Tigidali Nai Gagalama Nigali Side 23:13 - Godigo dwagi yai po buku

¹³ Tama augwaligo odali, agai Efronbolo te tiwai po wai, “Nago po wali dao. Teda eno te tǫ pedai tigidali abelaibao. Nago eno mone sao, tama eno ena we te tǫde pubulaibao,” wali.

Tigidali Nai Gagalama Nigali Side 23:13 Referans Kwoze

Hibru 13:5

Dagego te monede pesą eyu godolo ebo kolesaga wali me pigio. Te dagego tolalubo naide te dagego e tiwai homu yao, “Te wiegi yai dao. Te ena usu yaibao.” Magi baso meni, Godigo digi te po walio, “Te ena nage munu me tagalogobeo. Te eno nage tudiba munu me mugobeo.”

Kolosi 4:5

Dage te Godigo obo tomoba asisąwai we bidi dali bidibadi, dagego homugo kone palama tama bugagia bilao, subigila meni. Augwalibolo Godigo po pusubo sunumi dabaso da, teda augwalibolo pusao.

Polgo Po Pas Rom Dabeba Asęani 13:8

Dagego bidi me delibolo negeli elalubaso da, te negeli polo wei ponao. Te negeli tigidali bugagia wei ponao. Tiali goli te negeli me deli dage tigidali deli deligo sesemane sogo me elaluaibao, siligobeo: te da te ama dede dabebolo dwagi yai homu eyu godolo mu yabo negeli elalubao. Magi baso meni, te bidi me deligo te gasa bidi dwagi yai homu eyu godolo ebo bidigo agai te kolesaga ebogo bomai po wali mu peduai dao, te aga te bomai pogo usu niba kadu wai dao.

Godigo Sęba Tagala Palai Bidigo Po 20:35

Tubo nai sabo sę ebo kolesaga eno dagebolo ola manio. Dago te sę bomo elama, te gasi yai we bidi tigidali sogo tau sogųǫ. Te tobage sę ebo kolesaga polobadu Jisasgo dabolo ola mawai dao, te po wai, ‘Bidi mego gasa bidi nai olo mabo, te agai moni bugai homu ebo. Te nai sabo bidigo agai dwagi yai homugo te tau sabo bidi aiyaba elalubeo.’ Tama dagego Genuai Bidi Jisasgo te wali po deli naga konealuao, homugo tagalamuo,” Pol agai te po wai.

2 Samuel 24:24

Tiali goli, kingo agaba te tama po wai, “Te eno ena digi te sę dene isiąwai nai te eno olo selama, te Genuai Bidiba te ofa tiwai eyu magobeo. Tama tibaso, eno nago te doado bage abelaibao,” wali. Tialima, Devitgo te tǫ pedai me, te bulmakau dabe dali, te silva mone bidi sese te 500 kinago abelali.

Tigidali Nai Gagalama Nigali Side 23:12

Tama Abrahamgo aga tobolu te bulu page we bidi augwaliba basi gulai.

Tigidali Nai Gagalama Nigali Side 23:14

Tama Efrongo te tiwai po Abrahambolo wei ponani,

Tigidali Nai Gagalama Nigali Side 33:19

Tama agai te tǫ te Hamor hani bage dali mu abelali, te Hamor Sekem aga aya da. Te tǫ abelali mone te 100 silva masigi tamago abelai.