Tigidali Nai Gagalama Nigali Side 2:24 - Godigo dwagi yai po buku

²⁴ Tama tialima, te kolesaga pedelali, te bidigo aya ida tagalama, tama aga we dali kęą pali, tama augwa si deli mu pedelali, te kolesaga da tomode megi te elalua pobao.

Tigidali Nai Gagalama Nigali Side 2:24 Referans Kwoze

Polgo Po Pas Rom Dabeba Asęani 7:2

E tiwai dao, te bidigo sai we tama aga bidi bidibadi da, teda te bomai pogo aga te aga bidi dali kęnanio. Tiali goli, aga bidi isai digi yai baso da, teda aga bidi dali te kęnani bomai pogo te aga ma kęąlubeo.

Bugagia Bidibo Kolesagade Po Asęai Buku 31:10

Te bidigo te wiegi yai kolesaga mu ebo we sabo homu ebo da, agawe? Teda aga gegebo sę dene mu yaibao. Te tobage tiwai wego te tobage te gasa sawi yai masigi dabe te aiyaba elalubo tiwai ebo dao.

Bugagia Bidibo Kolesagade Po Asęai Buku 12:4

Te bidi me deligo wego te wiegi yai kolesaga ebaso da, teda te tebogo te aga bidiba te genuai nogi mobao. Tiali goli, wego te dwai kolesaga haniani eyu, tama aga bidi hale ilibo we yai baso da, teda te wego te dwai gasigo te aga bidigo dili te dolobo sę tiwai ebao.

Godigo Nogi Ugwaba Sabo Tęąbi Po Wabo Buku Dabe 45:10

Nage te gesi wegi te king dali bidi painu, nago te eno po odolama, tama tede homu kone palao. Nago te naga bulude bage te homu kone ebo gegeda palama, tama naga deli kaneme bage me te homu kone ebo tagalao.

2 Timoti 5:14

Tama tibaso, augwaligo tama idali weyu, eno homugo Timoti nago te bidi isai gesi we dabe te augwali bidigo ma sao po wao, tama wai ame nobaso, te augwa hani tonalubo sę yao. Te augwaligo tama tiyu da, teda, te da dali te dwai po wabo boi bidigo tų gegabo usu meni yaibao.

Bomai Po 10:20

Dage tigidali sogo God dago Genuai Bidi dologode bidiąo, tama aga delide naga lotu weyu yao. Dagego agaba dąų ola selama, tama dagego tigidali po aga delide naga dąų waliyu yao.

Bomai Po 4:4

Tiali goli, te dago God Genuai Bidide augwa homu mu kęą pai bidi dabe, dage da me te bidibao,” wali.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Josua 23:8

Tialima, te dagego te Genuai Bidi dali bugagia kęą pelama, tama aga wali peyu, te megi tama dagego te ela asali tiwai gilama yao.”

Tigidali Nai Gagalama Nigali Side 4:19

Tama nosali Lamekgo we si sai. We me deli nogi Ada, tama mego nogi Sila dao.

Bugagia Bidibo Kolesagade Po Asęai Buku 2:17

Te tobage wego te aga gesi wegi ogwa we bidibo sogo sali bidi tagalaibao. Tama agai te God gedude dąų wali po te wali munu ma pogobeo.

1 Samuel 25:43

Te hasia Devitgo te Jesril taun we Ahinoam sai, tama megi agai te Abigel me sali.