Tigidali Nai Gagalama Nigali Side 22:16 - Godigo dwagi yai po buku

¹⁶ “Yawego te tiwai wali, ‘Te ena nogide digi eno mu dąų walai bomai po obao. Nago naga te deli naga elalubo ogwa me yoga sabeo. Tama tibaso, mu tama, eno nage dali wiegi yai sę mu yaibao.

Tigidali Nai Gagalama Nigali Side 22:16 Referans Kwoze

Dwagi Yai Gesi Po Lukgo Asęani 1:73

Agai dago wąį Abrahambolo bomai bodolu mu mawai dao. Tama megi agai polobadu yaibao waligia yainu te ebao. Boi bidigo nogode agai da ma sainu ebao wai.

Godigo Nogi Ugwaba Sabo Tęąbi Po Wabo Buku Dabe 105:9

Polobadu agai Abraham dali te po augwali si dąų wai, tama agai te dąų wali po Aisak po wai.

Jeremaia 51:14

Tigidali Bomo Elalubo Genuai Bidi aga nogide digi mu po weyu, te sę yaibao po wali. Agai e tiwai po wali, “Babilon, te eno genuai hani bidi odasa asu, nageba hwįagaselama, te nage aiyaba elalueibao. Te augwaligo nago tǫ pągąna sagasaibao, te genuai kuli mano hanigo ebo tiwai yaibao. Te augwaligo nage aiyaba elalubo si da, teda augwali wiegi yai pemene elama, te bomonama i waibao,” te po wali.

Jeremaia 49:13

Ena Genuai Bidi, te ena nogide digi eno te tiwai mu po obao, eno te dagego polalubo taun Bosra dwagila mu dolaibao, te aga olo bulu pesage tiwai pedelaibao. Te gasa hani we bidi dabego eno te sę te taun Bosraba yali sę po odama, te augwa wi elama, dwai midigi saibao. Te augwa te Bosrabolo te dwai posobo po waibao. Te hanigo te augwa boi bidi dabede dwai posobo po wabo sogo da, augwa te tiwai po waibao, ‘Dage te Bosra taun dolali tiwai gilama yagameo.’ Eno te tǫ kantri Idom taun tigidali dolama, te dolali te tiwai sesemane elaludaibao,” wali.

Aisaia 45:23

Ena Genuai Bidi, ena nogide digi daide ugwadu mu po obao, te eno pedauwalide wali po te me hasegelegobeo. Eno te tama po wali, te tǫde tigidali we bidi enaba aselama, te enaba kidu sugunagasaibao, te augwali tigidaligo ena dologode naga bidabo po dąų waibao, te po wai.

Tigidali Nai Gagalama Nigali Side 12:2

Te eno nago wąį hani dabe te genuai hani mu pedalumainu yaibao. Te eno nage dali dwagi yai sę mu yaibao. Eno te nago nogi genuai ilaibao. Tama gasa we bidi dabe augwaligo te tiwai po waibao, ‘Eno homugo te Godigo enabolo dwagi yai sę emainao, te agai Abram dali yali tiwai yao.’

Amos 6:8

God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.

Tigidali Nai Gagalama Nigali Side 22:2

Tialima, Godigo te po wali, “Nago ogwa deli digi te elalubao, Aisak, tama nago aga godolo mu ebao. Nago te wai odasa, nage te Moria te pedai badu pao. Te eno bulu du me deli nagebolo ola mawaibao. Tama te bulu dude nago te Aisak enabolo ofa mayu, te augwaligo ofa eyu, te siago domainu ulubo tiwai yao,” wali.

Tigidali Nai Gagalama Nigali Side 22:12

Tama Mobo Bidi Enselgo te po wali, “Nago te wai elamuo. Nago magi sę me deli aga dali me igio. Nago ogwa deli naga elalubadi, tama nago aga yogo eyu, dąų me wabeo. Tama tibaso, eno koneani, nage te Godigo po odobo bidi dao,” Yawego Ensel Mobo Bidigo te po wai.

Tigidali Nai Gagalama Nigali Side 22:15

Tialima, Yawego Mobo Bidi Enselgo te Abraham si sogo i bomonama weyu, te po wai,

Tigidali Nai Gagalama Nigali Side 26:3

“Nage te bulude bolo bidao, tama ena nage dali bidiyu, tama dwagi yai tau sabo sę nage dali yaibao. Te e elalubo tǫ pedai tigidali te eno nagebolo mayu, te nago hani wąį dabe augwalibolo me mawaibao wai. Tama eno te nago aya Abraham dali dąų wali po te eno homude me gegeda palogobeo.

Tigidali Nai Gagalama Nigali Side 26:5

Abrahamgo eno haniani te kolesaga yao po odama, tama agai eno bomai po tigidali wali pai. Tama tibaso, eno nage dali dwagi yai sę yaibao,” Yawego te po wai.

Ma Dobola Sali 2:24

Tama Godigo augwaligo te gela wabo odoyu, tama Godigo te bomo yai po Abraham, me Aisak, me Jekop, augwali dali dąų wali, te agai koneai, tama agai te augwaligo wąįgo wai dabe augwali tau saibao te po wai, polobadu.

Ma Dobola Sali 17:16

Tama Mosesgo te poali nogide te po wai, “Te ugwaba sagalobo plak ugwa tiwai eyu, tama eno ena nogo si ugwaba selama, tama Genuai Bidi aga bidibo digi teba gedu haluasa po te hwįbode wai dao. Magi basowe, Genuai Bidi agai sesemane sogo te Amalek hani bidi dabe dali hwįaibao,” Mosesgo te po wai.

Ma Dobola Sali 32:13

“Nago naga sę bidi Abraham, me Aisak, me Jekop, te homugo koneao. Tama nago te bomo yai po augwali dali dąų wali po, te homude koneao. Nago bomo yai po dąų mu weyu, e tiwai po wai, ‘Eno mu po obao, eno te dagego wąį nǫų dabe te dagebolo hauwa mu, te hǫ tiwai dageba mawaibao. Tama eno po dąų weyu, te eno dagebolo mawaiba wali te tǫ, teda te tǫ te eno duga wąį nǫų dabe augwaliba mawaibao. Tama augwali sesemane sogo mu te tǫde bidada paibao,’ nago te po wai.”

Tuni Bidi Dabego Po Elalubo Buku Deli 16:16

Genuai Bidigo te dąų wali bomai po Abraham dali yai. Tama agai bomai po bodolu selama dąų wali po Aisak dali weyu te dąų wali bomai po wali pao wali.

Jeremaia 22:5

Tialima, dagego eno po wali pisąbaso da, teda ena Genuai Bidi, eno mu po ena nogide digi obao, teda eno te nago genuai wiegi yai be mu dolaibao,’ te po te Juda king bidibolo pusao,” te po wai dao.

Jeremaia 44:26

“Te Genuai Bidigo te me me wali, ‘Tialima, dage te Isipde bidalubo tigidali Judago, dagego Genuai Bidi eno poba bugagia olo muao. Eno mu po ena genuai nogide obao, te dage Isipde bidibo Juda dabe me deligo eno nogide bomai po dąų obaso, usu egobeo. Te dagego te tiwai po munu ma wagobeo, “Te sesemane sogo bidibo Genuai Bidi Godigo nogide mu dao,” munu me wagobeo.

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Maika 7:20

Te nago naga po tigidali wali pelama, te nago da Israel dabeba te olo mu tau sabo wiegi yai kolesaga yaibao, te Abrahamgo wąį nǫų hani, te nago we bidi dabe dao. Te nago polobadu dago wąį nǫų dabebolo te dąų walali po tigidali te mu usu nubo dao.