Tigidali Nai Gagalama Nigali Side 23:2 - Godigo dwagi yai po buku

² tama aga te Kiriat Arba, te gasa nogi Hebron, te Kenan pedai badu tede isai. Tama Abrahamgo te Sarade homu dene mu ebaso, aga tigi osogo muani madiba hogonigi peyu, tama agai aga we hagede gela wai.

Tigidali Nai Gagalama Nigali Side 23:2 Referans Kwoze

Tigidali Nai Gagalama Nigali Side 23:19

Nosali Abrahamgo aga we Sara te ola be gų page te Makpela tǫde pubulai dao. Te tǫ bulu Mamre pąde dao, te augwaligo megi gasa nogi wabo Hebron, te Kenan tǫ pedai badu tomode elalubao.

Tigidali Nai Gagalama Nigali Side 13:18

Tama tibaso, Abramgo aga ugwa be dabe gudulama, tama te bidali bulu tagalama, tama pidubadi geanima, tama aga pelama, te nosali te Hebron buluba bidigi pali, tama aga bidabo pesage te bidi Mamrego genuai ni dabe elalubo pąde te pesage nigali. Tama aga ugwa be dabe tede dodolama muyu, tama agai te Yawebolo lotu po wabo alta te bulude nigali.

Tuni Bidi Dabego Po Elalubo Buku Deli 6:57

Te Israel augwaligo te taun Hebron me taun Jatir te hanu si te Arongo hani dabeba mawai. Hebron taun te Israel dabego te gasa bidi ela muani bidi wi pelama geme duala sigi pabo taun da olama dąį ilali. Tama augwaligo te gasa taun dabe me te Aron hani dabeba mawai. Te taun nogi dabe e tama da, Lipna, me Estemoa,

Te Israel Tobolu Bidi Dabe 1:10

Tama nosali ma augwali pelama, te Hebronde bidibo Kenan bidi dabe dali hwįgi pali. Te bulu Hebron te polobadu augwaligo te hanu nogi Kiriat Arba nogi yai. Tama Juda dabego te Sesai bulu bidi me, te Ahiman bulu me, te Talmai bulu bidi, te augwali aiyaba elaluai dao.

Godigo Sęba Tagala Palai Bidigo Po 8:2

Tama Jisas wali bugagia pabo bidi me badu augwaligo moni homu dene mu elama, diligi aselama, moni gela olama, Stiven pubaligi pali.

Dwagi Yai Gesi Po Jongo Asęani 11:35

Jisas gela wai.

Jeremaia 22:18

Te pagede naga tama Genuai Bidigo homude te Jehoiakim kone palali, te Josaiago ogwa, te Juda king bidai. Tama Genuai Bidigo te tama po wali, “Te Jehoiakim isibaso da, teda te we bidi dabego agade te homu dene ebo gela me wagobeo, te po weyu, ‘Hobede mu ebao, eno amao,’ te ‘Hobede mu ebao, eno abeo,’ te wagobeo. Te augwa homu dene ebo gela weyu, te po me wagobeo, ‘Te eno genuai bidi hobede mu ebao,’ ‘Te dago king homu dene mu ebao,’ po me wagobeo.

Jeremaia 22:10

Dage Juda, te king Josaia isalio, tiali goli dagego agade hobede ebo gela wagimio. Te dagego aga ogwa Joahasde dwai gela obaso, te usu yaibao. Magi baso meni, Joahasgo da tagalalio, te aga page buluba ma begasa me asogobe dao.

Tuni Bidi Dabego Po Elalubo Buku Si 35:25

Tama profet Jeremaiago Josaiade hobede tęąbi po me deli asęani. Tialima megi me te tęąbi po wabo we bidigo te hobede tęąbi po me wabo dao, te king Josaia kone paliyu yabo. Tama te hobede ebo sogo tigidali sogo te Israel dabe augwaligo te hobedai tęąbi po wabo dao. Te hobedai tęąbi po te hobedai tęąbi dabe elalubo bukude te elalubao.

2 Samuel 5:5

Devit te Hebronde king bidibadi, te kibu be 7 olama, te polua nogo a naga olama, me deli tede bidali. Tama aga te Jerusalemde king bidali kibu be te 33 kibu be tama te Israel me Juda dabe dali tonalubo king bidi bidai dao.

2 Samuel 5:3

Tama nosali, te tigidali Israel polalubo tobolu bidi dabe aselama, te king Devit bidibo madi te Hebronba sisinagasali. Tama agai te God gedude te bomai po me deli augwali dali dąų wali. Tama augwaligo aga toboluba te wel gelama, te aga Israel king pedalumainu sa muyu nigilali.

2 Samuel 2:11

tama aga te augwa king nigilama bidali. Tama aga te Hebron taunde bidali kibu be te 7, te polua a naga, me badu nogo kibisa deli, te tama sogo bidalio.

2 Samuel 1:17

Devitgo te homu dene ebo balia po te Sol de aga ogwa Jonatan side wai dao.

2 Samuel 1:12

Augwaligo te Sol, me Jonatan, me te gasa Israel dabede homu kone paliyu tiali, te augwali Genuai Bidigo hani bage da homu elama, tama augwa te augwalide homu dene ebo gela weyu, tama nai habu selalubadi, te giliga dega sigulali. Magi baso meni, te hwįani madigi te bidi hauwa isai.

1 Samuel 28:3

Polobadu te Samuel isibaso, tama tigidali Israel te agade gela olama, tama augwaligo aga te Ramade pubulali, te aga taunde digi. Tama te sogo Solgo te tigidali bidi me we te isali bidi dabe noma bidi dali po mibo we bidi augwali ela gudulali. Tama agai te bidi dabe te Israelde bidimainu me ebeo.

1 Samuel 20:31

Magi baso meni, te bidi bidibo sogo digi, nago te tǫ pedaide king bidi me pedalugobeo. Tama tiyu, nago te bidi polo tagala palama, te aga selasa asao, te eno aga ela muaibao,” wali.

Josua 20:7

Tama po obaso, te we bidi augwaligo te Kedes hanu te Galili badu, te Naptaligo bulu du elalubo badu dąį ilali, tama te Efraimgo bulu du badu te Sekem hanu dąį ilibadi, tama te hanu Kiriat Arba, te gasa nogi Hebron tama, te Judago bulu du badu elaluai.

Josua 10:39

Augwaligo te hanu dali, te tuni bidi me siyu, tama te gasa pąde elalubo dwasianu hanu dabe me sai. Augwaligo tede bidali bidi dabe tigidali ela muai. Josuago te dedeli kolesaga tiwai naga te Debir hanude bidibo bidi dabebolo me te tuni bidi dali tiali, agai te Hebronde me te Lipna hanu side te augwa tuni bidi dabe dali yali kolesaga tiwai naga yai dao.

Bomai Po 34:8

Te Moses polo isai digi Israel dabe augwali te Moap dabego te malu bulude bidiyu, augwali gela udubadi, 30 be bubuga usu nani.

Israel Hanigo Namba 20:29

Tama augwali sigo tigidali we bidibolo e tama po wali, “Aron polo isalio,” po wali. Tama augwali sese agade gela odubadi, polua deli usu nani.

Israel Hanigo Namba 13:22

Hasia augwali te distrik Negev sabolama, tama augwali te hanu Hebronba pali. Te Ahiman de Sesai, me Talmai hani, te Hebronde bidali. Augwali te hani sela te augwaligo wąį te Anak hani dao. Te hanu Hebron te gasa bidi hanigo bolo hasia nigai, tama te kibu be a naga olama si nosali te Isip hanigo te hanu Soan nigai dao.

Tigidali Nai Gagalama Nigali Side 50:10

Augwali tama pelama, tama te wit penibo pesage te Jordan ąį u badu, te augwali Atat teba pedelali sogo, augwaligo te bobage sesabi ebo gela genuai te bidi pubalubo gela tiwai wali. Tama Josepgo te homu dene ebo kolesaga elama, tama aga gela udubadi, te a naga olama, me badu nogo si sogo bidali.

Tigidali Nai Gagalama Nigali Side 27:41

Isogo homugo te ayago te dwagi yai sę pedelabo po te Jekop te bolo mani, te agai homude wado ebo homu dwai mu te Jekop dali yai. Tialima, Isogo e tama homu elama, te po wai, “Te pąde dwasianu sogo naga te aya isibaso, tama dago aga homu dene yaibao. Te homu dene yali sogo sia sabo si da, teda eno te Jekop ela muaibao.” Isogo te tama homu elalualio.

Tigidali Nai Gagalama Nigali Side 23:1

Te Sarago kibu be te 127 kibu be bidama,

Tigidali Nai Gagalama Nigali Side 24:67

Tama Aisakgo Rebeka te aga ugwa beba odasa pelama, tama agai aga salio. Aisakgo te Rebeka godolo mu elama, tama aga homu wiegi yai ma yali. Polobadu te aga ida isibaso, tama aga homu dene eyu, homu sęgę elaluai dao.

Tigidali Nai Gagalama Nigali Side 35:27

Jekop te aga aya Aisak bidibo digi, te moni ni sili nogi Mamre, teba sabolali. Te bidi mebago te bulu nogi te Kiriat Arba nogiyu, tama nosali te gasa nogi me elaluali, te Hebron nogi yali. Te bulu te Abraham me Aisak te polobadu bidai bulu dao.

Tigidali Nai Gagalama Nigali Side 37:14

Tama ayago te po wali, “Nage te naga ama dede bidiboba pelama, tama augwali sugi pao, te augwali bugagia bidibowe, ma meniwe? Tama nago te sipsip dabe me suyu, te augwali usu elalubowe, ma meniwe? Te augwali sulama, teda nage ma ena bidibo madi asiyu, tama enabolo wagameo,” wali. Te aga aya Jekop te Hebron hanu odogo tǫde bidiyu, tama te Josep tagala palali. Josep digibulu pelama, tama te Sekem tǫba sabolama,

Josua 15:13

Polobadu Genuai Bidigo te Josuabolo po mayu, te augwaligo Juda dabego hanu tǫ me deli te Kalepbolo mao po wali, te Jefunego ogwabolo. Tialima, Josuago tama tiali. Tama te tǫ pedai Hebron, te Arbago hanu, te Anakgo aya dao.

Josua 15:54

Humta, Kiriat Arba, te gasa nogi Hebron wabo, tama Sior, te tama hanu elaluali. Te 9 hanu dabe, me te augwali pąde elalubo dwasianu bulu dabe dali, te Juda dabego elaluali.

Josua 21:11

Tama augwaligo te hanu Kiriat Arba, te gasa nogi me Hebron elaluali, te augwaliba mani. Tama te polobadu bidali bidi Arba te Anakgo aya dao. Kiriat Arba te bulu du te Judago bulu badu elaluali. Augwaligo te Kohat dabebolo te hanu, me te pąde elaluali tǫ dali, te tama te bulmakau dabego tuabo wiegi yai nosai elaluali dali, te augwalibolo mani.

Nehemia 11:25

Te we bidi hauwa te augwa taun tǫ pąde bidaluai. Te Juda hani bidi meba te taun selade bidali, Kiriat Arba, me Dibon, me Jekapsel, tama te taun pąde elalubo bulu dabede bidalio.

Tigidali Nai Gagalama Nigali Side 50:1

Josep aga aya bauba pigiluama, tama aga gela olama, tama agai aga gesabidide nono nani.

1 Samuel 25:1

Nosali Samuel isibaso, tama tigidali Israel we bidi sisinagaselama, tama agade gela wali. Tama augwaligo aga te Ramade te aga be pąde pubulali. Nosali te Samuel isai madide, Devit te aga bidi dabe dali te tǫ wa pai Paran buluba bidigi pai.