me sanda dabe, me te hwįbo nai tigidali, te gasa nai tigidali te aga bakstuade munolubo me, te ola mena silalio. Hesekiago te nai deli me dualubeo. Menio. Agai augwaliba te kingo moni be tomode elalubo nai tigidali ola mawai, me te aga tonalubo bulu tǫ kantri pedai tigidali ola mena silai dao.

Solomon 4:13

Nage te wiegi wiegi yai ni du dabe te wiegi yai gide elalubo tiwai da. Te ni mebade wiegi yai nai elalu, te meba nedu dude wiegi yai denami elalubao. Mebago te wiegi yai sanda nigiyu, te mebago naiba munama, pusu ilaibao. Mebago te tobage au dogia pabo nai dabe nigibadi, te mebago wiegi yai denami hano ilibo pauda nigaibao.

Esra 1:6

Tama gasa hani dabe te Israel pąde bidali bagego augwali tau siyu, tama augwaligo te silvago nigai dis genuai pou mayu, te gol me mayu, te nai me augwaliba mawai. Tama augwaligo gasa wiegi yai nai me mani, tama te Godigo bede ofa yabo hasa dabe me manio. Tama augwaligo te Israel dabeba te nai dabe sela pabo kibu donki dabe me manio.

Tuni Bidi Dabego Po Elalubo Buku Si 21:3

Jehosafat isisąbadi agai aga te ogomanibolo te gol dabe hauwa mu, me silva dabe, me te haniani nai te genuai monego abelali nai dabe me augwalibolo dobayali. Tama me agai augwali deli delibolo sę mani, te Juda bulude bomai obo elalubo taun tonalumai tagalali. Tiali goli Jehoram king pedelama agai pesage selama king nigilama bidimainu sa muani. Magi baso meni, Jehoram aga te agai gomunai ogwa dao.

Solomon 1:10

Nago tobolu niside gedelali au dobagego te nago gesabidi ula ilali. Tama nago magede domoani wiegi yai beli dabego te nago magede ula mu elalubao.