Tigidali Nai Gagalama Nigali Side 20:1 - Godigo dwagi yai po buku

¹ Te Abraham te Mamre tede bidali taga peyu, te Negeb moni tǫ pedai te badu pelama, tama aga te bulu si Kades me Sur, te bulu si tomode bidali. Aga te Gerar hanude te aga we Sara dali bidai.

Tigidali Nai Gagalama Nigali Side 20:1 Referans Kwoze

Tigidali Nai Gagalama Nigali Side 26:6

Tialima, Aisak te bulu Gerar tede bididualio.

Tigidali Nai Gagalama Nigali Side 26:1

Gasa sogo te nasi ebo si te buluba pedelali, te polobadu Abraham bidali sogo pedelali nasi tiwai ma pedelali. Tialima, Aisak te Filistia dabego tuni bidi Abimelek bidibo bulu te Gerarba pali.

Godigo Nogi Ugwaba Sabo Tęąbi Po Wabo Buku Dabe 29:8

Te agai dogonigo te wa pai bulu te gęǫ ilaibao. Agai te Kedes hanu wa pai bulu te gęǫ ilibo dao.

Tigidali Nai Gagalama Nigali Side 18:1

Nosali Yawe te Abraham bidibo madi, te bidi Mamrego genuai ni dabe elalubo digi, teba pedelali. Te giliga sesane mu ebaso, tama Abraham te aga ugwa be sunumi mabode dulaludai.

1 Samuel 15:7

Tama Solgo hwįbo sę bomo mu ela pelama, tama te Amalek dabe aiyaba elaluali, te Havilago tǫde gagalasa pali, tama te tǫ wa pai bulu te Sur, te giliga pedalubo pedai badu, te Isip te badu usu nigi palio.

Bomai Po 32:51

Aron isai dao, tama nage me isaibao. Magi baso meni. Dage sigo eno po me wali sogo bugagia wali pabeo, tama dage sigo eno nogi aiyaba elalualio, te Israel dabego gedude, te dage te Meriba bulude bidali sogo, te Kades hanu pąde, te masigi kemi sane olo bulude.

Bomai Po 1:19

Mosesgo po geninama weyu, te po wali, “Dago te God dago Genuai Bidigo wali po wali pelama, tama dago Sainai bulu du taga solama, tama da te bulu me te mu dwai digi pai dao, te moni nai meni yai kemi sane buluba. Tama tedu peyu, da te Amor dabego bulu duba dabe sabolali. Da te bulu Kades Barnea sabolali sogo,

Israel Hanigo Namba 20:16

Tama tibaso, dago Genuai Bidibolo i olama, da tau sao po wai dao. Tama agai dago i wabo odama, tama agai ensel bidi me taga palali. Tama ensel bidigo da Isip bulude selama, odasa asai dao. Tama megi da Kadesde bidibao, te nago kantri bogo badu elalubo bulu.

Tigidali Nai Gagalama Nigali Side 26:26

Abimelek te aga bulu Gerar taga soyu, asama, Aisak suagasali. Ahusat, te bidigo Abimelekbolo te wiegi yai homu kolesaga mabo bidi, me Fikol, aga te aga ami bidi dabe tonalubo polalubo bidi, augwali si te Abimelek dali asai.

Tigidali Nai Gagalama Nigali Side 26:20

Tiali goli, te Gerar tede te kibu bulmakau tonalubo bidi dabego te Aisakgo kibu tonalubo sę ebo bidi dabe dali wado po weyu, te po wai, “Te e wę dago wę dao,” po wai. Tama Aisakgo te wę ulu nogi e tiwai nogi poai “Wado po wai.” Magi baso meni, te bidi dabego wado po tede wai.

Tigidali Nai Gagalama Nigali Side 24:62

Te Abrahamgo sę bidi agai te we gegeyu, tama digibulu mu peyu, digibulu ma asu, tama tibadi, te Aisak agai te bidi dabe augwali bidisiąwani badu taga soali, augwaligo te bulu nogi poali ‘Te ena subo Bidibo Ula Elalubo Bidigo wę ulu.’ Te nogi poai. Tama aga pelama, te Negeb pedai badu bidigi pai.

Tigidali Nai Gagalama Nigali Side 13:1

Te Abramgo doado bage hauwa elaluali. Agai te sipsip me, meme me, bulmakau me, te dila pai kapa silva gol dali si, te tama nai doado bage hauwa mu elaluai. Tialima, Abramgo te Isip bulu taga soyu, te moni tǫ pedai badu nogi Negeb, teba soai. Agai te aga we me te aga doado bage tigidali selama, tama Lot me aga dali hodobo soali.

Tigidali Nai Gagalama Nigali Side 10:19

Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.

Tigidali Nai Gagalama Nigali Side 16:14

Tama te tialigo naga, te bidi dabego te wę ulu asobo te Kades de Beret tǫ si tomode suali, augwaligo te nogi poali, “Te ena subo Bidibo Ula Elalubo Bidigo wę ulu dao,” tama nogi poali.

Tigidali Nai Gagalama Nigali Side 16:7

Hagar te bidi meni yai pedai badu te Sur pabo sunumidu pai. Aga te wę ulu tubo madi dulalubadi, te Yawego Ensel Mobo Bidi te agaba pedelali.

Tigidali Nai Gagalama Nigali Side 16:1

Te Sarai, Abramgo we, agai wai meni yai. Tiali goli, agai sę ebo Isip we me deli bidali, aga nogi Hagar.

Tigidali Nai Gagalama Nigali Side 12:9

Tama elama, bidama, tama nosali Abram te me mu pidubadi geanima, te giliga pabo bogo badu te moni tǫ pedai Negeb, te badu sabaligi pai.

Tigidali Nai Gagalama Nigali Side 25:18

Te Ismaelgo hani wąį dabe augwali te tǫ pedai Havila me Sur te tomo agebele side bidaluali. Te bulu te Isip pąde te Asur teba pabo sunumi te giliga pedalubo pedai badu elaluai. Te Ismaelgo hani augwaligo te haniani hani dali boi bidi homu ebaso, tama augwali digibulu bidigi pai dao.

Ma Dobola Sali 15:22

Nosali Mosesgo Israel dabe augwali te mama tamu wę tagalama odasa pali, tama augwali te wa pai ni meni yai bulu Sur tedu pai. Tama augwali sela sogo te wa pai nai meni yai buludu pai, tama augwaligo wę me subeo.

Tigidali Nai Gagalama Nigali Side 21:34

Tama Abraham te Filistia dabego tǫde sesabi gana elama bidalio.