Tigidali Nai Gagalama Nigali Side 24:16 - Godigo dwagi yai po buku

¹⁶ Te wegi ogwa we te gasa sawi yai mu tonani, tama aga te bidi dali me pisąwai. Tialima, aga te wę ulu tugi soyu, aiyaba dulama, tama edaba ma holalio.

Tigidali Nai Gagalama Nigali Side 24:16 Referans Kwoze

Tigidali Nai Gagalama Nigali Side 26:7

Tama te bulu bidi dabego te aga we po agabolo hanalubo sogo agai te tiwai po wali, “Aga te ena abe dao.” Aga wi ebaso, tama agai te po me wabe, “Aga te eno we da,” wabeo. Aisak wi elama, tama tiwai homu yali tiyu, te bidi dabego Rebeka sainu te aga ela muidali homu yali. Magi baso meni, Rebeka te gasagi yai sawi yai we bidai.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Tigidali Nai Gagalama Nigali Side 39:6

Tialima, Potifargo te agai doado bage tigidali tonalumainu Josep te tonalubo bidi nigilali. Tama aga digi te magi nai me deli tede te agai homu me ebeo. Menio. Agai te aga tubo naide naga homu yali. Tialima, Josepgo tigi te wiegi yai mu elama, tama gasagi yai sawi yai bidi mu pedelali.

Tigidali Nai Gagalama Nigali Side 4:1

Adam aga we dali pilama, tama we haliga yai. Tama wego ogwa me deli ame nenama, tama agai te po wai, “Yawego ena tau selama, tama eno ogwa salio.” Tama tibaso, agai te ogwa nogi Kein poai.

Tigidali Nai Gagalama Nigali Side 12:11

Tama Abram te pelama, te Isip pąba sabalubo sogo, te aga we Saraibolo tama po wai. Agai te po wali, “Odao, eno koneani, nage te gasa sawi yai we mu dao.

Tigidali Nai Gagalama Nigali Side 29:17

Te gomunai wegi Leago gesabidi te wiegi yai mu meni, tiali goli te tomo wegi Resel te gesabi sawi yai mu bidai.