Tigidali Nai Gagalama Nigali Side 20:11 - Godigo dwagi yai po buku

¹¹ Tama Abrahamgo po wei ponoyu, te po wai, “Polobadu eno te tama homu yai, ‘Te e bulu bidi dabe augwali te Godide wi isiąbowe,’ te homu yai. ‘Tiyu, augwaligo ena ela munama, tama eno we saiba,’ homu yalio.

Tigidali Nai Gagalama Nigali Side 20:11 Referans Kwoze

Bugagia Bidibo Kolesagade Po Asęai Buku 16:6

Te bidigo Genuai Bidi godolo homu mu elama, tama aga dali mu kęą pobaso da, teda Genuai Bidigo te agai sęgę sela sąwaibao. Tama te bidi Genuai Bidide wi eyu, aga dologode bidibaso da, teda te bidigo te dwai sę ebo kolesaga te ela sobaso, usu yaibao.

Bugagia Bidibo Kolesagade Po Asęai Buku 2:5

Nago te sę dabe ebaso da, teda nago te Genuai Bidide wi eyu, aga dologode bidibo kolesaga page te mu koneama, tama nago te God bugagia koneaibao.

Nehemia 5:15

Te ena gavman bidi bidisiąbadi, te provinsde polasa gavman bidali bidi dabe, augwaligo te we bidi dabeba genuai sęgę mawai. Augwaligo te we bidi dabede te nai me, wain me, te mone 400 kina anoma elama siyu yali. Tama me te gavman bidigo sę bidi dabego te we bidi dabe augwali aiyaba elalu yai. Tiali goli, ena te God dologode bidiyu, tede homugo kone palobaso, tama tiyu, eno te tiwai kolesaga me ebeo.

Tigidali Nai Gagalama Nigali Side 26:7

Tama te bulu bidi dabego te aga we po agabolo hanalubo sogo agai te tiwai po wali, “Aga te ena abe dao.” Aga wi ebaso, tama agai te po me wabe, “Aga te eno we da,” wabeo. Aisak wi elama, tama tiwai homu yali tiyu, te bidi dabego Rebeka sainu te aga ela muidali homu yali. Magi baso meni, Rebeka te gasagi yai sawi yai we bidai.

Tigidali Nai Gagalama Nigali Side 12:12

Te Isip bidi dabego nage sulama, te po waibao, ‘Te Abramgo we da,’ po waibao. Tama augwaligo ena ela munama, tama nage saibao.

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Tigidali Nai Gagalama Nigali Side 42:18

Te sela sogo wabode Josepgo augwalibolo te po wali, “Dagego eno po wali pelama, tama dage bidibo ula elalubao, magi baso meni, eno lotu po te Godiba wabo dao.

Tigidali Nai Gagalama Nigali Side 22:12

Tama Mobo Bidi Enselgo te po wali, “Nago te wai elamuo. Nago magi sę me deli aga dali me igio. Nago ogwa deli naga elalubadi, tama nago aga yogo eyu, dąų me wabeo. Tama tibaso, eno koneani, nage te Godigo po odobo bidi dao,” Yawego Ensel Mobo Bidigo te po wai.

Polgo Po Pas Rom Dabeba Asęani 3:18

Augwaligo te God dali wi dwasianu me ebo menio,” te po te bukude polobadu asęani.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Bugagia Bidibo Kolesagade Po Asęai Buku 1:7

Te God Genuai Bidide wi eyu, aga dologode bidibo bidi, agai te dwagi yai homu kolesaga page konebo gagalai dao. Me ma, te wiegi yai homu kolesaga elalusiąbo bidi dabe augwaligo te kolesaga konebo skul olama, te wiegi yai kolesaga sabo te hagela homu mu ebo dao.

Godigo Nogi Ugwaba Sabo Tęąbi Po Wabo Buku Dabe 14:4

Genuai Bidigo te po wai, “Te bidi dabe augwaligo dwai kolesaga yai, augwaligo homu kolesaga meni, agawe? Augwaligo te eno we bidi dabe ela silibao, te augwaligo te bret tubo tiwai gilama te mu silibao. Tama augwaligo enaba gedu haluasa po wabo menio,” wali.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Tigidali Nai Gagalama Nigali Side 20:10

Magi baso nago tama tialiwe?” wali.

Tigidali Nai Gagalama Nigali Side 20:12

Tama mu tama, Sara te ena abe dao. Te da si go aya deli, tiali goli te aga ida tedali. Tama eno aga sai dao.