Tigidali Nai Gagalama Nigali Side 24:35 - Godigo dwagi yai po buku

³⁵ Yawego eno genuai bidibolo wiegi yai mobo menama, tama aga genuai bidi nigilali. Yawego agabolo nai hauwa mani, te e nai dabe dao, sipsip, meme, bulmakau, silva me gol, sę bidi me, sę ebo we me, kamel me donki, te tama doado bage hauwa mawai dao.

Tigidali Nai Gagalama Nigali Side 24:35 Referans Kwoze

Tigidali Nai Gagalama Nigali Side 24:1

Te Abraham te monu dabe mu yalio. Tama Yawego agai tigidali yali sęde te wiegi yai tau sabo sę eyu, tama Abraham bugagia mu bidali.

Bugagia Bidibo Kolesagade Po Asęai Buku 10:22

Te Genuai Bidigo digi dabolo te wiegi yai doado bage hauwa mayu, agai te doado bagego dabolo te sęgę momainu me ebo menio.

Godigo Nogi Ugwaba Sabo Tęąbi Po Wabo Buku Dabe 107:38

Genuai Bidigo te aga we bidi dabeba wiegi yai sę ela mani. Tama tiyu, augwa te wai hauwa ame neyu, tama agai te bulmakau dabe me hauwa pedalumainu ilalio.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Godigo Nogi Ugwaba Sabo Tęąbi Po Wabo Buku Dabe 18:35

Genuai Bidi, nago ena tonaluama, tama ena ma dobola sabo dao. Awe, nago dolo nogogo bomogo ena tau sabo dao. Nago ena tau selama, tama ena te we bidi dabego gedude genuai nogi elalubao.

Tigidali Nai Gagalama Nigali Side 25:11

Abraham isai digi, tama Godigo aga ogwa Aisak dali dwagi yai tau sabo sę yai. Aisak te wę ulu me deli pedalubo madi pąde bidali, te augwaligo nogi yali ‘Ena subo Bidibo Ula Elalubo Bidigo wę ulu.’

Tigidali Nai Gagalama Nigali Side 12:2

Te eno nago wąį hani dabe te genuai hani mu pedalumainu yaibao. Te eno nage dali dwagi yai sę mu yaibao. Eno te nago nogi genuai ilaibao. Tama gasa we bidi dabe augwaligo te tiwai po waibao, ‘Eno homugo te Godigo enabolo dwagi yai sę emainao, te agai Abram dali yali tiwai yao.’

2 Timoti 4:8

Nago koneani, te dago tigigo sę ebogo te tigibolo bomo mobaso, tebogo da tau sabo dwasianu usu ebo dao. Tiali goli Godigo kolesaga wali pabogo te da tau sabo te hauwa mu ebo dao. Te sę ebogo da megi te bugagia bidibo ula mabo dao, te nosali bidabo ula tau sabo me te usu yaibao.

Godigo Nogi Ugwaba Sabo Tęąbi Po Wabo Buku Dabe 112:3

Agai we wai augwaligo mone dali nai hauwa siyu, tama augwali bugagia sesemane sogo bidaibao.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Tigidali Nai Gagalama Nigali Side 49:25

Aga te naga ayago God, tama aga bomo mu tigidali elalubo. Eno homugo agai nage mobo mayu, tama nage tau sabo. Te mobo hauwa Josepba muaibao, te kulubage ugwadu tulubo, tama tǫ dologode wę pedalubo, te idago wai hauwa ame nabo mobo mobadi,

Tigidali Nai Gagalama Nigali Side 12:16

Tama te genuai tuni bidigo Sarai godolo mu elama, tama agai dwagi yai kolesaga Abrambolo yali. Tama agai Abrambolo te sipsip me, meme me, bulmakau me, moni kibu donki me, te hauwa mu mobadi, tama sę ebo bidi me, sę ebo we me, te moni kibu kamel me, te tama nai Abrambolo mani.

Bugagia Bidibo Kolesagade Po Asęai Buku 22:4

Te nago naga digi naga aiyaba elaluama, te Genuai Bidide wi eyu, aga dologode bidibaso da, teda nago mone hauwa, me doado bage, me genuai nogi elalu, tama nage te bugagia bidaibao.

Dwagi Yai Gesi Po Lukgo Asęani 12:45

Tialima, te sę ebo bidigo aga homude te tama homu yali, ‘Eno genuai bidi polobadu pai goli, gesege ebo’ olama, agai te gasa sę ebo bidi dabe me, gasa sę ebo we dabe me elu yali, tama agai nai hauwa tubadi, te bomai ąį me hauwa tuyu elama, te aga tobolu gęǫ elama, te esela pai bidi tiwai eyu, te tama sę idubadi da,

Tigidali Nai Gagalama Nigali Side 12:3

Te nage dali wiegi yai kolesaga ebo bidi dabe, augwalibolo te eno wiegi yai mobo augwaliba mayu yaibao. Te ena digi te nago nogi aiyaba muabo dwai po wabo bidi dabe te eno augwalide te dolabo po mu waibao. Tama tigidali tǫde bidalubo bidi hani dabe te nago hanide naga te wiegi yai mobo augwaligo saibao,” Yawego Abrambolo te po wai.

Tigidali Nai Gagalama Nigali Side 25:5

Abraham aga isabode, te aga nai me tigidali doado bage te Aisakbolo naga mena silai.

Tigidali Nai Gagalama Nigali Side 30:43

Tama tibaso, Jekopgo doado bage geninama, umabo mu elaluali. Agai te sipsip me meme hani genuai mu elaluali, tama sę ebo bidi me sę ebo we hauwa bidai, tama te kibu kamel dabe me donki dabe hauwa bidaluali.