Tigidali Nai Gagalama Nigali Side 21:14 - Godigo dwagi yai po buku

¹⁴ Do kigamu mu te Abrahamgo te nai dali, te wę botol dali sisi elama, tama Hagarbolo mani. Abrahamgo te nai dabe te Hagar nageba anugulama, tama aga dali aga ogwa dali si ibaba olo tagala palali, gasaba. Tialima, Hagar palima, te Berseba tǫ pedai badu subigila te bidi bidisiąwai madi biliduai.

Tigidali Nai Gagalama Nigali Side 21:14 Referans Kwoze

Dwagi Yai Gesi Po Jongo Asęani 8:35

Te olo sę bidi aga te be page bidigo hanide mu bidigobeo, osogo tama bidaibao. Tialima, te be page bidigo ogwa aga te bidi hanide tigidali sogo mu bidada paibao.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Bugagia Bidibo Kolesagade Po Asęai Buku 27:14

Te nago genuai po dągą olama, tama naga abagiba te kigamu mude te siade dao po obaso da, te nago agaba te po dwai wabo tobage po tiwai obao.

Godigo Nogi Ugwaba Sabo Tęąbi Po Wabo Buku Dabe 119:60

Eno tonalugobeo. Eno polo nago bomai po wali paibao.

Godigo Nogi Ugwaba Sabo Tęąbi Po Wabo Buku Dabe 107:4

Meba te genuai bulu te kemi tǫ wa pai bulude bilaluai dao. Te augwali bidigi pabo madi te taunba pabo sunumi me deli te me subeo.

Te Israel me Juda Hani Sigo Tuni Bidigo Po Elalubo Buku Deli 19:3

Elaijago te po odama, te aga wi elama, wi palio. Agai aga sę bidi selama, augwali si pelama, te Berseba te Juda tǫ kantri buluba saboligi pai. Elaijago aga sę bidi te bulude bididubadi taga pelama,

Tigidali Nai Gagalama Nigali Side 26:31

Te kigamu digi mu augwali hogodaluama, tama augwali dali, Aisak dali, augwaligo augwa nogo guni sisu muyu, augwa hasi e tiwai po dąų wali, “Te dago dage dali sesemane sogo te wiegi yai homu deli naga elama, bidaibao.” Aisakgo augwaliba dage tao olama, tama augwali nogo menama, tama augwali pali.

Tigidali Nai Gagalama Nigali Side 25:6

Tiali goli, aga bidibo sogo digi, te agai doado bage meba te aga gasa wego wai puluba augwaliba olo mani. Tama agai augwali te giliga pedalubo pedai badu tagala palama, te aga ogwa Aisak bidibo digi te augwali digibulu bidigi pomainu yali. Tama augwali pelama, te giliga pedalubo bulu te badu bidigi pai dao.

Tigidali Nai Gagalama Nigali Side 21:31

Augwa si te bulude po minama, dąų wai. Tama tibaso, te bulu nogi augwaligo Berseba nogi poai dao.

Tigidali Nai Gagalama Nigali Side 16:7

Hagar te bidi meni yai pedai badu te Sur pabo sunumidu pai. Aga te wę ulu tubo madi dulalubadi, te Yawego Ensel Mobo Bidi te agaba pedelali.

Aisaia 16:8

Augwaligo wain gi me, te hanu Hesbonde elaluali wiegi yai wain gi me, te hanu Sipmade elaluali wiegi yai wain gi me, kone palali. Tama augwali hobede genuai mu ebao. Te polobadu te gasa bulu tuni bidi dabego te gide wain dabe tubo godolo mu yai dao. Tama te wain tulama, augwali poloyu yai dao. Tiali goli, megi da, te gi dabe sese mu dola silai dao. Augwaligo wain gi hauwa mu elaluai dao. Te hanu Hesbondu me Sipmadu gagalama, tama hanu Jaserba usu nigi pelama, tama te not usu nigi pelama, me te wa pai bulu te giliga asoboba usu nigi pai elaluai dao, te wę Detsiba saboligi pelama, tama giliga paboba usu nigi pai dao.

Tigidali Nai Gagalama Nigali Side 46:1

Te Jekopgo aga doado bage tigidali sisinama, tama aga te Berseba teba pelama, tama agai te aga aya Aisakgo Godiba ofa igi pali.

Tigidali Nai Gagalama Nigali Side 37:15

tama aga tede augwali gegeyu, bagula biliduali. Tama bidi me deligo aga subaso, tama agabolo hanalu wali, “Nago magi nai gegebawe?”

Tigidali Nai Gagalama Nigali Side 26:33

Tialima, Aisakgo te wę ulu nogi Seba nogi poai. Tama megi tebode augwaligo te hanu nogi Berseba wabo dao.

Tigidali Nai Gagalama Nigali Side 24:54

Tama te po ola siminama, tama Abraham aga sę bidi aga hani dali te augwali nai tuyu, wę tuyu elama, tama augwali piali. Tama kigamu digi augwali hodaluama, tama Abrahamgo sę bidigo tama po wai, “Ena te ena genuai bidi bidiboba ma paibao,” wai.

Tigidali Nai Gagalama Nigali Side 22:19

Tama Abraham dali, Aisak dali si aga sę bidi si bididuali madi ma pelama, tama augwali te Berseba teba ma pali. Tama Abraham te Bersebade bidali.

Tigidali Nai Gagalama Nigali Side 22:3

Tialima, kigamu digi mu Abrahamgo te moni kibu donki me sisi elama, te Aisak sobadi, te aga sę bidi me si dali sali. Agai te ofa yabo bagawai isi meba sobadi elama, tama agabolo te Godigo po wali pesageba palio.

Tigidali Nai Gagalama Nigali Side 21:33

Tama Abrahamgo te Bersebade te polo isisąbo ni me deli bulama, tama agai Yawego nogi weyu, gedu haluasa po wai, te aga sesemane sogo bidada peyu, bidada pabo God dao.

Tigidali Nai Gagalama Nigali Side 19:27

Te kigamu digi mu Abraham te Yawe dali dolalu polobadu te po miani pesageba palio.

Tigidali Nai Gagalama Nigali Side 21:13

Tama eno te sę ebo we Hagargo waigo wąį hani wai dabe, augwali me te genuai hani pedalumainu ilaibao. Magi baso meni, aga me nago wai dao,” wali.

Tigidali Nai Gagalama Nigali Side 21:15

Nosali te botolde wę sia sobaso, tama agai te ogwa te dwasianu ni dologode bididubadi taga soali.

Bugagia Bidibo Kolesagade Po Asęai Buku 27:8

Bidigo te aga page bulu tagalama, te subigila bilibo, te ba me deli aga be tagalama, tama te subigila bola bilibo tiwai gilama ebao.

Tigidali Nai Gagalama Nigali Side 28:18

Tialima, Jekop te kigamu digi mu hodaluali. Tama agai te tobolo ni tiwai te aga tobolu dologode munama piali masigi sawali selama, tama agai te masigi tǫde dualali, te aga homu hodolomainu ebo sę tiwai ilali. Tama agai te wel te masigi daide ugwadu gelali, te tǫ Godigo gasagi yai nai tedali da olama, te sa muani.

Josua 3:1

Tama Josua te kigamu digi mu hodaluama, tama aga dali te Israel dabe augwali te bidali pesage te Sitim tagalama, tama augwali te Jordan ąįba sabolai. Tama augwali bidabo pesage tede nigai. Augwaligo te wę Jordan nogobeo.

1 Samuel 15:12

Te kigamu mu Samuel hogodasa peyu, te Sol gegegi pali. Tiali goli, augwaligo agabolo weyu, Sol aga te taun Karmelba pelama, te aga hwįanide te genuai nogi tede sali te sa muyu, te masigi me deli dodoligi pali po wai. Aga te masigi dodolugulama, teda aga te Gilgalba pai.

Tuni Bidi Dabego Po Elalubo Buku Si 29:20

Te king Hesekia agai te po oda selama, tama kigamu hulide mu agai te Jerusalem bulu tobolu bidi dabe sisinagasao po wali. Sese tama sisinagasobo si da, teda agai augwali sese tama Genuai Bidigo beba odasa pali.