Tigidali Nai Gagalama Nigali Side 22:4 - Godigo dwagi yai po buku

⁴ Tama digibulu palima, te sela wabode Abrahamgo suali, te bulu du digibulu me elalualio.

Tigidali Nai Gagalama Nigali Side 22:4 Referans Kwoze

1 Korin 15:4

Tama augwaligo aga te masigi dedage gų pageba mugi pai. Tama sela sogo wabode Godigo aga ma hodolama, tama aga me bidibao, te Godigo po bukude polobadu asęani po tama usu numainogo yai dao.

Dwagi Yai Gesi Po Lukgo Asęani 13:32

Tama Jisasgo augwalibolo te po wali, “Dage pelama, te bidi muma sabo te dwai uni yowi tiwai bidi Herot pageba pao, agabolo te po wao, ‘Edao, eno te dwai kauwa bidi sela sąyu, te gasi yai we bidi dwagi yai ma ilibao, megi me, do me, te sę yaibao. Tama duba eno sę siminaibao.’ Agabolo te po wao.

Matyu 17:23

Tama augwaligo aga ela muaibao. Tama sela sogo wabode te Godigo bomogo aga ma hodolobaso, te aga ma hodalueibao,” Jisasgo te po wai. Tama aga wali pabo bidi dabe augwali homu sęgę mu te pode yai dao.

Hosea 6:2

Nosali te si sogo, ma sela sogo bidama, tama te agai da hodolama, tama te aga dali bugagia bidaibao.

Esta 5:1

Estago osogo nai sela sogo gisilama bidai. Tama sela wabo side, agai te kwin tuni wego gudubo ugwa munama, tama tuni bidi kingo be obo tomoba pelama, dologi pali, te tuni bidigo genuai dąį togwali be habu pąde teba dologi pelama, tama te tuni bidi dulalubo saiba tonono yali. Tuni bidi te saide dulalu, tama sunumiba tonono yai.

Te Israel me Juda Hani Sigo Tuni Bidigo Po Elalubo Buku Si 20:5

“Nage ma geasa pelama, te king Hesekia sugi pao, te king te eno hani we bidigo king bidi dao,” wali, “tama agabolo e tama po wao, ena God dao, aga wąį nǫų Devitgo Genuai Bidi, eno agai gedu haluasa po wali eno odalio, tama aga moni gela wabo sualio,” wali. “Tama tibaso, eno aga ma wiegi yai ma ilibao,” wali. “Tama duba te aga te eno lotu beba ma pelama, te ena dolo lotu po waibao,” wali.

1 Samuel 26:13

Tialima, Devit soyu, te bulu du si tomode te odogo malu bulu si nogelama, solama, tama te Sol bidibo pesage dwasianu digi bulu gana elaluali, tama te bulu du me deli bageba holama dolugulai.

Josua 1:11

“Dage te we bidi bidibo pesage tomode bagula biliyu, te we bidi augwalibolo te po waiąo, ‘Te duga nai dabe sisinao,’ po wao. ‘Sela sogo naga digi elalubao, tama dagego e Jordan wę nogelama, tama God, duga Genuai Bidigo, dagebolo te mawaibao wali te tǫ dagego saibao,’ tama po wao,” Josuago te po wai.

Israel Hanigo Namba 31:19

“Tama dage te bidi ela muani bidi dabe, ma te isai bidi tigi nogo tuali bidi dabe, dage bulu badu bidibadi, a naga sogo olama, si sogo dage bulu badu, te bidibo pesage bulu badu bidiąo. Tama te dei namba 3; te namba 7 deide, dage me duga te hwįani sogo sali te we dabe dage te Godigo gedude wiegi yai pedalainu ebo kolesaga iyąo. Tama dage Godigo gedude wiegi yai pedalaibao.

Israel Hanigo Namba 19:19

Te dei namba 3; te dei namba 7, te bubuga side te eno gedude meda isąwai bidigo te wę segeni te eno gedude meda elalubo bidi tigiba te wę segeni sąmainao. Tama te bidi aga homugo aga wiegi yai pedalainogo da, teda te bidi aga ugwa wę telayu, me aga digi aga tigiba wę geliyu emainao, tama te namba 7 deide te giliga ibaba dega sabo side aga wiegi yai pedalaibao.

Israel Hanigo Namba 19:12

Tama te dei namba 3 me namba 7, te si sogo tomode agai te bidi wiegi yai ilibo te wę selama, aga tigide munama, tama aga eno gedude wiegi yai pedalaibao. Tiali goli, agai te namba 3 deide, me dei namba 7, tede agai te tama tisąma yali da, teda aga wiegi yai pedalogobeo.

Israel Hanigo Namba 10:33

Te we bidi augwaligo te Genuai Bidigo bulu du taga pali, te Sainai bulu du dao. Augwali sela sogo tama pali. Tama augwaligo Godigo Dąų Wali Bomai Po Munaluali Halobage bolo polasa sela pali, te bidabo pesage nigabo pesage gege peyu pali.

Pris Sę Ebo Bomai Po 7:17

Tama te si wali side augwa te nai tula silisąma, te sela wabo sogoba usu nubaso da, teda augwaligo te isiba ulama, te isigo tigidali dela silaibao,” wai dao.

Ma Dobola Sali 19:15

Tama Mosesgo augwalibolo te po wali, “Dagego do digi sisi ela muao. Tama megi e side gagalama, do tama te sogo dage we dabe dali me pilamo dao,” wali.

Ma Dobola Sali 19:11

Augwaligo do digi sisi yao. Te duba sogo ena dulama, tama ena te Sainai bulu dude bidibadi, tama te we bidi augwaligo ena sumainogo yaibao.

Ma Dobola Sali 15:22

Nosali Mosesgo Israel dabe augwali te mama tamu wę tagalama odasa pali, tama augwali te wa pai ni meni yai bulu Sur tedu pai. Tama augwali sela sogo te wa pai nai meni yai buludu pai, tama augwaligo wę me subeo.

Ma Dobola Sali 5:3

Tama augwali sigo te po wali, “Da Hibru bagego God te da si bidibo digi pedelai dao. Da te masigi sane yai buluba sela sogo bidigi painogo homu yai, tama dago Godibolo te ofa mawainogo, te dago Genuai Bidi dao. Tama nago da pao wabo te usu yaibawe? Te dago tama tisąwani da, te agai da genuai gasigo, me te hwįbo sogode, te da mu dolaibao.”

Tigidali Nai Gagalama Nigali Side 22:3

Tialima, kigamu digi mu Abrahamgo te moni kibu donki me sisi elama, te Aisak sobadi, te aga sę bidi me si dali sali. Agai te ofa yabo bagawai isi meba sobadi elama, tama agabolo te Godigo po wali pesageba palio.

Tigidali Nai Gagalama Nigali Side 22:5

Tama agai te sę bidi sibolo te po wai, “Dage si ede te kibu donki dali bididuao,” wai. “Te ena u badu te wai dali pelama, tama da si tede lotu wagi paibao. Tama nosali da si ma asaibao,” wali.