Tigidali Nai Gagalama Nigali Side 21:10 - Godigo dwagi yai po buku

¹⁰ Tama agai Abrahambolo te po wai, “Nago te sę ebo we aga ogwa dali si sela sąyao. Te olo sę ebo wego waigo te nago doado bage bugulama, me badu me sogobeo. Te doado bage tigidali te eno wai Aisakgo nosali saibao,” wali.

Tigidali Nai Gagalama Nigali Side 21:10 Referans Kwoze

Dwagi Yai Gesi Po Jongo Asęani 8:35

Te olo sę bidi aga te be page bidigo hanide mu bidigobeo, osogo tama bidaibao. Tialima, te be page bidigo ogwa aga te bidi hanide tigidali sogo mu bidada paibao.

1 Jon 2:19

Te bidi dabe augwali polobadu te da bidi hani deli bideiba homu meni baso, tama augwaligo da tagalai dao. Augwali dago hani tigi sogo da, te da dali me bidigi dao. Augwaligo da taga pobaso, dago hania koneani, te bidi dabe tigidali augwali da deli hani bidi mu meni.

1 Pita 1:4

Aga bidibo digi dage maiabo nai agai dagala munama, megi bugagia tonalubo dao. Tama agai dagebolo maiabo nai te gamonabo nai dao, te dwai sęgo dolisiąbo nai dao, te nai munu me mobia pogobeo.

Galesia 4:7

Tama tibaso, megi dage deli deli te olo sę ebo bidi tiwai ma bidigobeo. Menio. Dage agai ogwa dabe bidibao. Tama agai aga ogwabolo maiabo nai dagebolo mawaibao, te agai te we bidi ma dobola sabo kolesaga agai dage dali yaibao.

Galesia 3:18

Tama da te bomo yai po naga bugagia wali peyu, tama God agai da dali dwagi yai sę egi sogo da, teda agade agai dąų wali po wali peyu agai da dali dwagi yai sę egi menigi da. Tiali goli te menio. God agai ‘Eno Abraham dali dąų wali po polobadu obaso, tama megi eno aga dali dwagi yai sę yaibao’ te homu eyu, Godigo Abraham olo tau siyu, dwagi yai sę yai. Tama tibaso dago koneai, te Mosesgo sali bomo yai po tego te Godigo polobadu dąų wali po aiyaba elalugobeo.

Matyu 22:13

Tama te tuni bidigo aga sę ebo bidi dabe augwalibolo te po wai, ‘Dagego aga nogo sągą dunama, te bedu buluba sąnama, tama te be hulia side digibulu bidimainao. Te be hulia side aga dwai gela weyu, tama aga kele ma halua tumainu yaibao,’ te tuni bidigo te po wali,” Jisasgo te po wai.

Tigidali Nai Gagalama Nigali Side 25:19

Te e po da te Abrahamgo ogwa Aisak aga te tama bidali wabo po dao.

Tigidali Nai Gagalama Nigali Side 25:6

Tiali goli, aga bidibo sogo digi, te agai doado bage meba te aga gasa wego wai puluba augwaliba olo mani. Tama agai augwali te giliga pedalubo pedai badu tagala palama, te aga ogwa Aisak bidibo digi te augwali digibulu bidigi pomainu yali. Tama augwali pelama, te giliga pedalubo bulu te badu bidigi pai dao.

Tigidali Nai Gagalama Nigali Side 22:10

Tialima, Abrahamgo te hwą ge selama, tama aga ogwa elainu yali.

Tigidali Nai Gagalama Nigali Side 20:11

Tama Abrahamgo po wei ponoyu, te po wai, “Polobadu eno te tama homu yai, ‘Te e bulu bidi dabe augwali te Godide wi isiąbowe,’ te homu yai. ‘Tiyu, augwaligo ena ela munama, tama eno we saiba,’ homu yalio.

Tigidali Nai Gagalama Nigali Side 17:21

Tiali goli, e tobage sogo te nosali kibu bede te Sarago nago wai ogwa te Aisak ame naibao, tama eno aga dali naga te dwagi yai tau sabo bomai po dąų walaibao.” Te po wai.

Tigidali Nai Gagalama Nigali Side 17:19

Tiali goli, Godigo te po wai, “Awe. Tiali goli, nago we Sarago te wai ogwa me deli ame naibao, tama nago aga nogi Aisak poao. Te eno aga dali, me te aga hani wai dabe dali, te dwagi yai tau sabo bomai po dąų waibao. Te dąų wabo bomai po te sesemane sogo bomo elaluaibao.

Bugagia Bidibo Kolesagade Po Asęai Buku 22:10

Te hagoma ebo bidi dabe sela sąbaso da, tama te tobage konila po wabo, me te dwai po wabo te sia saibao.

Te Israel Tobolu Bidi Dabe 11:2

Tama Gileat aga sali we mugo me te wai ogwa meba ame nani. Tama te wai dabe augwali genuai ebo sogode, augwaligo te Jepta sela sąyu ela gudulali. Tama augwaligo agabolo te po wali, “Nago te dago ayago doado bage deli munu me selamuo,” wali. “Nage gasa wego wai dao.”