Tigidali Nai Gagalama Nigali Side 20:6 - Godigo dwagi yai po buku

⁶ Te nade Godigo te tiwai po wei ponani, “Awe, eno koneani, te nago homude dolo homu ebaso, nago tama tiali. Tama koneabaso, eno nage te we pąba pigi pisąma emainu elama, tama enabolo dwai sę idali homu yai.

Tigidali Nai Gagalama Nigali Side 20:6 Referans Kwoze

1 Samuel 25:34

Tama Genuai Bidigo ena palibaso, te eno nageba dwai sę me yainu homu yali te me ebeo. Tiali goli, te Sesemane Sogo Bidibo Genuai Bidigo nogide, eno mu po obao, te nage enaba polo tama asigi menigi sogo da, teda te kigamu te Nabalgo sę bidi te me deli te bidibo ula dali me bidigi menigi dao,” Devitgo te po wali.

1 Samuel 25:26

Odao. Genuai Bidigo digi nage paliama, tama nago te boi bidi dabeba te dwai kolesaga isiąyu, tama augwali me ela mubeo. Tama te Sesemane Sogo Bidibo Genuai Bidigo nogide eno po bomo elama weyu, te tiwai po obao, te nago boi bidi dabeba te Godigo dene ilimainu yaibao, te Nabalba yabo sę tiwai gilama yaibao.

Bugagia Bidibo Kolesagade Po Asęai Buku 21:1

Genuai Bidigo te kingo homu kolesaga dodolobaso, tama kingo te Genuai Bidigo homu wali peyu, te ąį te ąį gamiadu wali pabo tiwai ebo dao.

Tigidali Nai Gagalama Nigali Side 35:5

Jekop dali aga ogomani augwali pepela wali. Tama Godigo te Sekem hanu pąde bidalubo we bidi augwaliba te genuai wi pedalumainu ilama, tama augwaligo te Jekop dali me boi hwįabo homu eyu, pobeasa pabeo.

Tigidali Nai Gagalama Nigali Side 31:7

tiali goli agai ena tibo po ola menama, tama eno sęde sabo nai te nogo si sogo hasegelali. Tiali goli, Godigo agai ena dolomainu me gogolobeo.

2 Tesalonaika 2:7

Megi te bomo yai po sela sąbo kolesaga e tǫde geme dulalubo digi, aga sę ebo dao. Tama aga geme dulaluama, tama aga te tų palialuali bidi bogia soabo tonalubao.

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Ma Dobola Sali 34:24

Nosali da, eno dagego tǫde megi te bidibo we bidi hani augwali sela sąnama, tama dagego tǫ dąį genuai ilaibao. Tama dagego enabolo lotu wagasobo sogo, te tigidali kibu bede sela sogo naga te lotu po weyu, tama dagego tama tibadi, te boi bidigo dagego tǫ sainogo homu me egobeo.”

2 Korin 6:17

Tama Genuai Bidigo te aga we bidigo te dwai sę ebo bage tagalamainogo eyu po ma wai, “Tama tibaso, dagego augwali tagalama, tama gasa madi bidigi pao, tedali mu bidao. Tama dagego te augwaligo dwai sę yabo meda yai nai munu me tolamuo. Tama ena digi eno dage saibao.

Godigo Nogi Ugwaba Sabo Tęąbi Po Wabo Buku Dabe 81:12

Tama tibaso, eno te augwa hagoma ebo kolesagade wali bilimainu sula tagalali, tama augwa te mena augwa homugo ela palio.

Godigo Nogi Ugwaba Sabo Tęąbi Po Wabo Buku Dabe 51:4

Eno dwai sęgę nage deli dali naga yai. Eno dwai kolesaga nago gedude yai. Tama nago ena po tų ela menama, tama nago doloba pai kolesaga naga yao. Nago eno sęgę wei siyu, tama nage da, dwai sę isiąwai bidi.

Tigidali Nai Gagalama Nigali Side 39:9

Eno te bede te aga bomo tiwai digi te eno elalubao. Tama agai te magi nai me deli te enabolo me habu selibeo, nage deli naga, te nage agai we da. Magi baso eno te tiwai dwai kolesaga yaibawe? Te eno tama tiwai dwai sę ebaso da, teda eno God gedude dwai sęgę saibao,” wali.

2 Tesalonaika 2:11

Tama tibaso, Godigo augwaligo homu pesegelaibao, tama augwaligo te tibo po wabo mu po dao omainogo yaibao.

1 Korin 7:1

Megi da eno dagego enaba tolali pasde asęani po wei ponainogo homu ebao. Eno homugo te bidigo te we dwasianu me nogogo diąsiąbaso da, te wiegi yai dao.

Pris Sę Ebo Bomai Po 6:2

“Te bidi me deligo aga abagigo doado bage bugagia tolaluainu selama, tama agai te nai doado bage ma maiabo homu isąbaso da, teda agai sęgę sobao. Te agai abagigo nai wi sobaso, ma agai augwali tibo po ola menama, te agai doado bage anoma elama sobaso me,

Tigidali Nai Gagalama Nigali Side 26:11

Tama tibaso, nosali Abimelekgo te e tiwai po bomo elama, te tigidali bidi dabebolo walio, “Te bidi me deligo dwai sę te e bidi dali, ma we dali me ebaso da, teda te bidi aga mu isimainao.”

Tigidali Nai Gagalama Nigali Side 3:3

Tiali goli, te tomode dolalubo nedu du me deli digi da, te da si go tusiąma habu selai. Godigo te tiwai po wai, ‘Dage sigo te nedu du togola tugio, ma dage sigo nogogo diągio. Tiyu, dage si isabuo,’ wali,” wego te po wai.

Matyu 27:19

Tama me, te bidi Pailat aga te po tų odobo bidi jas dugabo siade aga dualalubadi, tama aga wego po agabolo toliyu te po wai, “Nago magi sę me deli te doloba pai bidi dali me elamuo. Te eno hulide nade aga sulama, tama eno genuai homu elalubao.” Te po wai.

Tigidali Nai Gagalama Nigali Side 31:24

Tama hulide, Aram bidi Labango na yali, tama God agaba pedelama, te po wali, “Nago te Jekop dali magi po me deli, ma aga wi ilibo sę me elamu dao,” te po wai.

Bugagia Bidibo Kolesagade Po Asęai Buku 6:29

Te tama tiwai gilama naga, te nage gasa bidigo we dali pigi pali da, te augwaligo nageba te genuai dene me sęgę mabo te nago me geda mugobeo.