Tigidali Nai Gagalama Nigali Side 24:15 - Godigo dwagi yai po buku

¹⁵ Sę bidigo te tiwai gedu haluasa po odubadi, tama Rebeka sabolalio. Agai te wę sabo botol aga nagede tolasa asali. Rebeka te Betuelgo wegi dao. Tama Betuel te Milkago ogwa dao, aga te Nahor tego we, te Abrahamgo ama dao.

Tigidali Nai Gagalama Nigali Side 24:15 Referans Kwoze

Tigidali Nai Gagalama Nigali Side 11:29

Tama Abramgo te we nogi Sarai sali, tama Nahorgo te Harango wegi Milka sai. Haran te gasa wegi Iskago aya me dao.

Aisaia 65:24

Te augwa godolo homu eyu, te sabo homu ebo nai po te enaba gedu haluasa po weyu, hanalusiąbadi, te eno augwaligo hanalubode wei ponaibao. Te augwa gedu haluasa po wabo sogo da, teda eno te nai dabe augwaliba mawaibao.

Tigidali Nai Gagalama Nigali Side 24:45

Eno gedu haluasa po udubadi, tama Rebeka sabolali. Agai te wę tubo botol te aga nagede tolasa, tama aga te wę ulu tugi soyu, aiyaba dulalio. Tama agabolo eno te po wali, ‘Ae, nago węgo enanu dwasianu menama, ena tuaio,’ te po wali.”

Aisaia 58:9

Te dagego enaba gedu haluasa po weyu, i wabo sogo, te ena Genuai Bidi, eno te dagego gedu haluasa po wabo odoyu, tau saibao. Te ena dage dali bidibo, dagego koneaibao. Te dagego gasa bage dabe aiyaba elaluama, te augwaliba nogo tų eyu, po dwai wabo tagalama,

Godigo Nogi Ugwaba Sabo Tęąbi Po Wabo Buku Dabe 65:2

Nago dago gedu haluasa po wabo odobo dao. Tama tibaso, da tigidali we bidi te nageba asobao.

Godigo Nogi Ugwaba Sabo Tęąbi Po Wabo Buku Dabe 34:15

Genuai Bidigo te doloba pai bidi dabe tonalubao, tama agai te augwaligo usu da weyu, gedu haluasa po wabo odobo dao.

Ma Dobola Sali 2:16

Tama te Midian tǫde pris bidi me deli digi bidai, tama agai nogi si, te Ruel, me Jetro. Tama te bidi agai wegi a naga olama me badu nogo si bidai. Tama Moses te ąį ulu tǫ dedagedu asobo digi pąde dulaluai, tama te bidigo wegi dabe te augwa ayago kibu sipsip meme dabe maiabo ąį tuagasu asai.

Rutgo Po Elalubo Buku 2:17

Tama Rut agai te bali sisini pidubadi, tama be pio elama, sia ge iba dulai. Agai te bali dabe sisina silama, tama te bali dabe aga dono wąbigo elama, tama te nai aga ge naga sai. Te naigo sęgę te nogo si, te 10 kilo tiwai dao.

Rutgo Po Elalubo Buku 2:2

Tialima, megi da, Rut te Moap tǫ we agai Naomibolo te po wai, “Ena te gi dabe meba teba pelama, tama te bidi dabego togolama tagalai elalubo bali te sisinigi paio. Tama te gide sę ebo bidi dabego te po usu da obaso da, teda ena augwali wali pelama, te nai ge bali sisinigi paibao,” wali. Tama Naomigo po wei ponoyu, te po wai, “Te usu da, auwa. Nage pagameo.”

Tigidali Nai Gagalama Nigali Side 29:9

Jekopgo te kibu tonalubo bidi dabe dali po midubadi, tama Resel te aga ayago kibu sipsip hani kegasa asobo suali, magi baso meni, te agai augwali tonalubo sę yai.

Tigidali Nai Gagalama Nigali Side 24:24

Tama Rebekago te tiwai po wei ponani, “Ena te Betuelgo wegi da, aga te Nahor me Milka te bidi de we sigo ogwa dao.

Tigidali Nai Gagalama Nigali Side 11:27

Te e da te Terago hani wai dabe dao. Tera te Abram, me Nahor, me Haran, te augwaligo aya da. Tama Haran te bidi Lotgo aya da,

Bugagia Bidibo Kolesagade Po Asęai Buku 31:27

Te aga bede doado bage dali, sę ebo dali si tonalubo sogo, aga hagela me egobeo. Menio. Agai sę bomo eyu, tama wiegi yai sę ebo dao.

Tigidali Nai Gagalama Nigali Side 21:14

Do kigamu mu te Abrahamgo te nai dali, te wę botol dali sisi elama, tama Hagarbolo mani. Abrahamgo te nai dabe te Hagar nageba anugulama, tama aga dali aga ogwa dali si ibaba olo tagala palali, gasaba. Tialima, Hagar palima, te Berseba tǫ pedai badu subigila te bidi bidisiąwai madi biliduai.

Tigidali Nai Gagalama Nigali Side 24:14

Te eno wegi ogwa me deli dali te tiwai po waibao, ‘Ae, nago genuai botol aiyaba munama, te ena wę dwasianu tuaio,’ po waibao. Tama agai te po olama, ‘Nage te wę tuao, tama te eno nago kamel dabe me te wę mawaibao,’ tama obaso da, teda eno homugo nago sę bidi Aisakgo sabo we te tama da po waibao. Tama te tiwai pedalubaso da, teda eno koneyu, nago te eno genuai bidi dali dąų wali tau sabo po te mu tama usu nubao po waibao,” te tiwai gedu haluasa po wai.

Tigidali Nai Gagalama Nigali Side 25:20

Aisakgo te Rebeka sali sogo te aga kibu be bidi sese si 40 elaluai. Rebeka te Betuelgo wegi da, aga te Aram bulu bidi me deli, te Mesopotemia pedai badu elaluai. Tama Rebeka te Labango abe, aga te Aram bidi me deli dao.

Tigidali Nai Gagalama Nigali Side 29:5

Tialima, agai augwalibolo hanalu wali, “Dagego te Laban, te Nahor tego wąį ogwa koneaniwe?” Tama augwaligo te po wai, “Awe, dago aga koneanio.”