Tigidali Nai Gagalama Nigali Side 21:17 - Godigo dwagi yai po buku

¹⁷ Godigo te ogwa gela wabo odali. Tama Godigo mobo bidi ensel te dagalude bidiyu, tama i olama, Hagarbolo te po wai, “Magi yaliwe, Hagar? Nage wi me elamuo. Godigo te ogwa aga bidibo madide gela wabo odalio.

Tigidali Nai Gagalama Nigali Side 21:17 Referans Kwoze

Tigidali Nai Gagalama Nigali Side 16:11

Tama Mobo Bidi Enselgo po ma wali, “Te dwasianu sogo pąde tama nago te wai ogwa ame naibao. Tama nago aga nogi Ismael poao. Magi baso meni, nage sęgę elalubadi, tama Yawego nago gela wabo odai.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Ma Dobola Sali 3:7

Tama Genuai Bidigo aga dali te po wali, “Eno suali, augwaligo eno we bidi Isip bulude mu dolobao. Tama eno we bidi augwali ena i wabo sę ebao, te augwali dwai tonalubo bidigo nogode ma somainogo yai. Eno te i wabo odoyu, tama eno mu koneani, te augwali dene me te sęgę mu sabo dao.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Dwagi Yai Gesi Po Makgo Asęani 5:36

Tiali goli Jisasgo augwaligo te wabo poba olo me musiąma, odola tagalali. Agai te bidi Jairusbolo te po wali, “Nage wi egio. Nago enade konealubo po naga dąų weyu naga homu enaba tialuama bidao,” te po wai.

Matyu 15:32

Te Jisasgo aga wali pabo bidi dabe i olama asobode, tama agai te po wai, “Eno e we bidi augwali homu dene ebuo. Augwali sela sogo ena dali bidali, te augwa sesali nai tula silali. Te eno augwali nasi ebadi pao po weyu tagala palogobeo. Tiyu augwali tųde nasigo sidalio,” Jisasgo te po wai.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 22:1

Genuai Bidigo te Na Yabo Odogo Bulu tede na dabe pedalabo po mani. Te genuai hanu Jerusalem we bidi dabe, dagego mena homu mu eyu, dagego hai olama, wiegi yai homu ebawe? Tama dage duga be peduba hola pelama, tama hai bomona mu olama, tama te kulukulu tigidali te hanu usu nubao. Naga te bidi dabe isali da. Augwali te bomai ami bidi dabe tiwai e hwįnama, isai menio. Te boi bidi dabego augwali moni hwągo elebeo. Menio.

Godigo Nogi Ugwaba Sabo Tęąbi Po Wabo Buku Dabe 65:2

Nago dago gedu haluasa po wabo odobo dao. Tama tibaso, da tigidali we bidi te nageba asobao.

Te Israel me Juda Hani Sigo Tuni Bidigo Po Elalubo Buku Si 13:23

Tiali goli, Genuai Bidigo te Israel hani augwali hobede mu yali, tama tibaso, aga bugai homu pemene augwaliba yali. Agai te polobadu te Abraham dali, te me te Aisak ebadi, me te Jekop ebadi, te bage dali te agai bomai po bodolu selama, dąų waliba gogone peyu tama tiali, tama teyu, agai te Israel bage augwali tau selama, tama agai augwali munu me dolobe. Tama agai homugo te Israel hani sela sąnama, tama augwali te aga gesabidide te augwali digibulu bidigi pabo agai hagela homu yali.

Te Israel me Juda Hani Sigo Tuni Bidigo Po Elalubo Buku Si 13:4

Tama tialima, te king Joahas agai te Genuai Bidi dolo gedu haluasa po wali, tama Genuai Bidigo te Joahasgo gedu haluasa wali po odali, magi baso meni, Genuai Bidigo konea pali, te Siria bage augwaligo te Israel bage aiyaba elaluama, mu dolobo sę ebaso.

1 Samuel 11:5

Te sogo Sol te gide sę iduai. Tama aga te gi taga soabo sogo, tama te sę ebo bulmakau odasa asobadi, agai te we bidi dabego gela wabo odali. Aga te bidibo pesageba sabolama, tiali te agai augwaliba hanalu wali, “Magi baso dage tigidali gela waliwe?” Tialima, augwaligo te Jabes dabego augwaliba ola tolali po wai.

Te Israel Tobolu Bidi Dabe 18:23

Tama Maikago hanigo te Dango haniba i olama, hae wai. Tialima, te Dango hani dabe begelama, te Maikabolo wali, “Magi sę yaliwe? Magi baso nage te genuai hani bidi dali asaliwe?”

Ma Dobola Sali 22:27

Magi basowe, agai te ugwa deli naga elaluali, te aga hulide kedau idali weyu, tigi bea sabo ugwa dao. Te ugwa nago tolalubaso da, te aga tigi magi naigo halua selama pigowe? Te eno aga tau somainogo, agai gedu haluasa po enabolo obaso da, te eno agai gedu haluasa po wabo odaibao, magi basowe, eno tigidali we bidi olo tau sabo homu kolesaga mabo dao.”

Ma Dobola Sali 22:23

Tama dagego augwali dolobaso, tama eno augwali tau somainogo tama augwaligo gela enabolo obaso da, te eno augwaligo gela wabo mu odaibao.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Tigidali Nai Gagalama Nigali Side 46:3

Tialima, Godigo te po wali, “Ena God dao. Ena te nago ayago God dao. Nage te Isipba pabo wi me elamuo. Te eno nago hani sibi wąį dabe te genuai hani mu pedelimainu ilaibao.

Tigidali Nai Gagalama Nigali Side 16:9

Tama Mobo Bidi Enselgo te po wai, “Nage Sarai pageba ma geasa pelama, tama agai po tigidali wali pao.”

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Tigidali Nai Gagalama Nigali Side 16:7

Hagar te bidi meni yai pedai badu te Sur pabo sunumidu pai. Aga te wę ulu tubo madi dulalubadi, te Yawego Ensel Mobo Bidi te agaba pedelali.

Tigidali Nai Gagalama Nigali Side 22:11

Tiali goli, Yawego Mobo Bidi Ensel te dagalude bidiyu, tama i wali, “Abraham! Abraham!” Tama Abrahamgo te po wai, “Ena e bidibao,” wai.

Tigidali Nai Gagalama Nigali Side 24:7

Yawe, te dagalude bidibo Godigo ena te eno ayago bede, me te ena hani dabego tǫde selama, asali. Tama agai bomai dąų wabo po wali, te agai e elalubo tǫ te eno hani wąį dabebolo mawaibao wai. Yawego digi te aga mobo bidi ensel te nage pabodu polasa tagala palaibao. Tama tibaso, nago tede te eno ogwago we gegela sueibao.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Ma Dobola Sali 3:2

Tama Genuai Bidigo Ensel Mobo Bidi agaba pedelama, te sia dabo tiwai, te dwasianu ni nologo tomode sia bogoli pedelai. Tama Mosesgo sia te nide dabo suali, tiali goli te siago te ni dela dolobeo.

Bomai Po 26:7

Tama tibaso, dago te Genuai Bidi, dago wąį dabego God, dago aga i wali, te da tau somainogo. Agai dago gela wali odali, tama me agai suali, dago tigide dene ebo, me bomai sę dabe, me dwai sogo dade posobo me agai suali.

Godigo Nogi Ugwaba Sabo Tęąbi Po Wabo Buku Dabe 6:8

Dage te dwai kolesaga ebo bidi dabe, dage geda sao. Godigo eno gedu haluasa po odalio.

Tigidali Nai Gagalama Nigali Side 16:8

Tama Mobo Bidi Enselgo agabolo tama tiwai po wali, “Hagar, te Saraigo sę ebo we, nage menadu aselama, tama nage menaba painogo ebawe?” Tama Hagargo po wei ponoyu, te po wali, “Sarai aga da, te ena tonalubo we dao, tama eno te Sarai taga soyu, ena wi sobao,” wali.

Godigo Nogi Ugwaba Sabo Tęąbi Po Wabo Buku Dabe 10:14

Tiali goli, menio. God, nago te dwai sę ebo bidi dabego kolesaga subo dao. Tama da gasa we bidi dabeba te sęgę me dene mabo, te nago koneani, tama nago da tau sainu sisi yai. Te bomo meni yai bidi aga digi te nage nogoba muani, magi baso meni, te sesemane sogo nago te magi nai meni yai bidi tau sabo dao.