Tigidali Nai Gagalama Nigali Side 24:14 - Godigo dwagi yai po buku

¹⁴ Te eno wegi ogwa me deli dali te tiwai po waibao, ‘Ae, nago genuai botol aiyaba munama, te ena wę dwasianu tuaio,’ po waibao. Tama agai te po olama, ‘Nage te wę tuao, tama te eno nago kamel dabe me te wę mawaibao,’ tama obaso da, teda eno homugo nago sę bidi Aisakgo sabo we te tama da po waibao. Tama te tiwai pedalubaso da, teda eno koneyu, nago te eno genuai bidi dali dąų wali tau sabo po te mu tama usu nubao po waibao,” te tiwai gedu haluasa po wai.

Tigidali Nai Gagalama Nigali Side 24:14 Referans Kwoze

Te Israel Tobolu Bidi Dabe 6:37

Tialima, eno te kibu sipsipgo tigi nisi meba te tǫba muaibao, te dago te wit haluyu agabo madi te tama tiaibao. Te kigamu te wę segeni naga te sipsip niside elalu, tama te tǫde wę segeni me elalusiąbaso da, teda eno mu koneama, te nago homugo eno te Israel dabe tau somainu te tiwai po nago wali gilama te sę yali te homu yaibao.” Gideongo Godibolo te po wai.

Te Israel Tobolu Bidi Dabe 6:17

Tialima, Gideongo te tiwai po wei ponai, “Te ena nago gedude dwagi yai bidi da omainogo da, nago enabolo te eno koneabo dąį me deli ilibaso, teda eno koneama, te nage Genuai Bidigo digi te ena dali po miani, te eno koneaibao.

Tigidali Nai Gagalama Nigali Side 15:8

Tiali goli, Abramgo te po wai, “Te Yaweo, eno Genuai Bidi, te mena tama eno koneama, te e tǫ te eno tǫ dao po wagowe? Nago magi ilama, tama eno te tiwai koneaibawe?”

Aisaia 7:11

Agai Aisaiabolo te Ahasbolo te po wao po wali, “God naga Genuai Bidibolo hanalu wao, te nagebolo bidigo gedugo susiąwai bomai sę me ola momainu. Nago agabolo mena tama bomai sę, me nago suabo homu ebo sę me, nago agabolo hanalu wao. Ma, nago te bomo yai sę te bidi gų pagede suabo homu ebaso me, o ma nago dagalude bomai sę pedalobo suabo homu ebaso, o ma menade me naga homugo godolo me ebo digi te tobage sę suabo homu ebaso da, nago Godibolo hanalu wao, tama Godigo nage ola mawaibao,” wali.

Bugagia Bidibo Kolesagade Po Asęai Buku 19:14

Te aya idago te be, me mone, te doado bage dabolo mawaibao. Tiali goli, God deligo agai te dabolo wiegi yai homu kolesaga elalubo we da mawaibao.

2 Samuel 5:24

“Tama dagego te ni dabe ugwadu daide te hauwa bidi bilibo kilikili wabo tiwai odaibao. Tialima, dagego koneama, ena digi ena te dage Filistia dabe dali hwįgi pabodu te ena polasa paibao. Dagego te tiwai sę ebo po odobo si da, teda dage udayu, te augwaliba hwįgi piąo,” wali.

Te Israel Tobolu Bidi Dabe 18:5

Augwaligo agabolo te po walali, “Dago homugo te nago da e bilagasali sę po te Godiba hanalu omainu obao. Te wiegi yai dawe, ma meniwe?”

Polgo Po Pas Rom Dabeba Asęani 1:10

Tama sesemane sogo eno agabolo gedu haluasa po weyu, eno te tiwai hanalubo dao, “Hauwa sogo augwali pageba pabo tų elalusiąbadi ena tonaluali goli, megi nago usu da olama, te ena pabo tų nigilama, ena augwaliba pomainao,” te po wabo dao.

2 Samuel 20:9

Tama Joapgo te tama po Amasa dali wali, “Siade da, ama, nage bugagia bidibawe?” Tama aga Amasago penane nisi te dolo nogogo tola selama, tama agai te aga dali nono nainogo ebo tiwai gilama yalio.

1 Samuel 20:7

Nago te kingba po walama, tama agai te po weyu, ‘Wiegi yai da,’ obaso da, teda nago koneani, te ena bugagia bidimainu ebao. Tiali goli, te aga haliga sębę ebaso da, teda nago koneao, te agai enade dwai sę yabo homu eyu tebao.

Tigidali Nai Gagalama Nigali Side 24:44

Tama agai te po wabosi, “Nage tuao,” olama, “tama eno nago kamel dabe me wę mawaibao,” obaso da, teda eno homugo te we naga te nago sa muani we dao, te eno genuai bidigo ogwago we da homu yaibao.’

Tigidali Nai Gagalama Nigali Side 24:13

Ena e ulu ąį tubo pąde bidibadi, tama e bulu page wegi mani te augwali asama, wę tuagasaibao.

Tigidali Nai Gagalama Nigali Side 24:15

Sę bidigo te tiwai gedu haluasa po odubadi, tama Rebeka sabolalio. Agai te wę sabo botol aga nagede tolasa asali. Rebeka te Betuelgo wegi dao. Tama Betuel te Milkago ogwa dao, aga te Nahor tego we, te Abrahamgo ama dao.

Tigidali Nai Gagalama Nigali Side 24:18

Tama Rebekago te po wai, “Genuai bidi, nage tuao.” Tama polo agai te botol wę aiyaba mugulama, tama nogogo tolalubadi, tama aga tumainu yalio.

Tigidali Nai Gagalama Nigali Side 24:19

Agai te wę tula silibo si, tama Rebekago po ma wai, “Te eno nago kamel dabe me wę menama, te augwali tulama, usu elama, pągąmainu yaibao,” wali.

Tigidali Nai Gagalama Nigali Side 24:43

‘Megi ena te wę ulu tubo pąde bidibao. Tama te wegi ogwa we me deli te wę tuagasu asobode, teda eno te tiwai po agabolo waibao, “Ae, nago te botolde wę enanu dwasianu menama, ena tuaio.”