Tigidali Nai Gagalama Nigali Side 23:11 - Godigo dwagi yai po buku

¹¹ “Mu menio, genuai bidi. Eno po odao. Te eno te tǫ pedai tigidali me, te ola be gų page dali elalubo, te eno nage olo mu mawaibao,” po wai. “Te ena hani gedude te megi eno nagebolo menama, te nago we tede pubulagameo.” Te po wai.

Tigidali Nai Gagalama Nigali Side 23:11 Referans Kwoze

Dwagi Yai Gesi Po Lukgo Asęani 19:24

“Tama te genuai bidigo tede dolalubo bagebolo te po wai, ‘Te ni yabe nogo si masigi selama, te u bidi mao, te masigi bidi sese a naga 200 kina sali bidibolo mao,’ wali

Aisaia 32:8

Tiali goli, bidi wiegi yai dabe augwali genuai nogi elaluaibao. Te tigidali sogo augwaligo doloba pai kolesaga naga ebo dao, tama augwaligo wiegi yai kolesaga naga yabo homu bomo ebo dao.

Rutgo Po Elalubo Buku 4:11

Tama tigidali bidigo te po wai, “Awe, dago sulama, tama dago koneanio.” Tama tobolu bidi dabego te po wai, “Te we megi nago beba asobo we, dago homugo Genuai Bidigo agabolo wiegi yai sę emainogo, tama aga te Resel de Lea si tiwai pedalomainogo, te Israel dabego wai hauwa ame nani we, augwaligo auwa we si dao. Tama naga digi nage te nai hauwa elalubo genuai bidi nigilama, te Efratago hanide te Juda hani me dedeli, tama naga genuai nogi Betlehem hanude bidagameo.

Rutgo Po Elalubo Buku 4:9

Te bidigo sągą nadoba pedelama, Boasbolo mabode, tama Boasgo te tobolu bidi dabebolo, me te we bidi augwalibolo te tiwai po wali, “Dage tigidaligo suao. Hasia Naomigo te Elimelek badi, Kilion me Malon, augwaligo nai tigidali te Naomigo tonalualio. Tiali goli, megi te nai tigidali sabo sę eno yai dao.

Rutgo Po Elalubo Buku 4:4

Tama eno te po nagebolo wainogo ebao. Ma, nago te homu ebaso da, teda nago te we Naomi tau siyu, tama te tǫ te tobolu bidi dabe dali te megi e bidalubo bidi gedude te tǫ nago ma dobola siyu, abelao. Te tǫ ma dobola sabo sęde, te nage tobolu bidi dao, te ena da te tudi badu bidi dao. Ma, nage sogobe da homu eyu da, teda nago enabolo te po wao.” Boasgo te po wali. Te bidigo te po wai, “Te eno saibao,” wali.

Rutgo Po Elalubo Buku 4:1

Tialima, Boas te hanuba pelama, te po mibo madi pali, tama aga tede dulaluali. Tama gesege gana isiąbadi, te sogo agai suali, te gasa bidi me te Elimelek aga deli hani asobo sualio. Tama Boasgo aga i olama, “Ae, ama, nage aselama, eba duayagasao. Eno dwasianu po elalubao.”

Bomai Po 19:15

Tama Mosesgo po geninama weyu, te po wali, “Tialima, te bidi me deligo naga te dwai sę ebo sualio po agai te po tų ebode pusubaso da, teda te po tų ebo bidigo odobo bidigo te po odigio. Te bidi sela o sigo suai dao obaso da, teda augwaligo agai po tų ela mabo usu yaibao.”

Bomai Po 17:6

Tialima, te bidi sigo ma selago te we o te bidigo te dwai kolesaga ebo subaso da, teda dagego te we o te bidi elama, isilao. Ma, bidi deligo naga suai baso da, teda te we o bidi elama isilabo sunumi meni yaibao. Usugobeo.

Israel Hanigo Namba 35:30

Te augwaligo po tų ela mubadi, bidi mego aga abagi dali boi bidi homu eyu elalio po obaso, tama bidi si ma selago sulama, tama po tų ebode deli po naga obaso da, teda dagego aga ela muagameo. Tiali goli, bidi deligo sulama, aga po tų ela mobaso da, teda dagego aga ela mugio,” wali.

Tigidali Nai Gagalama Nigali Side 23:18

Te Hit bidi dabe tigidali te po mibo madi bidali bidi dabego koneani, te tǫ megi da te Abrahamgo tǫ mu da walio.

Tigidali Nai Gagalama Nigali Side 23:6

“Woo, genuai bidio, nago dago po odao. Nage te da tomode bidibo genuai tobolu bidi deli dao. Nago we te dago wiegi yai gų pagede pubulao,” wali. “Te da me deli te dago te nago we pubulainu te gų page sainu ebaso, te dago me yogo eyu, dąų me wagobeo. Menio.” Te po wai.

Tigidali Nai Gagalama Nigali Side 23:12

Tama Abrahamgo aga tobolu te bulu page we bidi augwaliba basi gulai.