Tigidali Nai Gagalama Nigali Side 2:18 - Godigo dwagi yai po buku

¹⁸ Tama Yawe Godigo aga digi homude te po wai, “Tiyu, te bidi agaduba deli naga bididalio, te usugobeo. Te eno te aga tau siyu bidabo abagi me deli nigilaibao,” te homu yai.

Tigidali Nai Gagalama Nigali Side 2:18 Referans Kwoze

1 Pita 3:7

Te dage we sai bidi dabe me, dage Godigo we bidi hani dali dwagi yai homu eyu, tama dage deli deli duga we dali tau sabo homu eyu, abagi homu eyu, bugagia bidao. Tama dagego koneani, te bidi me aga we me augwali sibolo God agai te bidada peyu, bidada pabo bomo olo mawaibao. Tama dagego augwali bomo genuai meni homu ebadi, te bidi agai aga wego nogi ugwaba sao. Bidigo tama tiyu bidibaso da, teda Godigo augwali sigo aga hanalu wabo po odaibao.

Bugagia Bidibo Kolesagade Po Asęai Buku 18:22

Te nago we deli siyu da, te wiegi yai mu da. Te tama tiwai ola mani, Godigo te wiegi yai pemene elama, tama nageba te bugai haliga emainu tebao.

Tigidali Nai Gagalama Nigali Side 3:12

Tama bidigo po wei ponai, “Te nago enabolo mani we eno abagigo, agai te nedu du enabolo mobaso, tama eno tuai dao.”

Rutgo Po Elalubo Buku 3:1

Tama nosali gana Naomigo Rutbolo te tiwai po wai, “Auwa o, eno bidi me deli gegelama, nage te bidigo selama, bugagia bidimainogo yaibao.

1 Korin 7:36

Te bidi me deli aga homugo agai te dolo meniabo kolesaga te aga noma sali gesi wegi te dali te tiwai kolesaga ebaso, tama agai homu te wede hodoloyu bomo mu eyu, tama agai suali te gasa sunumi me elalusiąbaso da, teda te bidigo te wegi kęmainao. Te sęgę sabo sę ebeo. Te augwa si bidimainao.

Tigidali Nai Gagalama Nigali Side 1:31

God aga digi nigali nai tigidali sulama, dwagi yai yai baso, tama aga dwagi yai homu pemene mu yai. Te be huliama, kigamu be posai. Te be posobo te nogo a naga me badu kibisa deli wali silali.

Tigidali Nai Gagalama Nigali Side 2:20

Tialima, bidigo te be pąde bidibo tigidali kibu me, te bulude bidibo tigidali hasa sibi me, te tigidali ba sibi me nogi mena silali. Tiali goli, aga dali te abagi olama tau siyu bidabo bidi me deli te meni yani.