Tigidali Nai Gagalama Nigali Side 22:17 - Godigo dwagi yai po buku

¹⁷ Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Tigidali Nai Gagalama Nigali Side 22:17 Referans Kwoze

Tigidali Nai Gagalama Nigali Side 15:5

Tama Yawego Abram buluba odasa solama, tama agabolo po bomonama weyu, te po wai, “Nago te dagalude te hǫ dabe suao. Te nago tigidali nedebo usu yaibawe? Tialima, nago wąį dabego wai dabe augwali te hǫ tiwai umabo mu pedelaibao,” wali.

Jeremaia 33:22

Te bidi dabegote hǫ dabe me nambisde masigi sani nedainu ebaso, usumu me egobeo. Te tiwai naga, te eno sę bidi Devitgo hanidali, te Livai hani dabe me, te hauwa umabo pedelama, te bidigo nedabo usu egobeo,” wali.

Tigidali Nai Gagalama Nigali Side 13:16

Te eno nago wai puluba dabe hauwa mu te masigi sane kemi tiwai pedalumainogo ilaibao. Te bidigo te masigi kemi tigidali nedebo usu yabo homu eyu da, teda agai te nago wai puluba pedalubo tigidali te nedabo usu yaibao.

Tigidali Nai Gagalama Nigali Side 26:4

Te nago wąį hani augwali te umabo mu pedalumainu yaibao, te dagalude elalubo hǫ dabe tiwai gilama yaibao. Tama eno e tǫ pedai te tigidali eno augwalibolo mawaibao. Tama te tǫde tigidali bidi dabego te augwali da dali dwagi yai sę yao wabo po enabolo hanalu, te eno nago hani wąį dabe dwagi yai sę yali tiwai gilama yao po waibao.

Tigidali Nai Gagalama Nigali Side 24:60

Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

Bomai Po 1:10

God, dago Genuai Bidigo dage hauwa mu, te dagalude hǫ tiwai pedalumainu ilai dao.

Tigidali Nai Gagalama Nigali Side 32:12

Ena tau mao. Nago naga dąų wali bomai po te ma homugo koneao. Polobadu nago te po wali, ‘Te eno nage bugagia tonaluaibao,’ wai. ‘Tama eno te nago wąį te wai dabe hauwa menama, tama te bidi dabego augwali nedebo usu me egobeo. Te augwali te węde te masigi sane tiwai pedelaibao,’ nago te po wali,” Jekopgo te po wai.

1 Korin 15:57

Tiali goli Godibolo dago puba hwi po wao! Te dago Genuai Bidi Jisas Kraisgo yali sęde, te Godigo da bomo mobaso, tama dago te boi bidi, te isibo kolesaga, te dago aiyaba elalubo dao.

Jeremaia 32:22

Tama nago te tǫ dabolo mani, te nago dago wąį nǫų bomai po dąų wali gilama yali. Te tǫ ili hauwa elalubaso, te nai dabe wiegi yai bugagia mu holai dao.

Maika 1:9

“Magi baso meni, te Samaria dabego keni pedela sabeo. Tama pąde Juda dabe me te tobage keni saibao,” wali. “Tama Jerusalem digi, te eno we bidi dabego pesage, te dwasianu sogo naga tama te me dolaibao,” wai.

Te Israel me Juda Hani Sigo Tuni Bidigo Po Elalubo Buku Deli 9:26

King Solomongo sip hauwa te Esiongeber hanude nigali. Esiongeber te Idom bulu tǫ pedai, te Elat hanu pąde, te Mama Yai Tamu ąį sane, te Akaba tǫ pedai badu elaluai dao.

Bomai Po 21:19

teda aga ida ayago te wai augwa hanude bidibo tobolu bidi dabe pageba odasa pelama, te wai po tų ela momainu yao.

Tigidali Nai Gagalama Nigali Side 28:3

Te eno homugo te Tigidali Bomo Mu Elalubo Godigo nage dali wiegi yai sę elama, tama nago wai hauwa ame naibao. Tama tibaso, te nage bidi hani hauwago aya monu pedelaibao.

Tigidali Nai Gagalama Nigali Side 17:6

Te eno nago wai hani dabe te hauwa pedalumainu elama, tama meba te gavman tuni bidi pedelaibao. Te nago hani wai dabe te umabo hauwa hani mu pedelaibao.

Tigidali Nai Gagalama Nigali Side 12:2

Te eno nago wąį hani dabe te genuai hani mu pedalumainu yaibao. Te eno nage dali dwagi yai sę mu yaibao. Eno te nago nogi genuai ilaibao. Tama gasa we bidi dabe augwaligo te tiwai po waibao, ‘Eno homugo te Godigo enabolo dwagi yai sę emainao, te agai Abram dali yali tiwai yao.’

Polgo Po Pas Rom Dabeba Asęani 4:13

Polobadu Godigo po Abraham dali me te aga bulai wai dali po dąų wali elaluai, te agai te tigidali bulude bidibo we bidigo tǫ tigidali augwalibolo mawaibao po wai. Tiali goli Abrahamgo te bomai po wali pobaso Godigo te po agabolo dąų me wabeo. Menio. Abrahamgo Godide konealubo po dąų obaso tama Godigo aga doloba pai bidi nogi nogi yali, tama tibaso Godigo aga dali te tǫ maiabo po dąų wai dao.

Polgo Po Pas Rom Dabeba Asęani 9:27

Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

Hibru 6:14

Agai te po bomonama wai, “Eno mu po naga obao, te eno nagebolo dwagi yai sę yaibao, tama eno nage wąį hani hauwa mu nosali pedalomainogo ilaibao,” te po wai.

Hibru 11:12

Tama te bidi deli, aga monu dabe elama tama pąde isainogo yai goli, aga te wai hauwago aya pedalai. Tama augwali hauwa mu pedaludubadi geai, te dagalude elalubo hǫ dabe tiwai me, tama te tamu ąį sanede elalubo masigi sane tiwai pedaludali. Te bidigo augwali nedebo me usu egobeo.

Tigidali Nai Gagalama Nigali Side 25:11

Abraham isai digi, tama Godigo aga ogwa Aisak dali dwagi yai tau sabo sę yai. Aisak te wę ulu me deli pedalubo madi pąde bidali, te augwaligo nogi yali ‘Ena subo Bidibo Ula Elalubo Bidigo wę ulu.’

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Tigidali Nai Gagalama Nigali Side 28:4

Tama eno homugo te Godigo nage dali dwagi yai sę eyu, te nago wąį te wai dabe me tiyu, te Abraham dali dwagi yai tau sabo sę yali tiwai gilama yaibao. Tama tiyu, tama nago megi naga te bidibo tǫ sobadi yaibao, magi basowe, Godigo e tǫ te naga wąį Abrahambolo maiabo po wai dao,” wali.

Bomai Po 10:22

Dagego wąį dabe Isip buluba pali da, teda augwali 70 we bidi tama naga pai dao. Tiali goli, megi da, God dago Genuai Bidigo dage hauwa mu, te dagalude elalubo hǫ tiwai pedalomainogo ilali dao,” Mosesgo te po wai.

Bomai Po 13:17

Dagego te hanude nai deli me selamo dao. Te isigo sese dela silimainogo sula tagalao. Tama tiyu da, Genuai Bidigo sębę tagalama, dage hobede yaibao. Tama agai dage hani genuai mu pedalomainogo yaibao, te agai dagego wąį dabe dali polobadu po dąų walali gilama tiaibao.

Tuni Bidi Dabego Po Elalubo Buku Deli 27:23

King Devitgo te megi tama holobo gesi ogwa bidi augwaligo kibu be te bidi sese deliba usu nisąbo bidi dabego kibu be isąwai bidi augwali nedebeo, magi baso meni, Genuai Bidigo te Israel we bidi augwaligo namba ugwaba igulama, te hauwa mu te dagalude elalubo hǫ dabe tiwai pedalumainu hagede te Genuai Bidigo dąų wali bomai po wali peyu te tama tiai dao.

Tuni Bidi Dabego Po Elalubo Buku Si 1:9

O God, Genuai Bidi, nago enabolo tonalumainu mani te we bidi augwali hauwa mu dao, tama te bidi dabego augwali nedebo usu me egobeo. Tama tialima megi da, eno aya Devit dali nago dąų wali po usu nagasa homu ebao.

Hosea 1:10

Te Genuai Bidigo po ma weyu, te po wai, “Te Israel dabe te nabisde masigi sani tiwai hauwa umabo ma pedelaibao, tama te augwaligo augwali te nedainu ebaso, usu egobeo. Megi da, te ena Godigo augwaliba te tiwai po wali, ‘Dage te eno hani we bidi menio,’ wali. Tiali goli, me sogo deli sogo, te eno augwaliba te po waibao, ‘Ena te sesemane bidibo ula elalubo God dao, tama dage eno wai dabe da,’ waibao.

Tigidali Nai Gagalama Nigali Side 32:13

Jekop te hulide bididu, tama aga ama Iso homu nagame iliyu maiabo nai te kibu dabe meba dodola muai.

Ma Dobola Sali 32:13

“Nago naga sę bidi Abraham, me Aisak, me Jekop, te homugo koneao. Tama nago te bomo yai po augwali dali dąų wali po, te homude koneao. Nago bomo yai po dąų mu weyu, e tiwai po wai, ‘Eno mu po obao, eno te dagego wąį nǫų dabe te dagebolo hauwa mu, te hǫ tiwai dageba mawaibao. Tama eno po dąų weyu, te eno dagebolo mawaiba wali te tǫ, teda te tǫ te eno duga wąį nǫų dabe augwaliba mawaibao. Tama augwali sesemane sogo mu te tǫde bidada paibao,’ nago te po wai.”

Bomai Po 1:11

Eno homugo Genuai Bidi, dago wąįgo Godigo dage bidi hani hauwa umabo mu pedalumainu ebao. Tama eno homugo agai dagego tigidali nai dabe wiegi yai pedalumainu ebao, te agai dage dali hasia dąų wali gilama yali.

Bomai Po 13:18

Agai te tama tiaibao, magi baso meni, te dagego agai tigidali bomai po wali pali da, te eno megi dagebolo mani, te po. Tama me dagego agai godolo ebo sę naga eyu yali dao,” Mosesgo te po wai.

2 Samuel 17:11

“Tialima, eno homu da te tama tiwai, nago te Israel bulu tǫ pedai tigidali badu te tigidali bidi i olama, tama augwali sisinama, tama augwali umabo mu pedelama, te tamu ąį masigi kemi tiwai pedalumainu emainao. Tialima, te naga digi polasa peyu, tama dagego te Devit dali hwįgi piąo,” wai.

Te Israel me Juda Hani Sigo Tuni Bidigo Po Elalubo Buku Deli 4:20

Te Juda me Israel we bidi dabe augwali te genuai hani mu bidali, te nabisde te masigi kemi sane gisiga sąwai tiwai usu nama te tiwai yali. Augwali te bugagia bidiyu, tama augwa te nai me wę te elaluyu, tama augwa wiegi yai homu pemene eyu bidali.

Nehemia 9:23

Tama nago augwaliba te wai dabe hauwa mawai, te dagalude elalubo hǫ dabe tiwai pedelali. Tama nago te augwaligo te boi bidi dabe aiyaba elalumainu ilama, tama nago te augwa bulali wąį nǫų dabeba mawainu te po dąų walali tǫ somainogo yai dao.

Aisaia 48:19

Te dagego wai dabe te hauwa mu, te nambis ąį masigi kemi sane tiwai pedeligi da. Te eno augwali bugagia tonalu, te augwa nogi te e tǫde mu sia sigi menigi da.,” te po wali.

Hosea 2:1

“Megi dagego duga deli kaneme hani Israel dabe nogi eyu, e tama tiwai waiąo, ‘Dage te Godigo We Bidi Dao, tama Godigo Dage Godolo Mu Yai Dao,’ te po wao,” Genuai Bidigo Hoseabolo te po wai.