Tigidali Nai Gagalama Nigali Side 23:7 - Godigo dwagi yai po buku

⁷ Tama Abraham dolalu, tama aga tobolu te bulu page we bidi gesabiba aga tobolu aiyaba basi gulai.

Tigidali Nai Gagalama Nigali Side 23:7 Referans Kwoze

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

Hibru 12:14

Dage deli deligo te tigidali bidi dali te homu nagamea pabo kolesaga wali pabo sę bomo elama yao. Tama dagego te Godiba homugo kęą peyu, te dwai sę me isąwai kolesaga me wali pabo sę bomo elama yao. Magi baso meni. Te bidigo te tobage kolesaga meni yani da, teda agai dago Genuai Bidi me sugobeo.

Bugagia Bidibo Kolesagade Po Asęai Buku 18:24

Te abagi hauwa elalubo bidi da, te aga dolaibao. Tiali goli, te bidi mebago te gasagi yai abagi mu elalu, tama te abagigo augwali dali te bugagia mu kęą pelama, te deli haliga mu yaibao. Te abagigo ebo kolesagago te ama nami augwa si tomode ebo kolesaga te aiyaba elalubo dao.

Tigidali Nai Gagalama Nigali Side 19:1

Te bidi Lot te we bidi sisinibo pesagede te Sodom hanu genuai sunumi elalubo madigi bididuai, tama piode te mobo bidi ensel si teba pedelai. Lotgo te bidi si asobo sulama, tama aga hogodama, augwali si pąba pai. Aga te bogoli sugunu pogiluama, tama aga gesabidi te tǫba mu pogulama,

Tigidali Nai Gagalama Nigali Side 18:2

Agai tonono pobadi, tama bidi sela dolalubo suali. Agai augwali sulama, tama aga ugwa be tagalama, tama udada pelama, augwali pageba sabolali. Aga kidu sugunu gulama, tama aga gesabi te tǫba mu pogiluama,

Tigidali Nai Gagalama Nigali Side 10:15

Saidon aga te Kenango gomunai ogwa da. Kenan te Hit bidi dabego aya me da,

Tigidali Nai Gagalama Nigali Side 23:6

“Woo, genuai bidio, nago dago po odao. Nage te da tomode bidibo genuai tobolu bidi deli dao. Nago we te dago wiegi yai gų pagede pubulao,” wali. “Te da me deli te dago te nago we pubulainu te gų page sainu ebaso, te dago me yogo eyu, dąų me wagobeo. Menio.” Te po wai.

Tigidali Nai Gagalama Nigali Side 23:8

Tama agai te po wai, “Te dagego eno we te badu pubula po weyu, usu da po obaso da, teda dagego te bidi mebolo waiąo, Efron te Sohargo ogwabolo hanalu wao.

Tigidali Nai Gagalama Nigali Side 23:12

Tama Abrahamgo aga tobolu te bulu page we bidi augwaliba basi gulai.

Tigidali Nai Gagalama Nigali Side 48:12

Tama Josepgo te aga ogwa si te Jekopgo sągą pagede bidali te ma dobola siyu, tama agai Jekop gedude te agai gesabidi te tǫba basi gulali.