Tigidali Nai Gagalama Nigali Side 20:2 - Godigo dwagi yai po buku

² Tama te we bidi augwalibolo te tiwai po wai, “Sara te eno abe dao.” Tama Abimelek, te Gerar hanu tonalubo genuai bidi, agai te sę bidi meba tagala palama, tama augwaligo Sara agaba odasa asai.

Tigidali Nai Gagalama Nigali Side 20:2 Referans Kwoze

Tigidali Nai Gagalama Nigali Side 12:15

Tama te Isip dabego genuai polasa tuni bidi tego sę tonalubo bidi dabego te Sarai sulama, augwaligo augwa tuni bidibolo te po wali, “Te we da, te gasagi yai sawi yai we mu dao.” Tialima, augwaligo aga sigi pelama, tama tuni bidigo beba odasa pai.

Tigidali Nai Gagalama Nigali Side 26:7

Tama te bulu bidi dabego te aga we po agabolo hanalubo sogo agai te tiwai po wali, “Aga te ena abe dao.” Aga wi ebaso, tama agai te po me wabe, “Aga te eno we da,” wabeo. Aisak wi elama, tama tiwai homu yali tiyu, te bidi dabego Rebeka sainu te aga ela muidali homu yali. Magi baso meni, Rebeka te gasagi yai sawi yai we bidai.

Kolosi 3:9

Dagego duga hasi ama dabe tibo po wabo tagaliąo. Magi baso meni, polobadu dagego tigigo dwai sę yabo kolesaga dologode bidibo dagego tagalalio, tama te tobage dwai kolesaga ebo dagego tagalali.

Efesus 4:25

Te God agai dage te gesi noma we bidi nigaligo da, teda dagego dwai tibo po wabo kolesaga tagalama tama munu me egimio. Te menio. Tama dage tigidaligo duga hasi tomode mu po naga wao. Magi baso meni. Dagego koneani, da tigidali te deli tigide naga wadolama bidibo dao.

Kolesaga Koneai Bidigo Pusali Po Elalubo Buku 7:20

Te doloba pai bidi me deligo wiegi yai kolesaga sesemane sogo me idugobeo. Menio. Me sogo agai me sęgę sabo dao.

Bugagia Bidibo Kolesagade Po Asęai Buku 24:16

Te doloba pai bidi hauwa sogo tulalubadi digi tagala, te sesemane sogo aga ma hodaluaibao. Tiali digi, te dwai sogogo te dwai kolesaga ebo bidi dabe gegebaso da, teda augwali mu dolobo dao. (28)

Tuni Bidi Dabego Po Elalubo Buku Si 32:31

Te kantri Babilon genuai bidi dabego Godigo te kantri Juda bulude te wiegi yai sę yali po odama, augwaligo te bidi dabego esiąbo bomai sę yali po page odainogo bidi me deli tagala palali, te Hesekiabolo hanalu wainu. Te sogo Godigo Hesekia tagalai madi, magi baso meni, agai Hesekia usu selama, tama agai kolesaga me homu kolesaga osola suainogo.

Tuni Bidi Dabego Po Elalubo Buku Si 19:2

Tama asidubadi te sogo profet Jehu te Hananigo ogwago te Jehosafat tiąba pelama, e tama po walali. “Nago homugo te dwai bidi dabe tau siyu, tama Genuai Bidi godolo isąma ebo bidi dali kisabo, te usu da, agawe? Nago te tama kolesaga yaligo da, Genuai Bidigo nage dali sębę homu yalio.

Tigidali Nai Gagalama Nigali Side 26:16

Tama nosali Abimelekgo Aisakbolo te tiwai po wai, “Nago da taga peyu, pao. Megi nage bomo mu ebao. Da nage dali usu me egobeo,” wali.

Tigidali Nai Gagalama Nigali Side 26:1

Gasa sogo te nasi ebo si te buluba pedelali, te polobadu Abraham bidali sogo pedelali nasi tiwai ma pedelali. Tialima, Aisak te Filistia dabego tuni bidi Abimelek bidibo bulu te Gerarba pali.

Tigidali Nai Gagalama Nigali Side 20:12

Tama mu tama, Sara te ena abe dao. Te da si go aya deli, tiali goli te aga ida tedali. Tama eno aga sai dao.

Tuni Bidi Dabego Po Elalubo Buku Si 20:37

Tiali goli te Doavahugo ogwa Elieser te taun Maresa bidigo te Godigo bomai po te Jehosafat dali pusagasiyu, e tama po wali, “Nage te Ahasia dali abagi si igi palio. Tama tialima, Genuai Bidigo dage sigo te nigali sip dolaibao,” wali. Tama tialima, me sogo te sip dabe te ąįdu pobadi te dolali, tama augwali te Tarsisba pabo usu meni yani.

Tigidali Nai Gagalama Nigali Side 21:22

Te sogo Abimelek te aga ami bidi tonalubo polalubo bidi Fikol dali, augwali si te Abraham bidibo madi pelama, tama po wai, “Te tigidali sę nago ebode te God nage dali bidibo dao.

Bugagia Bidibo Kolesagade Po Asęai Buku 29:25

Te aga gasa bidi dabede wi ebaso da, te wa me deli kekelama, tama aga digi te tubo te tiwai ebao. Tiali goli, te bidigo homu Genuai Bidiba bomo elama dąų obaso da, te aga bugagia bidaibao.

Bugagia Bidibo Kolesagade Po Asęai Buku 6:29

Te tama tiwai gilama naga, te nage gasa bidigo we dali pigi pali da, te augwaligo nageba te genuai dene me sęgę mabo te nago me geda mugobeo.