Tigidali Nai Gagalama Nigali Side 24:22 - Godigo dwagi yai po buku

²² Te kamel dabego wę tula silibo si, tama Abrahamgo sę bidigo agai te ring gol te gasa sawi yai mu selama, tama te Rebekago guniba muanio. Tama agai te golgo nigai nogo mo si te Rebeka nogoba holali.

Tigidali Nai Gagalama Nigali Side 24:22 Referans Kwoze

Jeremaia 2:32

Dagego homugo te gesi wegigo aga au ebo wiegi yai au dobage gegeda pabo homu yaibawe? Te we dabego te augwa bidigo kębo sogo au yali wiegi yai au dobage gegeda pabo homu yaibawe? Menio. Augwaligo gegeda painu ebaso, usu mu me egobeo. Tiali goli, tega! Dage eno we bidigo enaba hauwa sogo homu kone gegeda paludu gebo dao, bidigo nedebaso, usu egobeo” wali.

Tigidali Nai Gagalama Nigali Side 24:47

Tama eno aga hanalu wali, ‘Nage dego wegi dawe?’ Tama agai te po wai, ‘Ena te Betuelgo wegi dao, aga te Nahor tego ogwa, aga ida Milka dao,’ te wegigo te po wai. Tama eno aga gunide te ring waliyu, te nogo side mo holiyu yai.

Esta 5:1

Estago osogo nai sela sogo gisilama bidai. Tama sela wabo side, agai te kwin tuni wego gudubo ugwa munama, tama tuni bidi kingo be obo tomoba pelama, dologi pali, te tuni bidigo genuai dąį togwali be habu pąde teba dologi pelama, tama te tuni bidi dulalubo saiba tonono yali. Tuni bidi te saide dulalu, tama sunumiba tonono yai.

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

1 Pita 3:3

Tama dage we dabe sibi, dagego duga tigide bulu badu eda badu au ebo sę tede te moni homu egimio. Tama tiyu, duga tobolu nisi dali haniani sę eyu au egio. Te wiegi yai kapa nogi gol tego nigali tigi au yabo nai dali, te wiegi yai bobobage ugwa dabe dali, te tobage naigo duga tigi au eyu tama gasa we bidigo suyu, dage wiegi yai au yai we dao te po omainogo munamuo. Te meni.

Tigidali Nai Gagalama Nigali Side 24:10

Tama sę ebo bidigo te Abrahamgo te nogo si kibu kamel me te maiabo wiegi yai nai hauwa sali. Tama agai te tigidali doado bage sisi ilama, tama te Nahor bidibo bulu te Mesopotemia teba palio.

Tigidali Nai Gagalama Nigali Side 24:23

Tama agai te po wai, “Ae, nago enabolo walao. Nage te dego wegi dawe? Tama magi yaliwe? Te nago ayago be habu te usu yabo elalubawe, te ena eno hani dali bidabo madi te po obao.”

Tigidali Nai Gagalama Nigali Side 24:53

Tama tilama, nosali aga te haniani au dobage te silva me gol me, te gasa sawi yai gudubo ugwa me sobadi elama, te Rebekabolo mawai. Agai te haniani gasagi yai sawi yai dila pai nai dabe te Rebeka aga abebolo mobadi, te aga idabolo me mayu yai.

Jeremaia 32:9

Tama te tǫ eno abelali. Eno te tǫ abelibo bomo yai po kontrak asęnama, te eno haluama, tama tede eno dąį ilali, te bidi mebago gedude muai. Tama eno te silva bidi sese nogo si 200 gram sęgę yai silva usu nama, tedali dagalama, eno te Hananelbolo mawai, te tǫ pedai mone usu nama mawai dao.

Jopgo Po Asęani Elalubo Buku 28:1

Te Jopgo po ma weyu, te po wali, “Te bidi dabego tǫ aiyanu mu dogobo dao, te silva dali, gol dali si sainu tibo dao. Tama augwaligo te gol dali, silva dali si ulabo madi geselebo dao, te dwai pobelebage sela sąnama, dwagi yai mu emainu.