Tigidali Nai Gagalama Nigali Side 21:25 - Godigo dwagi yai po buku

²⁵ Tama Abrahamgo Abimelek dali te aga sę ebo bidi dabe augwaligo agai ulu wę anoma bomonama sali po elalualio.

Tigidali Nai Gagalama Nigali Side 21:25 Referans Kwoze

Matyu 18:15

“Te nago ama agai dwai kolesaga nage dali ebaso da, teda nage pelama dugaduba si digi bidiyu, tama nago aga dwai sę yali kolesaga te agabolo haninama ola mao. Tama agai nago po odobaso da, teda naga ama te dwai sęba kegali te nago aga ma oda sabo tiwai ebo dao, te dage si deli homu naga yaibao.

Bugagia Bidibo Kolesagade Po Asęai Buku 27:5

Te nago abagigo dwai sę ebaso da, teda nago aga dali te dodolobo sę ebo kolesaga yao. Meni baso da, agai te nago agade te abagi homu ebo menio, agai te homu yaibao.

Bugagia Bidibo Kolesagade Po Asęai Buku 25:9

Te nago magi nai me delide te naga abagi dali te po elalubaso da, teda nage pelama, naga te abagi dali digi dodolao. Tiali goli, nago te naide te geme wali po odolama, nago te po aga dali me pusugio.

Bugagia Bidibo Kolesagade Po Asęai Buku 17:10

Te nago te wiegi yai homu elalubo bidi dodolabo homu ebaso da, teda nago te deli sogo naga agaba obaso, tama teda agai te genuai kolesaga mu saibao. Tiali goli, nago te wiegi yai homu elalusiąbo bidi dodolabo homu eyu da, teda nago aga te bidi sese a naga te 100 sogo te aga elibo sę eyu dodolaibao, tiali goli te agai kolesaga me hasegeligobeo.

Te Israel Tobolu Bidi Dabe 1:15

Tama Aksago po wei ponani, “Eno te nai me deli sabo homu ebao. Nago ena te ili meni yai wa pai tǫba muani, te tǫ nogi Negev, te megi nago ena te wę ulu meba mao,” wali. Tama Kalepgo te ulu wę ugwadu me aiyadu me elalubo tǫ me te agabolo mani.

Tigidali Nai Gagalama Nigali Side 29:8

Tama kibu tonalubo bidi dabego te po wai, “Menio. Dago tama me tegobeo. Te tigidali sipsip hani sisiniyu bolo elama, tama nosali dago te wę ulu dedage paliali masigi dagala munama, tama te sipsip dabe wę mabo dao.”

Tigidali Nai Gagalama Nigali Side 13:7

Tama wado po te Lot de Abram augwa si hasa tonalubo sę ebo bidi dabe tomode pedelali. Te sogo te Kenan dabe me, te Peres dabe me tede bidalubadi dao.

Tigidali Nai Gagalama Nigali Side 21:24

Tama Abrahamgo te po wali, “Eno tama tiwai po dąų walobao.”

Tigidali Nai Gagalama Nigali Side 21:26

Tama Abimelekgo tobo wali, “Te tama tiali eno konebeo. Nago enabolo polobadu me wabeo. Megi naga eno te po odobao,” te po wai.