Tigidali Nai Gagalama Nigali Side 21:23 - Godigo dwagi yai po buku

²³ Tialima, nago te God gedude po dąų walao, te nago enabolo me, te eno wai puluba dali me, te eno wąį hani dabe dali me, te tibo po wabo kolesaga me egobeo, te po wao. Eno wiegi yai kolesaga nagebolo yai. Tama tiwai naga nago te tibo sę isiąbo wiegi yai homu kęą pali kolesaga enaba ebadi, te nage megi bidibo tǫde bidibo we bidi me te tiwai kolesaga yao,” wali.

Tigidali Nai Gagalama Nigali Side 21:23 Referans Kwoze

Josua 2:12

Tialima, megi da, dage sigo te Genuai Bidigo gedude te dage sigo eno hani bage bugagia tonaluabo po dąų walao, magi baso meni, te eno dage si bugagia tonaluali tiwai gilama yao. Tama dage sigo duga si dąų wali po mu dąų walobo dąį me dedeli enabolo mao.

Tigidali Nai Gagalama Nigali Side 20:14

Tialima, Abimelekgo Sara te Abrahambolo ma mawai. Tama agai te sipsip meba badi, bulmakau me, sę ebo bidi me, sę ebo we me, te Abrahambolo manio.

Hibru 6:16

Bidi si augwa hasi konila po weyu da, teda bidi mego te gasa bidibolo agai wabo po mu po naga dao te hania ola momainogo eyu, te bidigo aga digi nogi weyu te mu po dao te wagobeo. Menio. Agai te gasa bidi me deli, te genuai nogi elalubo bidi, te bidigo nogi weyu tama agai wabo po te tiwai dąų wabo dao. Tama tebogo te bidi si tomode elalubo konila po togolama tama po me meni.

2 Korin 1:23

Te eno te polobadu asęna tolali pasgo te dageba asobode tibo po wai yaibaso da, teda Godigo eno te tibo po wali te hania haninagameo. Tiali goli, menio. Eno mu po naga obao. Te eno sęgę dageba mabo te eno hagela homu yali, tama tiyu te ena dage bidibo madi polo me te Korin buluba ma asobe dao.

Jeremaia 4:2

“Te dagego wabo po dąų waliyu, te tama po obao, ‘Te sesemane sogo bidada pabo Genuai Bidigo nogide mu da,’ po wainogo eyu da, teda dagego mu po tama naga weyu, te wiegi yai doloba pai kolesaga wali peyu, te po wao. Te dagego tama tibaso da, teda gasa hani dabego enaba hanalu, te eno augwaliba wiegi yai sę ebaso, te augwaligo enaba genuai nogi mawaibao,” te po wai.

1 Samuel 30:15

Tialima, Devitgo agaba hanalu wali, “Nago te Amalek dabeba ena odasa pobaso da, te usu yaiba, agawe?” Tama agai te po wali, “Eno usu yaibao. Tiali goli, nago te Godigo nogide te bomai po dąų waliyu, te nago ena munu me ela musiąyu, ma ena te tonalubo bidigo nogoba magobe po wao,” wali. Tialima, Devitgo te bomai po agaba dąų walali.

1 Samuel 20:42

Tialima, Jonatango Devitbolo te po wai, “Nage te wiegi yai homu nagame dali pao. Dago te Genuai Bidigo nogide te po dąų waliyu, te dena digi dena bugagia wiegi yai sesemane sogo ilao, tama nago hani me eno hani nosali pedalubo bage me, augwa me te tobage deli kolesaga emainu yaibao. Tama Genuai Bidigo dago te dąų walubo po odali, tama dago wali paibao.” Agai po ola siminama, tama Devit gasaba peyu, tama Jonatan te taunba ma begasa palio.

1 Samuel 20:17

Tama Jonatango Devitba ma weyu, te Devitgo aga sesemane sogo godolo homu ebo bomai po dąų wao po wali. Magi baso meni, Jonatango te Devit godolo homu mu yali, te aga digi aga godolo homu ebo tiwai yai. Tama Devitgo te Jonatango wali po tiwai gilama te bomai po dąų walali.

1 Samuel 20:13

Tiali goli, eno ayago nage dolabo homu ebaso da, teda eno nagebolo walaibao. Te eno nageba walisiąyu, tama eno nage wi pomainu tau sisąbaso da, teda Genuai Bidigo te genuai dene enaba momainu yaibao. Genuai Bidi te eno aya dali bidu, tama eno homugo me te nage dali bidiba homu ebao.

Bomai Po 6:13

Dage God dago Genuai Bidi dologode naga bidiąo. Tama dage deli deligo gasa bidi dali po dąų omainogo eyu da, teda Genuai Bidigo nogi naga nogi elama, te po dąų walao.

Tigidali Nai Gagalama Nigali Side 31:53

Eno homugo te Abrahamgo God me Nahorgo God, agai te da sigo ebo kolesaga dagalaibao,” Labango te po wai. Tialima, Jekopgo te Godigo nogide bomai po dąų wali, te aga aya Aisakgo lotu wabo Bidi Wi Ilibo God dao.

Tigidali Nai Gagalama Nigali Side 31:44

Tialima, da si te bomai po dąų waibao. Tama dago te masigi dabe pesage holama, tama te pesage ede elalubaso, da sigo te dąų wali po homude konealuaibao,” wali.

Tigidali Nai Gagalama Nigali Side 26:28

Tama augwaligo te tiwai po wei ponani, “Megi dago koneani, te Yawe nage dali bidibao. Tama dago homugo te dago dage dali te mu po naga dao weyu, te boi homu ebo silabo po me deli dąų waibao. Dago nagebolo dwai sę me ilibeo. Tama dago homugo te nago bomo yai po dąų weyu,

Tigidali Nai Gagalama Nigali Side 24:3

Nago te Yawego nogide te po bomo yai po dąų wao, te dagalu de tǫ dali sigo God dao, te tama tibaso, nago eno ogwago we te Kenan tomode we dabe me te noma sigio, te ena e bidibo tǫde.

Tigidali Nai Gagalama Nigali Side 21:24

Tama Abrahamgo te po wali, “Eno tama tiwai po dąų walobao.”

Tigidali Nai Gagalama Nigali Side 47:31

Tiali goli, Jekopgo te po wali, “Megi nago te sę mu yaibao olama, tama mu dao po wao.” Josepgo te bomo yai po dąų walama, tama agabolo nage usu da po omainogo eyu, Jekopgo tobolu te aga betiba pǫgulali.

Tigidali Nai Gagalama Nigali Side 39:3

Tama Potifargo sulama, koneani, Yawe te Josep dali bidiyu, tama tigidali sę Josepgo yali te dwagi yai naga pedelali.