Tigidali Nai Gagalama Nigali Side 22:21 - Godigo dwagi yai po buku

²¹ Te e da te wai dabe augwali nogi e dao, Us te gomunai bidi, tama Bus, me Kemuel, aga te Aramgo aya dao,

Tigidali Nai Gagalama Nigali Side 22:21 Referans Kwoze

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Jopgo Po Asęani Elalubo Buku 32:2

Tiali goli, gesi bidi me deli augwali pagede bidama, augwaligo po wabo odaluali. Agai nogi Elihu, te Badakelgo wai. Elihu te Ram sibigo wai, tama te Ram te Bus hani. Tama Elihu agai wado po genuai mu Job dali wainu yali. Magi baso meni. Jopgo te po wali, Jop agai da, dwagi yai kolesaga ebo dao olama, Godigo ebo kolesaga da, dobo dao wali pode.

Israel Hanigo Namba 23:7

Tama Balamgo augwalibolo profet po pusuyu, te po wali, “Balak, te Moap tuni bidigo, ena odasa asai dao. Agai ena Siria bulu oda selama asali, te giliga asobo badu bulu dude, tama ena asali. Agai te po wali, ‘Eno homugo nage aselama, e god dabego te Jekopgo hani bage dolabo po pusagasomainao,’ po wali. ‘Asao, nago te Israel dabeba dwai sę pedalumainogo eyu, nago naga po wao,’ te po wali.

Tigidali Nai Gagalama Nigali Side 24:10

Tama sę ebo bidigo te Abrahamgo te nogo si kibu kamel me te maiabo wiegi yai nai hauwa sali. Tama agai te tigidali doado bage sisi ilama, tama te Nahor bidibo bulu te Mesopotemia teba palio.

Tigidali Nai Gagalama Nigali Side 22:20

Nosali Abrahamgo te tiwai po odali, “Milkago te wai meba ame nani po wai.” Milka te Nahorgo we, tama Nahor te Abrahamgo ama dao.

Tigidali Nai Gagalama Nigali Side 22:22

tama Keset, me Haso, me Pildas, me Jitlap, me Betuel.

Jeremaia 25:23

Tama eno te Dedan dabeba mayu, me te Temadabeba, me te Bus dabebolo me mayu, tama te tobolunisi duasabo we bidi dabeba mayu yaibao.

Jeremaia 25:20

tama te Isip tomode bidali gasa hani webidi tigidaliba mawaibao. Tama eno te tǫ kantri Us kingtigidaliba me mayu, te tǫ kantri Filistia king tigidalibamawaibao. Filistiade te tama tǫ pedai distrik elalubao, Askelon, me Gasa, me Ekron, me tǫ pedai distrik Asdottede me bidali we bidibolo mawaibao.